¹ N shei ne uzwen nken krisiti. Nyon ma umin, Akubemi nyonzubo nken nvun na ke-ke. ² Nhwere ekube ezwi re-na e'na nara zwe-e'zwe. ³ Nna chon a'me re etke-egyen aku tol-mbe unu sugyo ken, nku Kore krisiti etke mbe be-ufgi mi, Abe idimi ba ede nken egyi. ⁴ A ba isra'ilawa, adzu na ekpe, re na nvun, re a ten udon na a vogyi, re ke-ke, re aten ivo ikpi fo-ufo. ⁵ A teh Attah azwe krisiti zu mu re afo, A bu a hwe ukenchan mbe kata. A ben-mbo hwe ambi N'vun-vun chu-chu ine. Amin. ⁶ Amma, vo'ana aken mbe ukenchan kpure. vo'a ban-ban na hwe isra'ilawa hwe aba isra'ila. ⁷ E'no mbi vo ka mbe a swi mbe Ibrahim de a biski-mbo. Amma, etki mbe ishiyaku re tan eyen mbo. ⁸ E'no mbi, vo-eyenna ra vo-mbe egyi a hwe mbe mu ukenchan. Amma, eyen ba a re ke-aken re-de aswi mbo. ⁹ A'wen aken mbe na ke-ke: U fun uhwe ina bo, saratu ra dzu imba. ¹⁰ Vo ebure mba, Rifkatu kata nken a fu re ugyen attahmi ishiyaku. ¹¹ A biskino atta mba imba a ta kpu vo abu ugyen nasisi ko ana sugyo, ke aken mbu ukenchan nken a chon mbu sen-hwe, vo etke mbe aten, amma, etke mbo yen tan. ¹² A zwe shei, imba-edo wen, Bakagyi vo-ake imbabiski. ¹³ Azwe afka ba'a: yakubu nna chon amma, isuwa nseh. ¹⁴ Akon ira yon? ukenchan ra vo ambi na zwi-zwi? ko chikane. ¹⁵ A shei musa, na hwere negyen toshi etke mbe yen na hwere negyen toshi, nna de shishi etke mbe yen nna de shishi mbo. ¹⁶ Etke mbe e'no, vo yen na ra chon ko eyen na ra che, amma etke mbe ukenchan na ra tsun eyen toshi. ¹⁷ Ke afka shei fir'auna, etke aken hwe nve mbu yun a tan, ke nchun ke-fiki nmi, a ben mi ke egyi ko ano-no. ¹⁸ A bure hwe ukenchan ra de negyen toshi etke mbe yen na chon, eyen na ama chon aka hwe yen etki-ke. ¹⁹ Ne ra shei'n, ambi ka tara fkimbore adan mbe akon? Eyen sen hwere ru ukenchan ma ban? ²⁰ e'ma de eyen, abu ma aban ke ura yon aken etke mbe ukenchan? ko ambi na a'emo ra yon re yen emo ma, akon vo'asi umo e'no? ²¹ Ko eyen kya ako'o hwere ake etke mbe ekihwe na kya mbe ako'o na ra hwere re-afo, ko ako'o nara vo'aten reteh-teh ne. ²² Nke ukenchan mara chon ka chun-asi ughun re ke mbo, a ra zwen ako'o ekube ughun na kya mbe hwe etke mbe na a vozwe-mbe ²³ Akon re vo'asi, nke amma vo-ebure hwe ke chun ba dzurambi na nvun mbo etki ako'o etoshi-mbo na a fu kya mbe hwe na nvun-vun mbo. ²⁴ Akon ra vo'asi, nke amma vore-edi, eyen nina tan, va azwi mbe yahudawa mba, amma azwe mbe ba keya ukenchan. ²⁵ Azwe shei yusha'u, nna tan yen hwe nmi ba vo'a eyen mia, ba chon ba vo'a ba chon mbo. ²⁶ A hwe azwe a fu shei nma, uvo hwe eyen hwemi, aba ra tan eyen ukenchan. ²⁷ Ishaya kpi-ndo etke mbe isra'ila, biski mbe isra'ila ehu mbe hwe zi'ana ebuin u'ki chika ne ra dzu na fkazizi. ²⁸ Ukenchan re vo'ambi ba yon teh egyi ma, a ra mbe ufun. ²⁹ Azwe ishaya fu ba-hwe, nke ukenchan ma to aswi ke mba ira teh za na saduma, ira teh za na Gomarata. ³⁰ Ambi era yon ma akon? ko ba egyi ukenchan a kpu ra don naisi mu ukenchan a ra dzu naisi mbe ukenchan, Naisi mu ru zwen. ³¹ Amma isra'ila, a ba ra don naisi nken hwan mkpen, a ta kpo ka dzu a hwa mu. ³² Va'eno? a tke na a ba ma re uzwen, amma azwe aten. A kpu nken uchen na ra ke edan. ³³ Azwe ba-hwe ma, de-bo nhwe uchen sihiyona nara fai a dan ra bo. Eyen na ma so uzwen azwi mbo ara bun ekibi'a.