¹ De an shak mo? A a laa lep mou mǝh? kan dok a naa miskagam Yesu mou mǝ? Kan gun a ɓǝlang anǝ ndǝgǝn miskagam mou, mǝh. ² Ka din an ni nkwot a laa lep dǝ pak gurum muop mou bǝ an a laa lep anǝ nɗǝgǝn miskagam. ³ Nɗung hǝ a bǝn kaa anǝ dǝ muop mǝ lǝ'en dǝ nǝ. ⁴ Mǝn gǝ war dǝ sǝsua mou ha? ⁵ Kat mǝn gǝwar dǝ mang mee mǝ emnǝgǝn mu mǝmat, kabi nung gogot jep gǝ mǝ jepemnǝgǝn miskagam ɗee Kefas moumǝh? ⁶ A mǝn dat gǝ Barnabas ni mǝ kwot gǝ ɓǝlǝp laa kaa ɓǝlang lǝng ha? ⁷ Ndung chin ɓǝlang kabi ndung a soja ndung chin dǝ kashik hǝ? Wu marmar mǝn ba sǝ bii wudok kop mou hǝ? gǝ chin kang ni yong sua yugur biikang yi mou hǝ? ⁸ Kan anfu laa jepee nhǝ a kǝ maa nung gurum mǝ? Ka ni ɓǝlǝp den laa ɓǝlǝp a kaa mou mǝh. ⁹ Mǝyil gwe den nɓǝlǝp den Musa. Nayong gǝ lang shang fu mǝng mar "wa ni fu alar yeem, a nǝng mar ndung Naan weel gǝ muop hǝ? ¹⁰ Ni fu laa ɓǝlǝp a kaa mu mou ha? Ɗok mǝyil a dǝ mu, gurum nɗung mar mar bǝ mar gǝ endye, gurum ndung buap sǝ bwap a gǝ endye kat. ¹¹ Kat mǝ kop chelem bii wuret gǝnargu, mǝ yong feer magǝkagam mu dǝ ɗip jepee gǝyil fu gu ha? ¹² Ka ɗin gogot gururm muop mǝ kat bii nhǝ fu gu, kan mǝn gǝ wu maa nɗung hǝ mou mǝh? Mǝn ya wa na muun gǝ mou. Ndee a kamhǝ, mǝ wak wu dǝn bǝlǝp kristi. ¹³ Dee guman gurum ndung chin bǝ lang a muop gǝpee wu waar gǝ kat sǝ a muop afu Naan ha? Kan gu man mou mǝh? Muop wu chin bǝlang nlǝ wapNaan gǝ mǝ kat nsǝ a lǝ wapNaan. ¹⁴ Nwar gǝmee miskagam layen gurum muop ndung m la ɓǝlep Naan gǝ mǝ sǝ-sǝ a muop a dǝ ɓǝlǝp Naan. ¹⁵ Mǝn a yaa mǝ bii a wa a nǝmaan gǝni mou. ¹⁶ Mǝn an a yil mou a kam hǝ dong bǝ yong mǝ chin mǝbi dǝ nǝ, a muut bǝ dong ma ndung ni mǝgwo gǝ ɗǝng fu ɓagal nhǝ. kat a laa ɓǝlǝp Naan bǝ, an gǝ mǝbii dǝ laa a kaa mou nsa yong a chin Tiit. Gǝ lat nkaa nǝ kan ni a chin balang Naan. ¹⁷ Ɗin a chin bii nhǝ a kǝ dem a nǝ bǝ an gǝ kopgǝshii mǝn ni a chin a gǝ ɓǝlang wudok mǝ niyni an hǝ. ¹⁸ Ɗee a mee a kopgǝshi nǝ nɗung a laa ɓǝlǝpNaan bǝ a la ɓǝlǝp dǝ kwat mou yong ba chin ɓǝlang gǝ takpee anǝ nɗǝgǝn ɓǝlǝpNaan mou. ¹⁹ Ɗip gǝ kapee anǝ dǝ muop nau, mǝn a sam gǝ kaa nǝ a waa kǝrǝm wudanshi dat dewar a kat gurum yi gwet. ²⁰ Ɗǝ Yahudawa muop a waa a Yahudawa dǝ muop nbii den, a waa gǝbi muop nɗǝgǝn bii den dewar a kat kaa muop ndung muop nɗǝgǝn bii din, an hǝ nɗǝgǝn bii den mou mǝn a chin gǝbi ndung an nǝgǝn hǝ. ²¹ Ɗǝ muop nɗung muop dǝgǝn bii den mou hǝ, a chin kabi muop nɗǝgǝn bii denmou hǝ? Nau kabi hǝ an dok nbii den Naan gǝ kaasan, mǝn a dǝgǝn bii den kristi. A chinkam hǝ a dǝ kat kaa muop ndung ni mǝ kwot ndǝgǝn bii den kristi. ²² Ɗǝ wu lǝk muop a waa wulǝk dewar a kat dǝ gurum ɗip, dǝwar a nang shidat bǝ a pǝt gǝ pak gurum. ²³ A chanjepee mou a wa ɓǝlǝpNaan dǝ dewar ndong bǝ a kat kaasan yi wuret afe. ²⁴ Kam gu man mou mǝ, din gurum mǝ suwo gǝsǝh muop nbǝl bǝ a gurum gǝmee dat yong gǝlap kop yawar afe mou mǝ,? a kam bǝ gu suwo dewar gu lap kop yawar yi. ²⁵ Wu chin dǝgǝl bii mogor yashik dǝ jepee muop nau, Bii mǝ chin a dǝ kat jepee wubaan ndung yong gǝ del, nǝ muun mǝ chan a dǝ lap biindung yong gǝ del mou hǝ. ²⁶ A kamhǝ, bii a yak a kam hǝ, gǝyee a man bii wu an fu chin mou, bii an fu tat pee, a ka mǝgwo wu yaa kogom hǝ. ²⁷ An gǝ kaasan a saam gǝ kaa nǝdǝ a waa a kǝrǝm dewar ndang kong ndung a la ɓǝlǝp dǝ gurum muop yongba mǝ shang an.