¹ Jep muop, an pǝ yil jepee muǝp ngun yong ba gu chin bi wubis. Din megu chin bi wubis bǝ mǝn gǝ, Nda, Yesu kiristi wu dar gǝ kǝgǝn mu, ni a pee wusaan. ² Ani mang wubis amu, a mǝl dat mou, a dǝ gǝyil dip. ³ Mǝ man mǝ jaa a dǝ mǝ man ni, ɗin mǝ muan gǝ bii biang afe. ⁴ Gǝ gurum wu gǝyen gǝ man Naan, bǝ gǝ ɓoot wu muan gǝ bigang mou bǝ gǝ a wuwurum, bǝ naduk wǝn ngǝ. ⁵ Gǝsǝm gurum wu ya bǝlǝp a muup, naduk, ni gǝ ɗempee Naan shi buzung muup. Gǝ bii nhǝ mǝ man mǝn gǝmǝ gǝ ni. ⁶ Gǝsǝm gurum wu layen ji dar shi bǝlǝp Naan bǝ ni muan gǝ kaashik muup ka wu ni muan hǝ. ⁷ Wushaar muǝp dip gǝ kan hǝ, an pǝ yil biyang wufǝ dǝ gu mǝu, a wusǝgǝr biyang ndung gu yawar gu man gwee shideel hǝ. Wu sǝgǝr biyang a wa ǝk bǝlǝp wudok gu kǝlǝng gwe hǝ. ⁸ Dip gǝ kam hǝ, an pǝ yil biyang wufud nsa ni a naduk dǝ gu dǝgǝn kiristi nau gǝ gun, nsa kwǝ ni pǝ saan dat veet. ⁹ Gurum wu yen jin gǝ pee wusan mǝn nyang emnǝgǝn muup ni kutni dat nwukwoǝ. ¹⁰ Gurum wu ɗem emnǝgǝn muup ni ndǝgǝn pee wusaan nsa ni gǝ ɓit ƴani wa gǝ gǝnok mǝu. ¹¹ Gurum wu nyang emnǝgǝn muup kutni nɗǝgǝn kwoo, bǝn muan dok nkwoo, man pee wu ni pǝ muan mǝn nsa kwoo vugum yit muup. ¹² An pǝ yil dǝ gu jep muǝp nsa Naan vang bii wubis a gu nɗǝgǝn sǝm muup. ¹³ An pǝ yil dǝ gu Nda muǝp nsa gu man ndung ni a wushi deel hǝ. An pǝ yil dǝ gu jepsual nsa gu maagǝ kagam ni wuchin wubis hǝ. Dok a yil dǝ gu jep muǝp nsa gu man Nda. ¹⁴ A yil ngun Nda muǝp nsa gu man gwǝ ndung ni shideel hǝ, a yil ngun jep suel nsa gun a wubal, mǝn bǝlǝp Naan ni dǝ gu bǝn gu man gǝ kagam gunum wubis. ¹⁵ Na yong gu dem gǝyil gǝ jepee wudung ni gǝyil hǝ mǝu. Gurum wu gǝ dem gǝyil, dempee Nda kutni gǝmee gǝni mǝu. ¹⁶ Nsaa jepee ndung muǝp gǝyil hǝ a bii lǝ yok, gǝ bii mang yit, gǝ bii nas bǝzung kaa bii gǝyil nsa tong a gǝpee Nda mou, ni a gǝyil. ¹⁷ Gǝyil jepee a muup pǝ wak dǝlǝng, ɗee gurum wu cin bi wu Naan ɗem hǝ, yong gǝ tong dǝrtǝs. ¹⁸ Jep muǝp, a shi wutǝs, kabi wu gu kǝlǝng wu nyang kiristi ni wul, gǝdǝs hǝ wu nyang kristi muǝp nbǝl mǝ wul. Ani bǝ mǝ man kan a shii wutǝs. ¹⁹ Mǝ fuat gǝnaarmu,dok muǝp gǝnaarmu muo. Dǝgǝn mǝ yen muǝp gǝnaarmu din mǝ kwǝt gǝmee gǝ mǝn. Fat a muǝp niin kan dok muǝp nɗǝgǝn mu mǝu. ²⁰ Gu kat pǝs gǝpǝ wusǝsaar, gun nau gu man. ²¹ Yil ndung a yil ngun mou bǝ a ka wu niang gu man naduk mau, gu man naduk, wurum ni ndǝgǝn naduk mǝu. ²² A wudang a wuwurum eh, a gwǝ ndung chii kaa Yesu a kiristi mǝu hǝ. Gwǝ nani a wu nyang kiristi, nsa chii kaa Ndaa gǝ laa muup. ²³ Gurum wu kaa LaaNaan. bǝ ni gǝ Nda mǝu. Gurum wu dem laa bǝ ni gǝ Nda. ²⁴ Kabi gun hǝ, bi wu gu kǝlǝng shi deel hǝ dee shisuk. Din bi wu gu kǝlǝng shi deel hǝ kutni shisuk, bǝ yong gu kutni dǝgǝn Laa gǝ Nda. ²⁵ A bi wuni ladin gǝ mǝn nung nook wu latwǝn. ²⁶ A yil jepee nhǝ ngun nka gurum muǝp ndung yong mǝ fǝn gun hǝ. ²⁷ Gun wu gu lap pǝs fu muup hǝ, ɗee ngun, mǝn gu tang nkop mǝgwo din bǝn shee gun mǝu. pǝs shee gun gǝ jepee nau naduk, a wurum mau, kar gǝbii ndung shee gun hǝ, gu tuagat gǝmee gǝ ni. ²⁸ Jep muǝp, gu tuagat nɗewar nwul bǝ mǝ kat tugurduan, bǝ kaawaat wǝn nwul a muup. ²⁹ Din gu man ni a wuret, bǝ gu man gurum wu chin bi wuret bǝ waa a wu mǝ Laa ni ndǝgǝn muup.