¹ Gǝdes hǝ, a dem ɗin gu man mǝ jepna, bǝlǝp wuret nung kristi wu an fǝ laa kǝ dǝgǝl nǝ ɓalɓal dǝ hǝ, ² ɓǝn wu a kaa ni wu duam nkaa hǝ, bǝn wu a kaa ni wu gun fukat tak hǝ, nsa gun fu yaa bǝlǝp wu an fu tak dǝgǝl gǝdǝ hǝ, de gu ɓalɓal, kammou bǝ pǝn naduk agu a baan dat. ³ Nsa an fu pǝn ngun bii wu ani a wu maa dau wu pel hǝ nɗung an zak nkaa san a lap hǝ mǝ yong kristi muut nsa wubias amu ka wu mǝ dok mǝyil gwe ɗen. ⁴ Dok mǝyen, mǝ wuum ni, bǝn mǝyen mǝ pǝn nook nni paa bit wu kun kaa bi wu dok mǝ yil gwe ɗen. ⁵ Kristi nani kam kaa shik ni ɗǝe Kaisar gǝ muop wu sar kaa vǝl hǝ ⁶ bǝ bǝn kaam shik de mǝjepna ndung mǝ maa kam paat, gǝpe gǝmee. Muop dat mbǝl mǝ kutni nkagam ɗee pak muop mǝ mua ⁷ Mǝn nin shik nYakubu, gǝ jeplep Yesu muop dau. ⁸ Wutǝs dau din kaa shik ni ɗee nǝ, kǝ wu a ɗe mǝgwo wu mǝ laa ni nmeen. ⁹ Nsa a an a chikǝgǝs gǝnar jeplep Yesu muop. A waarǝ nɗung gǝ mǝ yong an shi Laa lep Yesu mou nsa a pǝn twangpe ngurum Naan muop. ¹⁰ Mǝn gǝdǝ chindong Naan a wa bii wu ani gǝdes hǝ, mǝn chindong Naan nani wa a wubaan mou. Nsa an fu zwat gǝret wu maa nung pangkop muop dau. Mǝn dau kamhǝ nani a n muop mou, achindong Naan wu ni gǝdǝ nǝhǝ. ¹¹ Kamhǝ, kat nkot an bǝn nkot a muop, bǝ mǝ laa a ɓǝlǝp Naan mǝn gun gu pǝn naduk. ¹² Gǝdes hǝ kat mǝ laa mǝ yen kristi muut mǝn yagal, bǝ a nang bǝ pak gurum muop mǝyen mǝgwo hǝ muut bǝn yagal mou hǝ muut bǝn yagal mou hǝ? ¹³ Kat mǝ yen muop wu mǝ dwam shee mǝ yigil mou, bǝ kan mǝ yigil gǝ kristi mou zak, ¹⁴ Kat mǝ yigil gǝ kristi mou, bǝ kan yak dang wu mǝ laa hǝ wa a wubaan dat, ¹⁵ Bǝn bǝ mǝ kat mǝn a wu wurum ka Naan, nsa mu lat mǝyen Naan yagal gǝ kristi kan Naan yagal gǝni mou, kat a naduk muop wu mǝ dwam mǝ yigil mou. ¹⁶ Kat din muop ndung mǝ dwam mǝ yigil mou, bǝ ɗin kristi zak din yigil gǝ ni mou, ¹⁷ kadin nin kristi yagal mou bǝ ɗin pǝn naduk amu waa baan dat mǝn mǝ bǝn mǝ kat nɗǝgǝn wubias a mu. ¹⁸ Bǝ muop ndung mǝ dwam ndǝgǝn kristi mǝ daam a baan dat. ¹⁹ Kat nɗǝgǝn gǝyil nhǝ, angka amu a dǝ kristi, dat bǝ mǝ wak a muop mǝ wak a bii na shigir swet. ²⁰ Gǝdǝe hǝ mǝ yigil gǝ krisit nmuut mǝ wa a sǝ wupel dip nung muop wu mǝ dwam hǝ. ²¹ Nsa gǝbi wu muut wul a kǝdǝ mǝgwo gǝmee bǝ yigil muop wu mǝ dwam gǝ kat a gǝdǝ mǝgwo gǝmee zak. ²² Ndung a gǝdǝ Adamu gurum dau mǝ dwam, a kamhǝ zak gurum dau gǝmu bǝrǝp ndǝgǝn kristi. ²³ Mǝn mǝ dau shi jing amu kristi nɗung ani a wupel dip ndǝng shee muop ndung mǝ pǝn naduk gǝ muop ndung a nung kristi hǝ yong gǝ mǝ yigil paa wawul afe. ²⁴ Wu paa dee lat nani bǝ ni wu kristi gǝ yagal gǝ Long yil Naan, n-Nda, ɓǝ daam shep gǝ kamshik gǝ kagam dau, ²⁵ Nsa ani gǝ tong a long veet, mǝn ndok mǝ niang yit muup nɓǝdǝ shii muup. ²⁶ Wutǝs bii niang yit nɗung yong gǝ daam a muut. ²⁷ Nsa, ni den gipee dau bǝdǝ kwak muop muup. Mǝn laa yen "ji den bii dau," bǝ ni wagap nsaan wu laa kang kǝ ni wu dǝn jipe dau mǝ saam kaa ni mou. ²⁸ Shi wu jepee dau mǝ saam kaa nni, bǝ a nsa ni wu a lala, shi ka shikni gǝ saam gǝ kaa shikni dǝni wu a ni saam kaa jepee dau nbǝdǝ muup, dewar Naan ni wa a dau dau. ²⁹ A kam mou bǝ, muop nɗung mǝ lap Am muchin anang eh kat nuop wu mǝ dwam gǝmǝ yigil mou yi, bǝ ana mǝ lap AmNaan nmuop yi. ³⁰ Mǝ bǝn ana mǝ kat yi fu muut shi bit yi? ³¹ An fu muut shi bit nɗung a naduk gǝ nungnas bǝzung, anii dǝ gu a naduk, nɗung gǝni nɗǝgǝn kristi Yesu Long. ³² Ame a pǝt a nee, ka gurum hǝ, kat a lek gǝ lua gǝgǝr muop nAfisayawa, kat muop nɗung mu dwam gǝ mǝ yiyil mou yi? Bǝ mǝ sǝ, mǝ sua dat nsar mu a bii dwam dat. ³³ Yong mǝn fǝn gun "mǝ shaar wubaan bi mǝ daam wuret gurum. ³⁴ Ɗak engu gǝret! Twaggat gǝwar wu Saan! Gu muan gǝdǝ wubias mou. Nsa pak gu mǝ man Naanmou. A laa kam dewar kaa gu waat yi. ³⁵ Mǝn dau gǝ kamhǝ nani mǝgwo gǝ laa yen, "A gǝ shi mee nɗung muop nɗung mǝ dwam gǝ mǝ yigil yee, bǝn a shi shishik wumǝnang nɗung gǝ mǝ wul yee?" ³⁶ Wu yogor muop! Bii nɗung gu kop gǝ bar mou, ɗin ba yong nmuut ɗǝng mou. ³⁷ Bii wu gu kat a shishik wu paa gǝ kot mou, ni a cherem dat kǝ boot dǝ waa a nde mǝbii ɗik. ³⁸ Naan gǝ pǝn nde shishik nɗung ni tangkop hǝ nni, bǝn a nau a pangkop cherem muop nani dau. ³⁹ Shishik muop dau a bii gǝmee mou. Nde shishik a nung gurum, nde a nung