UCHU 10

1 Yesu tose abyi na a so ke isko ikyi judea ke abyi na afi na zanbgun de uzi Jordan, mingye hwose bo abyimo ufyi. A hwe hwen we iyi te te-enyon ahwe vo na ane. 2 Ba farasi bo abyi mo, ke e'mbo de'a e'kha'a nyon, "si ke efu-undon Uzun-undo akoto de uhwomoo?" 3 A che we nyon "Musa che mini nyon ane?" 4 E' nyon Musa ki uvun uzun-undo a ba afka na koto ki uhwomo ke adganme'a so mo". 5 E'na kye-kye atkun mini ke Musa ba undo ni ki mini'u, Yesu che we ane. 6 Hin uken na di-isise na Ukentsen amo iyi na, a'mo me we hwe bo-uzun de bon-undo.' 7 A ne ni bo-uzun la to se atomo de ayomo a bo'a hwe de uhwomo, 8 E we ifan la ngan ikpe dunye.' A ne ni e de hwe ifan wa hin ikpe dunye. 9 A ne ni, iyi na Ukentsen ambe ngo-udi, ingye akale koto wa." 10 E' na e'hwe efu idi ni ba atkun ma kha-aken na, ufyi. 11 A che we nyon, ingye na akoto de uhwom a so mbele undo niyen, a vo a'mma ke abyi uhwomo. 12 Aki ne undo akoto de uzunmo a' so a ban uzun niyen a vo a'mma ke abyi uzunmo. 13 A ne ni, embe imbiskun ba chika bo ke abyimo, ke ambe abgu go we le, ane ni ba'atkunmo ma semo de we. 14 Ene Yesu ade'ane ni, ale fken-eske de we wa, ache we nyon, e'tose imbiskun ba chika e'bo abyimo,e kale dganme we wa,uten-uhwe imbe utson we. 15 E' gankya M'hwe che mini,ingye na ale mbele iskunmo te'enyon imbiskun ba chika e'tu'a wa lele ka idi Ukentsen wa. 16 A' bume imbiskun e'tu'a, ambe abgu zen we le aki we na sisi. 17 E'ne anyitsen hwe so ni, ingye niyen che-unghan bo a'bgen ise ke eswenmo, a'kha nyon, Ingye na hwen iyi ni-isi, M'la vo ane adu ungun na vontzu? 18 Yesu che'a nyon, vo ane unyom nyon ingye ni-isi? Ingye ni-isi le hwe wa, Ukentsen dunye mo. 19 U' yia udo: ka bgan ingye wa, ka vo amma wa, ka zwi-uzwi wa, ka tko e'hwen achika wa, ka da-uda wa. Ki ato'o de ayo'o ifki. 20 Ingye na nyon, M'yia betuwa kyame, a'vo ke itan na m'hwe imbiskun na. 21 Yesu biyan azi ade'a, achon'a, ache'a nyon, kpu kyame iyi ne uhwe de'a kpen ke umbe koto ke be e'kan, ula du a'du-du ke etsen. Ke u'ngare bo ke u'ban. 22 Aken ni vo byime'a kiben na byi-byi, ikyi-inyon ahwe de iyi-ivo hwose. 23 Yesu de'a azi, ache ba'atkunmo nyon, la kye-ekpo ne ingye asho ala ka uten-uhwe. 24 Aken na za ba atkunmo iyi. Yesu kya'a che we nyon, "imbiskun, la kye-ekpo na ka uten-uhwe na! 5 La le kye-ekpo ne unyon ala ka niswen ubgenyi wa de ne ingye asho ala ka uten-uhwe." 26 Za we iyi hwose ema che iskun we nyon, "ane ni abe la vontzu'u?" 27 Yesu de we azi anyon, ke abyi ingye la kye-ekpo hin ke abyi Ukentsen de iyi na kye-ekpo wa. 28 Bitrusu che'a nyon, ito iyi kyame ahwe ba'u ni inyon ke u'la ki wo? 29 Yesu nyon, e'gankya M'hwe che mimi, ingye le hwe na a'tose idimo, imbayomo bo-uzun de bon-undo de ayo de ato de imbiskun de utenmo ke ikyim de ekpan aken' 30 na a'wa le du dkan deri ke uten ni, idi, imbayo bo-uzun de bon-undo, de e'we ayo de ato,de imbiskun de i'khi, de mbo-de ne uten ni de ungun na vontzu. 