1 De bǝlǝp lap waap jepee dǝ gurum Naan wuret muop: bǝ gǝ wu a laa gǝ gurum Galatica, gun zak gu chin a gǝ muop hǝ. 2 Paa bit wu peel ashi muop ɓǝ gurum ɗǝn laa mǝbii fukep, mǝ chin kǝgǝn gu wu Naan ep war. Gu chan kam dewar paa wu a ji bǝ mudeh fu lap waape mou. 3 Paa nɗung a rǝ dǝgu, bǝ a pǝn a bi yil nung kam man muop nɗung gu dem hǝ, bǝ a lap muop gǝ waap nani, mǝ mwan gǝni nUrshelima. 4 Gu kat din dong dǝ an a mwan hǝ, bǝ mǝ mwan dat gǝdǝ nǝ. 5 A ji dǝ gu, kat a bat war nMakidoniya, nsa a lem nMakidoniya nani. 6 Ndong bǝ a tong dǝ gu veet lugun bǝ waji kat an, dewar gu baam an nɗǝgǝn shi muan anǝ, dǝ muop ndung a mwan hǝ. 7 A tangkop a naa gun dat chau an ndǝ mou, a cha mang din a tong nɗǝng lee dǝ gu kat Naan ndem. 8 Gu man dǝ wu Pontikos gǝ kat an n-Afisus. 9 Mee mǝ kumsal kat an, mǝn mǝ niang yit nǝ muop nɓǝl muop a gǝdǝ ni. 10 timothy nwul dǝ gu, bǝ gu naa ni gǝret yong ba nyagal lugut mǝbii mou, nsa ni shi fu hǝ. 11 Na yong mǝgwo n-niang ni mou. Gu ɓaam ni bǝ gu shen dǝ muup nni waa chagap, mǝ ja kat an. Nsa an fu kang ni gǝɗǝ pak mǝjepna. 12 Kaa bǝlǝp emnegǝn mu Apollos zak, a kar ni gǝrǝt din ji dǝ gu gǝdǝ pǝnkop mǝ jepna muop. Nsa ni dok tangkop ɗin ji nji duk mou, gǝ ji paa mee bit wuret. 13 Gu kang gǝrǝt, gu ɗiam bal bal nɗǝgǝn pǝn Naduk, gu chan bii ka daas hǝ, gu nmtugur duan. 14 Man din gu chan jipe dau nɗǝgǝn dempe. 15 Gu man muop nɗung nlǝ sitefanus, a muop mu shee pǝn naduk gǝyil Akaya, bǝ mǝ shen kaa du adǝ chan jepee dǝ gurum Naan muop wuret. I dwak gun mǝjepna, 16 gu saam gǝ kaa gu dǝ muop gǝ mǝn. 17 Toknǝ pya nsa Sitefanas gǝFartunatas, kǝ Akaikus mǝ jia. Nsa mu gugur pee "gu wu dok deh . 18 Bǝ mu lǝ chellem nǝ kǝ nǝmuk waa a wufwo kam bǝ lap gurum ka muop hǝ. 19 Gurum Naan wun Asiya muop fu nang gun. Akila kǝ Bilkisu mu nang gun nɗǝgǝn sǝm Long, kǝ gurum Naan muop wun lǝ muop. 20 Mǝjepna dau fu nang gun. Gu nang suk gǝ nang wuret. 21 A an Bulus a yil dǝ gu gǝ sar san. 22 Mǝgwo nkot a wu dem long mou, mang ɗin nwa a wubaan. 23 Long amu, wul! Chindong Naan sam nkaa gu. 24 Ɗempee anǝ lang gǝdǝ gu nɗǝgǝn ckristi Yesu