¹ A ɗem ɗin gu kat man, mǝjepna, nkwot mǝ da mu muop dip muop a ɓǝɗǝ ligiin mǝdip mǝ bat a shi gǝdǝ chip. ² Dip gǝsǝm muop mǝ lap amNaan a bǝdǝ ligiin deeyaa chip, ³ bǝn dip gǝsǝm muop, mǝ sǝ sǝ chellem gǝmee. Dip gǝsǝm muop mǝ suwa bii suwa chelem ndung a bii gǝmee. ⁴ Mǝ suwa a me mǝ pang chellem ndung lang gǝdǝ muop hǝ. Mǝn pang nani a Yesu kristi. ⁵ Ani mǝ tookNaan dam gǝ pak muop wuyoon, mǝn kam muop chiit dat me'et gǝnaar gǝgǝr. ⁶ Gǝdǝs hǝ jepee muop nhǝ a dǝ dewar mǝ kar mǝ yongba mǝ chaa jepee bii wubias gǝbǝ kabi muop hǝ. ⁷ Nayong gu wap natoon kabindung pak muop mǝ chan hǝ. Chin a kabi ndung mǝyil hǝ. Gurum muop nǝ latbǝ mǝ tughat sǝ mǝ sua mǝ bǝn yigil chan dǝgǝl. ⁸ Nayong gu chan ɓǝlǝp bua'ar gǝbi wu dok muop nɓǝl mǝ chin hǝ. Mǝn bit gǝmee mǝn gurum kam ya gurum shi kaa kun mǝ duam. ⁹ Nayong gu kam kristi gǝbi wuyoon muop muop mǝ chin, mǝn wuwo mǝ towo muop hǝ. ¹⁰ Nayong gu wak a pin ɓǝlǝp roogom gǝbi nǝ muop ndung mǝ mang duam nsar mǝwǝng duam muop. ¹¹ Jeppee muop nhǝ mǝ dǝk gǝ muop a dǝ dewar nkar mǝn yi. ¹² Mǝ yil a dǝ karmǝn- mǝn ndung lat gǝyil katmǝn hǝ. A nsa ni nyit daghat gwo ndung naa bǝ kat ji dar gwe ni dar ɓalɓal yong pal. ¹³ Kampee ndung gu kat dip a dung ni logot gurum mou. Ndee a dǝ Naan a wu chin bii wuret. Bǝ din gǝ nyit gun gu nǝh n bii ndung magǝ kagham gu. Nau gǝ kampee agu yong a nin war fat dewar gu boot bii mogor yi. ¹⁴ Mǝ dem an muop gun nyit wap natoon. ¹⁵ An fu laa bǝlǝp gǝ gun a kabi gurum muop ndung muop gǝ mǝman gǝkang hǝ dewar gu dye gǝ bii wu a la hǝ. ¹⁶ Kop nung lang wuret ndung bii mǝ lang wuret akaa hǝ, mǝ a katshak n ɗǝgǝn tǝgǝm Yesu kristi mou ha? Nawee ndung bii mǝ tarab hǝ bii a kanƙǝshak nɗǝgǝn suwop shik Yesu kristi mou ha? ¹⁷ Nsa nawee gǝmee. mǝn gak a suwopshik gǝmee. Mǝ dem mǝ sǝ ndǝgǝn Nawee gǝmee. ¹⁸ Gun gurum Israila muop: kat ni a muop wubii mǝ sǝ bii waap hǝ, a muop nɗung mǝkat fubǝt muop mou mǝ? ¹⁹ An fu laa amǝ de dat hǝ?Natoon a mee mǝ bii ah? mǝn dee a sǝ nɗung kat mǝ pǝn natoon a mee mǝbii ah? ²⁰ An fu laa a jepeendung mǝjong muop bii mǝ wap jepee a muop a damuam, a Naan mou? A dem nin gun gu chan jepee gǝ damuam muop mou? ²¹ Gu boot dee suwa bii n cup miskagamgu bǝn gu suwannung damuammou? Gu boot dǝ gu katsuk nTaburi miskagam gǝ nung damuan mou. ²² Mǝ dam took miskagam dǝ bii chaa? Mǝ ɓal mǝma ni ha? ²³ jepee dip a nung bii den, nnǝ jepee na a gǝ kopgǝshii mou. Jepee dip a nung bii den, mǝn a dip jepee gǝ chin gurum lǝ mou. ²⁴ Nayong mǝ guwo tang bii ndung yong gǝ kyen ni. Ndee a kamhǝ bǝ tang a bii ndung kat yong gǝ kyen tǝlǝ afǝ. ²⁵ Gǝ boot bǝ sǝ sǝ ndung muop fǝ se'et gǝni kǝlǝ tuk ni tankaa. ²⁶ Nsa miskagam a gǝyil ni a wu maa dip. ²⁷ Gurum ndung ni nkwot a wu muat naduk hǝ, yong gǝ dǝ sǝ, mǝn gǝ ɗem, bǝ muan gǝ sǝbii ndung ɗen tagham gǝ tankaa mou. ²⁸ Mǝn mǝgwo la dǝ gǝ yen sǝ nhǝ mǝ tok a shi natoon bǝ gǝ sǝ mou dau a dǝ kyen gurum wa laa dǝ gǝ dee yaa ɓǝlǝp tankaa. ²⁹ Ɓǝlep tankaa nashak anung dagwo nani, a nǝmak mou. Awa nsa mee gun fu shep an kǝ kat war an ǝ dǝ tankaa mǝgwo eh? ³⁰ Ɗin a sǝ sǝ gǝ dǝkyil bǝ a wa nsa mee mǝ agas kǝ bii ndung a dǝkyil a ka yee? ³¹ A kamhǝ, gǝ kat suwa gǝ sǝ bǝ sǝ din dip a nang maa Naan. ³² Nayong gǝ wa a dar gǝwar n Yahudawa, gǝ Helenawa dee yaa gurum Naan muop. ³³ Nǝgǝn war gǝmee, a chin dee wu myap took gurum muop nɗǝgǝn jepee dip. A chin a dǝ kyen an mou, ad gurum nbǝl. A chin kamhǝ a dǝ dewar mǝ kat pǝ fat yi.