1 Ayun'efun ma aso efu'uton mbo. Ebachen mbo be'are. 2 Iten ukin asabari bo ma, aso ikpifun' etki ara whan'e ambi abe'e wo'egyi nyon yin'a, " Adju egha' ano?", " Ambi ucho'api eyen ka ma aban?". 3 " Avo'a eyen ken utiambi'a, imba mbe mariyamu, udi mbe Yakubu, re Judas, re Simon?, udi edoo mbo te'ate kata. Ambi ten si amba'a. 4 Yesu nyon she, " Eyen itsun me, Emo whe'are efo iken' uten mbo'a. 5 Avo ke'emba ambi ghagyi iken uten mba. Eba uma swinne adakpue 6 Abe'eme na eso uzwen etkimbo ama ayun ka so uten ufi 7 Atankpu ebachen mbo, ake'aten, abe ifan - ifan. a ke etki mbe eswin sigyo. 8 Avwe atkun nyon'a eti kon'a itken, vonzi uchun. ko uwhu, amagan, re udan ambi. 9 Edgu ikpo ka'afkan, ambise'egyi ekon ugyen 10 A nyon shee, idina ukare fun, uti yunwa fun. se u zwere. 11 Uten na se'aken mbu, ubekekpu uvu afkan mbu se fun ke' a whe iken e fun. 12 Eyun so e she eyenwhe nyon eto ambi zwizwi re. 13 Edgan eswin zwizwi, eda' eba uma 14 Uwhe Hiridus fkan ambina Yesu whe'avo, ebase nyon Yohanna nara se'enuben etkima shire umyen abo na voambi ghagyi ine, 15 ebase nyon Iliya, ebase eyen kpe-itsum me emo, zi eba -ukpi. 16 Ufuna Hiridus fkan ma a nyon, " Yohanna nske me etki moma shikyare? 17 Hiridus bun mbe Yohana etki mbe Herodiya ugho udi mba Filibus akpefkan me. 18 Yohana nyon she Hiridus, "asi'a ena ukpe me ugho mbe udi mu'a". 19 Ibu Herodiya a chon'a aken wen adon na abwan mbe Yohana adju'a ufu. 20 Hiridus gi aken Yohana whe eyen kikye ma, adgen'a isine ama fkanre aken mbo ara dgo'a ama a tsun ra zibo'a. 21 Ukin whofu na era ten utsu ukin na-imba me Hiridus, a vo ambijiji ke'eba voaten mbo re bankagyi ba Galili. 22 Imba edoo mbe Herodiya o ikyan sie Hiridus re'eboeken mbo efun uwhe gye'unu re imba edoo, "nyon ambi na ura don mmbe'aku" 23 Ada'efu sha nyon, "Kena uma don igyeko mbe efu'uten wen mbe'aku!". 24 Imba edoo wen so azwi ayomba mbo aka ayomba ambi na ara bgu azwi uwhe. Ayomba mbo nyon'a udon itki mbe Yohana nara se enuben itki. 25 Afweto so azwi uwhe a yon'a, " Ske mbe itki mbe Yohana nara se enuben itki ma to eyenso kem". 26 Ubgu mbe imba edoo wen ken uwhe ugyon. Ibu'ufi adanre effu, eba iken fkanre. 27 Ino Uwhe tsuto eba'te'egyi mbo e so e ka ske mbe itki mbe Yohana bo ke Uwhe. 28 Uwhe kpe mbe to eyenso ke imba edoo wen, ibu' a meso ke ayomba mbo. 29 Itena ebachen mbo fkan akenre, eso etken mbe egyi mbo so ka dgenkya azwi dgen ichu. 30 Ebache mbo funkpu egye so azwi mbe Yesu e kpenkpu itan akenre kyun ma. 31 A nyon she nyon ibanfen itanban egyi ke ikpu nvun, eyen whe bwe'areghagyi ine ufon na era ji iji whe'a. 32 Ino eka ugha so itanbangyi. 33 Iten na ede aka ugha soma a base chere'afkan kaiswen azwi e ra eso fun ma. 34 Itenna eso atkun ugyi ma agye utsu ade eyenwhe ifkine, ade itoshi mbe, ete zi'ena ambi uswu ba te'are eyen na dgen'a. A whan'e ambi ifkine. 35 Iten na ufon cheraso ma ebachen mbo dju'a eyon, " azwi na ite'efun wen itanbangyi, tke fun, ufon sore, 36 Tsuto e so nken uten eso don ambi jiji." 37 Ibu a nyon she nyon nidon iji ke'eji? Abe nyon "ashe mghan uhwu ifan kpen'aka iji afkie eyen baten. 38 A nyon she "ni tere umgon ifin?ni so ka vgi" Evgito e bo nyon "Amgon itkun re eko igyu ifa" 39 A nyon be to e nyon "etapu itki abin ubwe-ubwe". 40 Etapu ubwe - yenso re ubwe - eko. 41 Akontkozi amghan itkunwen re igyu ifan, ametkozi nigyi iktsan a whun abgu ke Emo, ame ke bachen yon ekoke, akon mbe igyu, avore ino. 42 Eba te fun ji be efu. 43 Etonfun ishuso nadanma, amghan itushe ebwo imba - ifan. 44 Eyen bs ji iji funma eba'idjun, ebu ibwe-uchan itkun. 45 Mmbwene, atsuto bachen mbo ka ugha so Betisaida. Ibu atsuto eyenwhe so idi. 46 Iten na e yon to are ma atko so itki-iwhen abgu Emo. 47 udgo kpumore, ugha yun sore uko enuben, e chito ibu ugyen mbo. Ichefu to rabo, etki se rabo atko itki enuben ara kyun-ikyun achona avonzie. 48 Abe e mbe nigyi ede'a, etku nyon awhe ugyo ebe'eme. 49 , 50 Ufun na adegire aken era be'eme ma, ayon zibo, "niti kyena efikyeni nna bo ame" 51 Aso aka nken ugha ino evu dge Abe ewoegyi. 52 Abese egha'a utsu azwi amgon na ake ma, ekpu tsun zibo'a 53 Iten na e gyen ugyi ma eso uten Genasaret e mbe ugha te fun. 54 Esizi boma eyenwhe ifkine de gyi e. 55 Eka cheso evwekpu eba uma bo azwi na ete' fun ma. 56 Iken' Uten na asore, uten chika re uten emgan, ekpu ba uma bo ra fun eswen, eka tan mba rabo. Eme abgu chore itken mbo uma rato're.