¹ Ndinne hwe na vo jiji kya hwa ekti mbe eba teh nken yesu krisiti. ² Ke udon mbe nvun nken krisiti yesu fkazire nken mbe udon mbe ambi-zwire u'hwe fu. ³ Ambi na udon voka'a etke mbe nvokama na egyi, ukenchan ra-vo. A tkan teh imbabo na zi-mu-ze egyi ka bu fu etke mbe ambi -izwi, ibua avojito ambi azwi nken egyi. ⁴ A vo e'no ke ambi udon ra don ma ka vo etke imbi, Abi ba ira kyun nken egyi amma nken nvun. ⁵ Ba ra vo ambi nken egyi ekube mbe re teh ambi nken egyi, Amma ba ra vo ambi nken nvun ekube re teh ambi nvun. ⁶ Ekube na mbe teh ambi egyi u'hwe fu amma, ekube na mbe teh ambi nvun a hwe ukyun re ekube yenshu'n. ⁷ Ekube na mbe teh ambi egyi, usi eto re ukenchan, ke a ra che'a udon mbe ukenchan, ko avo'aka. ⁸ Aba ra vo'ambi egyi vokei ukenchan ekube. ⁹ E'no mbi, abu hwe nken egyi amma, nken uvun-isi, nke nvun my ukenchan ru-hwe. amma, nke eyen ugyen hwe re uvun krisiti, a hwe re yesu. ¹⁰ Nke krisiti hwe egyi mbu, a gyi fure na atore ambi-izwi, amma nvun hwe ugun etke mbe azwe-isi. ¹¹ Nke nvun mbo na tanshi yesu nken egyi na fure bo bi re-hwe, Ibua na tanshi krisiti nken mbe fure ma ra ke nvun kata nken uwhon egyi hwe azwe mbe nvun eke-mbo, na re hwa. ¹² E'no mbi, ufginne, e'teh ekpo, amma vo-ambe egyi ke re-hwe nken mbe egyi. ¹³ Nke mbe hwe nken mbe egyi, uhwere na ira fu, amma nke uma fu nke nvun afgu ten mbe egyi ra hwe. ¹⁴ Nken aba ra kyun re nvun mbe ukenchan, a baten ti imba ukenchan. ¹⁵ Ekpe-ya nvun uzwi'a ke era hwe nke afiken ufi'a, amma ekpe nvun na era teh imba ba ra tan-ndo, "Abba, Attah!" ¹⁶ Nvun re-tke gyo kpe-ndo re nvun na ambi yon na iti imba ukenchan. ¹⁷ Nken ema ti imba mbe ukenchan, abi kata e'te ba jii a'fen, a fen mbe ukenchan. E'no efun tie hwere krisiti, nke e'ma vo'akan re'do, a hwe e'no, ira vu'n re-do. ¹⁸ Ntku rasina akan na ira ivo rasi hwe ama hwa re eska na ra bo rema. ¹⁹ Ekube ambi ba emo mate azwi ambi na era tku ma, hwe raba ena ibo mbe eba mbe ukenchan. ²⁰ E'kpe re-ndo re-ambi emo ma chu'abin vo nke a chon mbo, amma ibua na avo-mba hwe e'no ma. A hwe nkenmbe uzwen a'kemu. ²¹ Ambi-a'mo re-etke egyi ra dzu na fka'izi uswi'i, a kpe abo nafkazire mbe nasisi mbe biski-mbe ukenchan. ²² Kata egyi ambi-a'mo ra fkan re uswen e'san bo bui ndinne hwe. ²³ Vo e'na ba, amma ambi re-tke-egyi, ba de na ka-eswen nvun, ira to-achun egyi-mbi, azwi hwe ra ba na e-kpe mbi, re na fkazizi mbi. ²⁴ Nken mbe uzwen hwe e-fkazi. Ndine uzwen ambi na emu utsuteh mu ara vo ama etadeya. A ban ra so uzwen etke ambi ra de? ²⁵ Amma, nke ma so uzwen a etke ambi na ede-ya, e hwere ba re re-kube nzwen. ²⁶ Nken ufu egyen, Nvun vora-egyi nken mbe na nvoka'ama. ke n-gyima azwi nna fgu ukenchan, amma nvun mbo vora egyi ne nke ufgu a chun-tito-achun-tito na kpenzuboraka. ²⁷ Ibua nara fki ukube, ke ekube mbe nvun, etkina ibua a sen-hwe ara fgu etki mbe biski chon mbe ukenchan. ²⁸ Abi egyi aba ra chon ukenchan, ibua voragyira ambi kata nasisi. ²⁹ E'no mbi aba afi-egye ukpu-kpe ebwe ba-ambi a kpe-tare ba zimizia imba-mbo, ke teh imba ka-eswen-mbo nken ufgninne mi. ³⁰ A ba gyire, a ba a ra tan. A ba a tanre, a ba fkazire. Ba fkazire ma, a be a ra vun. ³¹ Ambi ira yon etke abiten ma akon? Nke ukenchan ma re hwe, eyen re to-usi ma aban? ³² I bua na kpu to'a imba mbo, amma amu ke etke ebi kata, a kon ra vo'asi a ra kai-mba ambi kata nken mbe chon-mbo re-aswen'a. ³³ A ban ra chun imba mbe ukenchan afgu? ukenchan hwesi eyen ko a hwan. ³⁴ A ban kpen ra bwa eyen? krisiti yesu eyen na fu na tka ibure hwe, eyen na yun-eyen na hwe afgu ujii mu ukenchan, eyen na ra fgu etkemi. ³⁵ Eyen na ko ito ra chon mbe krisiti ma a ban? ekan ko, ekube ezwi, ko ejui, ko umgha, ko egyi azwen, ko azwi sugyo ko a hwan? ³⁶ Azwe ba hwe ma, a tke ma naisi-mu a ra bun kata mbe nfun, a kpe teh ambi usu'u na nbun. ³⁷ Nken mbe ambi ten kata etkan eyen jii ekah, nken eyen na ra chon aken-mbi. ³⁸ Nkpere-ndo ko uhwere-fu, ko kyun, ko ko bachen-mbo, ko gwamnati, ko ambi ba teh ndininne hwe ko ba ka bo ma ko kafueke, ³⁹ Ko na kere ko na tkun-tkun, ko ambi ba emo teh, ambi ten koiteh re-chon mbe ukenchan, na hwe azwe mbe krisiti yesu Attah-mbi.