Uchun 9

1 ache we nyon "Eganyo. mhwe che mini nyon mini ba'apye be ehwe enini de la de efu wa, aneni idi uhwe imbe Ukentsen la bo de ekye. 2 Uken etiyen ke eswen,Yesu mbele Bitrusu de Yakubu de Yohana so ikyi ihwen, ehwe bgu-ibgu.Ni atukpo mo ma biyan. 3 Atukpo mo bun azi de ite'en enyo umu'etsu ane, iyi na tenyon ume le te wa. 4 Ni Eliya de Musa bo abyi we. ema hwe nyon aken de Yesu. 5 Bitrusu ki Yesu itan, "Ingye na hwen iyi, si ne ihwe eni, ila kya idi ita, dunye imbo'o, dunye imbe Musa, dunye imbe Iliya". 6 A de yia iyi na ahwe nyon wa.(ikyi nyon afikyen kpu'e ikpe yi). 7 Akpo bo bge me we. Ni ido buzu ke efu akpo a'nyon, "Na ni ni imba imam ni'isi. Mini e'fken'a. 8 Ena ebiyan azi ni e'le de we ufi wa, hin e Yesu bikya. 9 Ene esise ke ihwen ni, Yesu chewe nyon, eka che ingye iyi ne ede na wa, se de imba inye a nyitsen ke abyi efu. 10 Ema mbe aken na te kiben, hin ehwe nyo de iskun we nyon "inyo be na nyitsen ke efu wo". 11 E'ka'a nyon "Inyon ke ba ba-iyi nyon, Iliya labo inye wo?" 12 Ache we nyon, Iliya kaswen bo na kyame iyi kyame. Vo a'ne ke e'ba nyon imba ingye la ji ekan hwose, e'la mbe'a nyon ingye na ale hwe de uya wa? 13 Hin M'hwe che mini nyon "Iliya bo ahin, e'vo iyi ne echon na vo de'a, te enyon afka em anyon ke ikyimo ane." 14 Ene e bo abyi be atkun ni, e'de ba mingye hwose hwe de ba ba-iyi hwe tken aken. 15 Ene ede Yesu ni, za mingye iyi, ena e'che so abyi mo ni ema kpu'a. 16 A ka be atkun mo nyon, "inyon vo ke mini hwe tken aken de e wo?" 17 Ingye niyen ke efu we che'a nyon, "Ingye na hwen-iyi, M'mbe imbam bo abyi'u na ahwe de ivvunvun na kpu-fufu, a de li nyon aken hin wa. 18 Ali buma'a ta, ufken li zu'a niswen, ali hwe hwu-abon a'kya li hwe vge-vge, ba atkun dgu hin tkan we e'tsen. 19 Apye ido ache we nyon, "eswi ba le kigankya wa, ebgi ifin M'la hwe de mini wo? mbe'a bo ambyim." 20 E'mbe imba na bo. Ene ivunvun na de Yesu ni, aki imba na kpu zu ta ise.ufken ma zu'a ke niswen. 21 Yesu ka ato imba na nyon, "uken na na ke iyi ni yuse de'a wo? Atomo nyon iyi ni yuse de'a de imbiskun. 22 Ali mbe'a ta ufe de ni'mben, a'chon na vojime'a.A ki na Ula vo iyi niyen kata, dem shishi ke U'yam le. 23 Yesu che'a nyon, "Ena ula diya'? Iyi kyame te kyese ke abyi be e'ki gankya." 24 Le te te wa imba na nyon de ido na kye-ekpo a'nyon, m'ki gankya! Ya udam le!" 25 Ene Yesu ade mingye chi hwe bo abyi we ni, a dganme ivunvun na byita na anyon, "O' ivunvun na le nyon aken wa de ivunvun na ken-atkun M'nyon u'buzu, ke uka le ngare ka'abyimo wa." 26 Ivunvun ma tan-uto avge me'a ta abuzu.Imba na ma do te enyon ingye na fufu, mingye hwose nyon "afure" 27 Hin Yesu bume'a abgu ambe'a nyitsen, imba na ma bunte etsen. 28 Ena Yesu aka bo ishindo ni, be'atkunmo kha'aken ke ubo' "Vo ane ke ile diya na ke'a buzu wa?" 29 A che we nyon "Takye na ni de le buzu ane wa, e'de ibgu na bgu-bgu." 30 E' buzu ke abyi na, azu so ke efu Galilee. A de chon nyon e' yia abyi ne ehwe e'mo wa, ke ikyi inyon 31 A hwe hwen ba atkunm iyi. Ache we nyon, "Ela mbe imba Ingye ki ke abgu mingye ela bganme'a. Ena ebganme'a, uken na to ita ala nyitsen. 32 Hin ele yi'a aken na ahwe nyon wa, ema hwe kyen afikyen na kha'a. 33 Ema bo Capanahun, ena aka shindo ni a kha we nyon, "Aken inyon ke mini hwe nyon ke ufen wo? 4 Ele fkuto'a niswen wa, ehwe tken aken de iskun we nyon a be hwe bi-ihwu'u. 35 A kuse anyon ba atkun ubo-azifan ache we nyon, Ingye na achon na hwe na de isise, ala mbe iskunmo hwe na hwen-hwen ala be upyi mingye kyame. 36 A vgeme imba na chika bunte ke eswen. A bume'a hwe abgu ache we nyon, 37 Ingye na apyeme imba ni ke embem, apyeme'am, hin ingye na apyemem, ale pyeme'am bikya wa, hin de Ingye na atkun na. 38 Yohana che'a nyon, "ikyi, ide ingye niyen hwe dganme ivunvun na byita ke emben imbo, isemo de'a, ikyi nyon ale hwe di wa." 39 Yesu nyon, ekale semo wa, Ingye le hwen na vo iyi na zayi ke embem ala ngare nyon aken na byita ke ikyim. 40 Ingye ne ale nyon aken na byita ke ikyim wa ahwe imbii. 41 Ingye na ahwo me niben ke kopu ki mini ke ikyi na mini ehwe mbe Kirisiti, e'gankya M'hwe che mini, abgu ekan mo lale jise wa. 42 Ingye na aki dunye ke efu imbiskun be eki gankya ke ambyim kpi-ikpu, la sidkan na embele a'nkyen te'are ke utsu, embele'a ta so uzi. 43 Aki na abgu'u aki'u vo iyi na byita, ye me abgu na ta so aben, la sidkan na kha idi Uhwe na de abgu dunye de na ela mbelo ta so ufe de abgu ifan. 44 45 Aki na afken'u ala ki'u vo iyi na byita, ye me afken na ta so aben. Sidkan na kha ungun na de afken dunye,de na mbelo ta so ufe de afken ifan. 46 47 Aki na azi'u ala ki'u vo iyi na byi tenme azi na ta so aben. Sidkan na kha uten-uhwe de azi dunye de na ela mbelo ta so ufe de azi-ifan. 48 Abyi na efkon we a de la bikya wa, ufe hin de la dun-le wa. 49 Ela m'bo de mingye kyame de ufe. 50 E ban, iyi ni-isi, hin aki na e ban ale si wa, ula vo ane ala ki'a ngare ske? Mini e'hwe de e ban ke abyi mini, ke mini e hwe nyishun de iskun mini"