Lua, nde a nung yeer, bǝn nde a nung chirep. ⁴⁰ Bǝn mǝn gǝ jipee fu gǝtǝng gǝ nung gǝyil. Mǝn ep sar bii fu gǝtǝng a ɗik gǝ ep sar bii gǝyil. ⁴¹ Ep sar nung fuus nnǝgǝn mǝn nde a nung taar ni bǝn nung ɗaagar ni nǝgǝn Nsa daagar nde ni ɗik gǝ nde n-ep sar a muop. ⁴² A kamhǝ gǝ yagal nung yigil muop nɗung mǝ dwam hǝ bii nɗung mǝ kop hǝ gǝ mǝ daam mǝn bii ndung mǝ yigil gǝni gǝ muut shizak mou. ⁴³ Mǝ wuum ni gǝ kaa waat bǝ gǝ mǝ yigil gǝ ep sar, gǝ dǝ muop. ⁴⁴ Mǝ wuum ni a shik gurum, gǝ mu ep ni a chelem shik, kat nung gurum nkǝt, bǝ shik chelem zak gǝ kwot. ⁴⁵ A kamhǝ dokmǝyil gwe ɗen, "gurum wu peel Adamu wu tǝs waa a mǝrip wu gǝ pǝn nook hǝ. ⁴⁶ Chelem a ni dok wul peel mou, dok a shishik, nɗung shee chelem. ⁴⁷ Gurum wu peel nani a nung gǝyil mǝ ɗik ni a shi waan. Gurum wu vǝl tong a kǝbǝtǝng. ⁴⁸ Ka ni wu mǝ ɗik shi waan hǝ, kam zak gǝ muop wu mǝ ɗik muop shi waan hǝ ka ni wu tong kǝbǝtǝng hǝ, kam zak muop wu mǝ twaggat kǝbǝtǝng, ⁴⁹ Kabi ndung mǝ fat a niin ni nɗung mǝ ɗik shi waan, mǝn zak paa mǝ fat gǝ riin ni nɗung tong kǝbǝtǝng hǝ. ⁵⁰ Gǝɗes hǝ, A laa gǝgun mǝ jepna, shishik nɗung gǝ tǝgǝm kop lǝNaan kǝbǝtǝng mou, kamzak bii nɗung gǝ dam shee nmang kop bii wu maa kǝ daam mou. ⁵¹ Gu naa! A laa mǝ bii nɗung sok n-gun yi: Mǝ muat dau mou, bǝn kamhǝ, gǝ mǝ bat mǝn dau. ⁵² Gǝ mǝ bat mǝn dau shi shii gǝmee, nɗegǝn pit yit dat, shii nɗung gǝmǝ taa ɓeel wutǝs. Nsa ɓeel gǝ mǝ yigil a wu dǝ daam mou, bǝ dwam gǝ mǝ yigil a wu dǝ daam mou, bǝ mǝ wak a muop wu mǝ bat hǝ. ⁵³ Nsa shishik wu gǝ daam a tiid dat wu ni gǝ ɓiang bii wu gǝ daam mou, ɓǝn shik nung gǝ muut mou. ⁵⁴ Mǝn kat shishik wu dǝ dǝ daam nani ɓiang bii wu kǝ daam nani, mou, bǝn kat shik wu kǝ muut ɓiang wu kǝ muut nani mou, kam bǝ bii wu dok mu yil den waa a wu saan, "maa ya muut" ⁵⁵ Muut, maa agǝ ni ane? muut aat pe agǝ niane? ⁵⁶ Aat pe muut a wubias amu, mǝn kagam wubias amu, a shep gǝyil a mu. ⁵⁷ Bǝ mǝ dǝyil mǝ pǝn Naan, wu a ni pǝn maa nmǝn gǝdǝ Long amu Yesu kristi! ⁵⁸ Kamhǝ mǝ jepna, gu diam ɓal ɓal n'ee kaa ɓǝlang miskagam, nsa gu man ɓǝlang miskagam a wu ɓaan mou.