¹ Nkaa chindong nung chelem hǝ, mjepna atangkop gu kat nkwoo mou. ² Gǝshi wudok gu man kristi mou hǝ, mǝ lǝnggun kǝwar waap n-natoon muop wu gǝ mu bwot npe lap bǝlǝp mou, nkaa waar wu mǝ lǝ gun hǝ mou. ³ kamhǝ, bǝ a tangkop gu man mǝgwo kat wu gǝ laa bǝlǝp kǝ mǝrip Naan ɓǝ yong "Yesu ni a wu dǝ daam hǝ". kat a chelem wuret nlaa gǝni hǝ. ⁴ Mǝn gǝ sǝm chindong ɗiɗiak, mǝn chelem a wu gǝmee. ⁵ mǝn gǝ sǝm jepee chan diɗiak, mǝn long a gǝmee, ⁶ Sǝm bǝlang ɗiɗiak, mǝn a Naan gǝmee wu dian muop dau gǝpee gǝmee. ⁷ Gǝdes hǝ, mǝ pǝn kamshik, nung nin jepee chan amu, nung chelem gǝtal ɗewar gurum nau mu katken yi. ⁸ Nsa mǝgwo kat chelem soon, nde kat chelem man bii nchelem gǝmee. ⁹ Ndee kat chelem pǝn naduk, nde kat chindong ɗak gurum ndǝgǝn chelem Naan wu gǝmee nani. ¹⁰ Nde kat chindong chan jepee rǝng gurum, gǝ man bii wu kwot ntagam. Nde kat chelem nung man kǝkang chelem muop, ndevkat man bǝlǝp sh liis dǝɗiak nde kat chindong lap bat liis muop dǝɗiak nani, ¹¹ "Chindong muop dau a bǝlang chelem gǝmee dat, wu pǝn nmǝn gǝmee, gǝmee gǝ wu ni tangkop. ¹² ka wu ɗǝng shishik mu a gǝmee, mǝn ni gǝ beep muop, mǝn bǝn mǝ wak shishik gǝmee nani a kamhǝ ndǝgǝn krisit. ¹³ Agǝdes chelem gǝmee naniwu mǝ lap amNaan ndǝgǝn shik gǝmee, kwot a Yahudawa, gǝ mǝjong hǝ, kwot a kuram gǝ jep gǝpang hǝ, mǝn dau mǝ den mǝn gǝpe gǝmee, mǝn mǝ swaa gǝpee gǝmee ndǝgǝn chelem gǝmee nani. ¹⁴ Ɗǝng shishik a gaan gǝmee dat mou muop nɓǝl. ¹⁵ kat kwak yong "kan an a saar dat gwe a ɗes dat nsa ni a mou" la kam a ɗǝs dat nsa ni a pak shishik. ¹⁶ Bǝn kat komm nlaa yong "kan an a yit dat gwe bǝ an a pak shishik mou" laa a ɗes dat, nda ni a pak shishik. ¹⁷ kat ɗin dǝng shishik a yit dat, bǝ mǝgan kǝlǝng gǝ kwot ane? kat dǝng shishik ɗin nkwot a komm dat, ɗin mǝgan man tagas bii gǝkat ane? ¹⁸ Mǝn Naan den muop dau nshik gǝmee ka wu ni tangkop. ¹⁹ kat ɗin shishik nani a gan gǝmee dat din dǝng shishik kǝ kwot ane? ²⁰ kamhǝ bǝ, muop a gan nbǝl, mǝn a shishik gǝmee. ²¹ yit gǝ bwot npe laa gǝ saar nyong, "a tangkop gǝ mou" kam zak, kaa kǝ bwot npe laa gǝ kwak yong , a tangkop gǝ mou ²² Gan shishik muop wu mǝ kwot a wu lǝlǝng hǝ, a muop mǝ kwot a wu gagar. ²³ Dǝng shishik nɗung dong naa mou hǝ bii myap dong naa gǝfe. Shishik mu ndung a wuret hǝ shee me myap dang gǝ muop mou. ²⁴ Gan shik mu wu kwot kǝ weel mou, mǝ tangkop mǝ pǝn yoon gǝ kamshik nmuop mou. Nsa Naan den dǝng shishik mǝn pǝn, yoonmuop a wu lǝlǝng ²⁵ chin kam a dewar mǝ kang kaa shak ndǝgǝn ɗempe. ²⁶ yong mee mǝgan nkwot gǝ muut-laa bǝ pangkop mǝ kat muut-la zak, yong mee muop nkat yoon bǝ muop zak mǝ kat tookpya. ²⁷ shin a gun a shik gǝ mǝgan ɗǝ ɗiak nung kristi ²⁸ Gǝdes nhǝ, Naan den ndǝgǝn mu gurum gǝ ni, wupel a jeplep Yesu, wu vǝl a muop mǝ naa bii wu kat nbit wun tagam wu kuun, mǝ shepe gǝ muop mǝ chan bii rǝng pee, bǝ muop mǝ chindong daak gurum, bǝ muop mǝ tǝp dǝ gurum, bǝ muop mǝ man liis ɗiɗiak ɗiɗiak. ²⁹ kan muop nau a jeplep Yesu mǝ? Nau a mǝ naa bii mǝ? Nau a mǝ shepe mǝ? Nau a mǝ chan bii rǝng pe mǝ? ³⁰ kan muop dau kǝ chindong ɗaak gurum meǝ? muop dau mǝ laa bǝlǝp kǝ liis ɗiɗiak mǝ? muop dau gǝ man bat liis dau mǝ? ³¹ Gu tang chindong wuret dat gǝret. Mǝ an a kamwar wu maa dau ngun.