31 Ane ni, ba di-isise la hwe ba nufun, be nufun la hwe ba di-isise. 32 E'ne hwe ufen we so urishelima, Yesu hwe eswen, aken na ma za ba atkunmo iyi, mingye e'hwe nufun kyen afikyen,Yesu mbe atkunmo so ikyi-kyun, ahwe che we iyi na ala bo adu'a na. 33 Deh, i'hwe urishelima, ala mbe imba ingye ki ke abgu uhwe ba te e'swen de ba ki udo.Ele fken'a ehwen ambe ki ke abgu ba vo iyi na byita. 34 Ela sken-isken, ele tsun-atin se'a le ,ele vgun a ma ,ela bganme, uken na to ita ala nyitsen ke efuu. 35 Yakubu de Yohana de e'we imba zebedee, bo abyimo ache'a nyon "ikyi, ichon nyon u'vo iyi ne ila bgu na". 36 A che we nyon, "inyon ke mini hwe chon ke M'vo'o?" 37 E'nyon, pyi-do ke ihwe du ke uten-uhwe na, dunye ke abgu iji, niyen ke abgu e'swe." 38 A'ne ni, Yesu che we nyon, mini le yia iyi ne miniehwe bgu wa, mini la dia na vo ko'opu na Mla vo, mini la dia kye kiben avo batisima na m'la vo'o?" 39 E' che'a nyon, "ila dia" Yesu che we nyon, kopu na M'la vo mini la vo, de batisima na M'la vo mini la vo. 40 Na hwe ke abgu ijim de abgu e'swem M'de la ki'u wa, na na te ke ikyi be e'kyame te we le na." 41 E na ba'atkun ba'apye efken ane ni e'ma vo-byime kiben de Yakubu de Yohanna. 42 Yesu nyon we ido bo abyimo ache we nyon, mini yia be ehwe de ehwo ke efu uten ni, eli hwe tsun ekye, be hwe de ehwo li we ki udo. 43 Lela te'ane ke abyi mini wa. Ingye na achon na hwe hi-ihwu ambe iskunmo hwe te'enyon upyi. 44 Ingye na hwenchon na hwe eswen ambe iskunmo hwe upyi mingye kyame. 45 Imba ingye le bo uten ni nyon ke e'fen'a wa, hin ke ahwe upyi mingye ke a'mbe ungun mo ki ke ivontzu. 46 E'bo Yericho. E'na atose Yericho de ba'atkunmo ni, mingye hwose, imba Timaeus, u'bu'a zi na bgu iyi, kuse ke niswen ufen. 47 E'na fken nyon, Yesu ne-Nazarene hwe vonzu! ahwe nyo'a ido nyon, Yesu, imba Dauda, dem shishi. 48 Mingye hwose ngan ido ache ubu'azi nyon, aka le nyon Yesu ido wa. Ane ni a'ngare nyon ido de ekye nyon" imba Dauda dem shishi. 49 Yesu bunse ache we nyon, e'che'a ke abo, e'ma nyon ubuazi ido ache'a nyitsen ahwe nyon ido." 50 A'bgu atukpomo se-ise, anyitsen a'so abyi Yesu. 51 Yesu pyido ache'a nyon, "inyon ke uhwe chon nyon M'vo ki'u wo?" Ubu'azi nyon, "Ingye na hwen iyi, M'chon na azim a'fkuto." 52 Yesu che'a nyon, "So. Gankya'u kyame'u u'mma." Le te'te wa, a ngare hwe de azi, a' bge ale hwe so ke ufen.