¹ Bulus de Timoti, upyi Yesu Kiristi so ke abyi bingye Ukentsen ba kyekye ke abyi Yesu Kiristi be ehwe Filipi de ewe be ehwe-kyi de ba - ihwu ba ba'emo. ² Na sisi de na nyishun imbe Ukentsen Ato de imbe Yesu Kiristi ahwe de mini. ³ Mkpu Ukentsen ke itan kyame na mbe kobimey de mini. ⁴ Mbe bgu-ibgu ke ikyi mini bgu-ibgu de acha. ⁵ Ke ikyi na fun-udi imbe mini ke ekpan'aken yuse ke uken na de isise bo dadini. ⁶ Mhwe de kiben na kye-ekpo ke ikyi iyi batuu ni nyan igye na ayuse atsu we ni-isi ke ikyi mini ala so itan na Yesu Kiristi ala gare. ⁷ Te ke ehwunmo ke abyim mtku ane ke ikyi mini kyame ikyi nyon mhwe de mini ke kiben imam. E' mini kyame hwe itam ke efu na sisi de'na efu igam de na mini we tsu ke abyi aken Emo na fke-fke. ⁸ Uketsen hwe ingye na nyon ke ikyi-u tele enyon mchon na dey mini ke echon imbe Yesu Kiristi. ⁹ Aneni, mani ibgum nyon echon mini ate ke-ekpo ke na yiya de na fken di'a. ¹⁰ Ke na mini ela yiya iyi na ate na sidkan,ke mini ela hwe de kiben na gankya de na le vo-uda wa bo itan krisiti. ¹¹ Mini ebmyen de na vo sisi na idzu ke abyi Yesu Krisiti ke ekye mo de na cho-cho imbe ukemtsen. ¹² Dadini mchon nyon mini eyiya ibayom,iyi na avo dim,we tsun suso eswen mbe ekpan aken. ¹³ Aneni,na tetem ke efu Krisiti bingye kyame yiye de be ehwe tken idi uhwe. ¹⁴ Bingye hwose ke efu ba ba'emo hwede kiben na kye-ekpo ke abyi Ato Yesu ke ikyi na tetem, ehwe fke aken, afikyen le te wa. ¹⁵ Ba bye fken ekpan aken ke efu ize de kayi na kiki, ba bye fken ke efu kiben ni-isi. ¹⁶ Egare fke ufii ke efu echon, ke na yiya nyon, mhwe efu-iga ke ikyi ekpan aken na fke-fke. ¹⁷ Hin, ba bye fke aken Krisiti ke efu echon imbe ikpe, de ke kiben ni-isi wa. E we yku nyon, ela vo-byi mem kiben ke na mhwe efu iga ni. ¹⁸ Inyon? ke uvun kyame, ko ke kiben na byi, ko ke kiben ni-isi,imbe aken Krisiti we fke, aneni mten kiben, mla vo a cha. ¹⁹ M'yiya nyon e ke ufen ni mla dzu na fkatsu ke ibgu mbe mini de hya ke abyi uvunvun imbe Yesu Krisiti. ²⁰ Mbe kiben te nyon,mde la vge aziki wa hin, de kiben na kyekye ke itan kyame, emben Krisiti la dzu na so-eswen ke ikpen, ke abyi ungun de abyi efu. ²¹ Ke abyim,ungun e ke ikyi Yesu, na fule ena so-eswen. ²² Hin, akena mhwe de ungun ke ikpe, zwe tsun nyon atsuwo nisi immam. Hin ena na mla vu'u? Mde yiya wa ²³ Kyeme-ekpo hwose ke efu ifan ni ke kiben imam iki tose uten ni,mso ahwe de Ato Krisiti, ki sken ikan. ²⁴ Hin, mhwe utenni la sidkan ke ikyi mini. ²⁵ Aneni, myiya nyon,mla hwe de mini, avo iyi kyame ke na so-eswen de acha ke efu gankya imbe mini. ²⁶ Aneni, kye-ekpo kiben mini ke efu Ato Yesu la hwose ke ikyi na bobo imanke abyi mini. ²⁷ Mini ebun iskun mini sisi te'enyon ekpan aken Krisiti aneni ena mbo ade mini, mle bo wa hin, mfken aken ke ikyi mini nyon mini bunte sisi ke ivunvun dunyende kiben dunyen ahwe vo iyi kyame de udi ke gankya na mini ehwe de'a ke efu ekpan aken na fke fke. ²⁸ Ekale kyen afikyen wa ke abyi ba ehwe ingye ize mini.Na ni we tsu we nyon ela ba jisey, hin, na vontsu imbe mini te ke abyi ukentsen. ²⁹ Embe ke mini de uvgi ke ikyi Krisiti de na ki gankya bikya wa hin, ke ijiekan ke ikyi mo. ³⁰ Ke mini eji ekana mini ede mbe ji aneni mini fken ke ambyim.