¹ Paul, wuyuyong Yesu kristi dǝ wu tong laalep gǝ dem nnung Naan, gǝmee gǝ emnǝgǝnmu sosthenes, ² dǝ Ikilisiya nkorinth, muop ndung mǝ vang muop nɗǝgǝn Yesu kristi wu mǝ yong dǝ mǝ dee a wusǝsaar, gǝmee gǝ muop npee naw ndung gǝ mǝ yong sǝm miskagam Yesu kristi hǝ. ³ Nyit dgt nchindong gǝ twaghat chaghap Ndamu Naan ndung Yesu kristi tong gǝmee gǝ gun. ⁴ Bii a dye gǝ gun kwang nbǝseer a nǝ, dǝ Naan, waa nchindong Naan wu Yesu kristi pǝn ngun hǝ. ⁵ A ni mang gun dǝgǝt ndǝgǝn jepee nau,ndǝgǝn boot ɓǝlǝp gǝ man, ⁶ kat gǝbii ndung bǝlǝp kǝ Yesu tong a naduk nɗǝgǝn gu hǝ. ⁷ Waa nsa chindong chelem wu gun gǝni hǝ, gun gǝ natan kang wul Yesu kristi. ⁸ A ni yong gǝ saa gun gu ɗiam bǝɓal nɗǝgǝn pǝn naduk (zuwa) mwaan gǝ lat, ɗewar ngun gu twaghat a wu agas leng paa bit wul miskagam Yesu kristi. ⁹ Naan wu yong gun ntǝl kaa laa muup miskagam Yesu krisit hǝ, ni a wupin naduk; ¹⁰ A ɗang gun mǝjepnaa, nɗǝgǝn sǝm miskagam Yesu kristi, ɗin gu ɗem ɗǝgǝl suk, mang din ɗǝgǝl niangshak nkwǝt gǝkang gu mou. ¹¹ A ɗang gun gu kang ka gu n'endie gǝ bii chin. Mǝgurum kulo mǝ laa bǝlǝp gǝ an kaa gu, mǝ yen gun gǝmee mou. ¹² Bii wu an fu laa hǝ a kamhǝ: mee gu laa yen, "An gǝmee gǝ Paul," a baan bǝ "An gǝmee gǝ Apolos," ko "An gǝmee gǝ kefas," ko "An gǝmee gǝ Yesu." ¹³ Kan Yesu ni a wu gǝgap mǝ? Dok mǝ kaa a Paul gǝfǝm gwa? Kan dok mǝ swagap gun a nɗǝgǝn sǝm Paul mǝ? ¹⁴ A ɗǝk yil nNaan, bazeet niang a krispus muop gǝ Gayus mou, bǝ a sugup mee gu mou. ¹⁵ Dok wagap a gǝfu wu paa nlat bǝ mǝ yen dok sugap mǝ gu a nsǝmnǝ. ¹⁶ (Dok a swagap mǝgurum Stifanus muop. A naa bǝ a kat a baa a sugup ndee mǝgwo zak mou). ¹⁷ Nsaa Yesu dok lep an a dǝ swagap gurum muop mou, a ɗǝ laa ɓǝlǝp afe, a gǝpee bǝlǝp yaa yighir mǝu, yong baa gǝ kagam shep wu kaa kristi hǝ nwaa a bii zhaa mang . ¹⁸ Nsaa paar ɓǝlǝp shep kaape a wuyit yoghor dǝ muop nɗung muop fu ɗuam hǝ. Ba zak muop ndung mǝ kat bǝrǝp hǝ, a niin maa Naan. ¹⁹ Nsaa ni a wuyiyil. "Yong a dem en mǝ'en muop. Yong a dugur fu bǝlǝp man mǝsoon muop. ²⁰ A wuɗang a wu'en eh? A wuɗang a wusoon eh? Ɗee wupin ɓǝlǝp ɓagal gǝyil nhǝ? Kan Naan yigir en gǝyil nhǝ waa a yogor gǝni mou mǝ? ²¹ (Tun da) gǝyil nɗǝgǝn en adǝ yen dǝ man Naan mou, mǝn ɗong ɓǝt Naan dǝ wu pǝn muop nɗung mǝ pǝn naduk gǝwar ɓǝlǝp afe wu mǝ laa shi yogor hǝ. ²² Yahudawa mǝ tang nkop bii mangǝkang leng, wa wunjong muop mǝtang a nkop en. ²³ Mǝn zak mǝ laa a bǝlǝp Yesu wu kǝkaa, a pang kwap kwak dǝ Yahudawa muop, ɗee a yogor dǝ wu njong muop. ²⁴ Zak, dǝ gurum muop nɗung a Naan yong muop hǝ, Yahudawa muop gǝ wu njong, gǝ mǝ laa ɓǝlǝp kristi wu a ni a ɓal gǝ en Naan hǝ. ²⁵ Nsaa yogor Naan en maa gurum muop, war maa afe zak ɓal maa gurum muop. ²⁶ Ɓǝ gu naa yong a gu, mǝjepnaa muop. Gun dok nɓǝl a wu'en gǝpee shishik mou. Gun dok nɓǝl gǝ ɓal mou. Gun dok mbǝl a (noble) mou. ²⁷ Ɗip dat mǝn Naan kok bii wubaan gǝyil nhǝ dǝ niin maa afe yi kaa mǝ soon muop. Naan kok wu shii leen muop dǝ wu niin ma afe yi kaa mǝɓal muop. ²⁸ Naan kok wulǝlǝng gǝyil nhǝ. Bǝn kok jepee nɗung muop nnǝgǝn mou hǝ dǝ wu niin jepee muop nɗung a wuret hǝ. ²⁹ Chin kamhǝ yong baa mǝgwo nkat war nbwap bǝzung yi ntagam muup. ³⁰ Waa nsaa bii wu Naan chin, gun nɗǝgǝn Yesu kristi ndung tong a en dǝ mu fu Naan hǝ. Tong dǝ mu a wuret, wusǝsaar,gǝ wu pǝn mǝn. ³¹ A kop gǝshi nashak, ni gwee a wuyiyl, "Ɗagat ngurum wu gǝ ɓwap bǝzung hǝ, ni ɓwap a kǝ Yesu.