¹ A laa bǝlǝp gǝ liis gurum gǝ liis mǝwǝng Naan. Mǝn kat an gǝ ɗempe mou, an a dangdang wu-ǝg chagal wu gǝ suwap a koom gurum dat. ² Bǝn mǝn yong an gǝ chindong naa bii muop wu mǝ kat ntagam, gǝ man bii wu a naduk mǝn nsok hǝ, bǝn an gǝ pǝn naduk wu mak wu gǝde gǝ pang. Mǝn an gǝ ɗempe mou, an a mǝbii mou. ³ Kat s pǝn bilong gǝnǝ dau dewar wupya kat sǝ, nsa yi, bǝn a shen shik nǝ mu wuus. Mǝn an gǝ ɗempe mou,a mang mǝbii mou. ⁴ Ɗempe a mogor kǝ naa chigir,ɗempe a naa nshak kǝ naas bǝzung mou, a mang kaa gǝtǝng kǝ ⁵ bak soon mou.Ɗem nung ka shik mou. Pǝn dǝfil mou, yaa gurum nbǝzung mou. ⁶ Chin tookpya gǝder niang naduk mou, bǝ chin tookpya a gǝde naduk. ⁷ Ɗempe mǝgor bii dau, pǝn naduk nbii dau, chaa bii dau, bǝn ya bii lǝ nshik. ⁸ Ɗempe gǝ lat lat mou. Ɗeh ɗin bi na Ntagam bii dau nkwot gǝ mǝ wak dilǝng. Ɗin liis nkwot gǝ mu lat dau, ɗin man bii nkwot yong gǝdel. ⁹ Mǝ man a pak dat, mǝ bǝn mǝ laa a pak dat. ¹⁰ Kat wu ngaam nani yong nwul, bǝ bi wu hǝ nau gǝ det. ¹¹ Shi wu an a lala wu lep, a la ɓǝlǝp ka lala wu lee, adye bii ka Lala wu lee. Ndung a pǝt gurum, a kon jepee jep.ǝ ¹² Kǝdes nhǝ, mǝ na bii a rii na dong, mǝn a shi yit mu, a man pak dat, gǝdes nhǝ, chiom lee a man ngam ka wu mǝ man an ngam ¹³ Gǝdet nhǝ, deh a bii muop kwun:Pǝn naduk, den en gǝ ɗempe. Wuyoon dau a ɗempe.