Uchun 5

1 Eten na e gyen ugyi zi egyen efun azwi mbe eba Gerisimani. 2 Yesu si'azi ugha ma eyen ambike zi'azwi ngin e whon buzibo 3 Eyen wen dowhe efun djanre, eswin izwi kakpen ra'egyi. Eyen tebun aka wha'a. 4 Ete'are uji re asho avwe forakpu 5 Kpu'ukin kye azwi a whera be evun, ara kpi'iro, ara'ten ufo egyi mbo re uchen. 6 Ufuna ade Yesu djan'ine, achebo abwen iki. 7 Abe evun re'uvun ghagyi, " Yesu imba mbe enawhe atan ma" mbgu re Emo ti voshi' imbea. 8 Efu mbe na Yesu vorashi nvunn sigyo 9 Aka nyon'a, "abu aban?" Aka ifi nyon' a ame legion" 10 Abgu nyon'a a chito' are azwina awhe mu ma 11 Azwikan, Igo ji-iji ra kyun etken. 12 Ebgu nyon'a atsu toe so egyi mbe Igo ten. 13 Akpe idno ke, nvun sigyoten so eka egyi mbe Igo ten, refka ete ghagyi ifan. Eche yun etken wen eso eka agyi, enuben tkenkpue 14 Ebara swu Igo ten cheka iken' uten ke she ebadanma. Kata mbe eche bode ambi na voma. 15 Echebo, ede eyen uma'ugyo wen where Yesu, uma mba chitora. Ase ambi se egyi nasisi, a be ebe'eme. 16 Eba funra Swue igo funma bara yon ambi na abe edema. 17 Ebgu'a nyon'a buzi uten mbe 18 Eten na Yesu yun so ara ka ugha ma eyen na a damba uma, bgu nna bwe'are. 19 Yesu Sembo fweto so idimu re baidi mu u nyon ambina Emo vore'eduma. 20 A ghanto so Dikapolis, ashe ambisisi na Emo Vore'edo ma. Eba fkan ma ebe'eme fun 21 Ndinewen Yesu gyen ugyi so egyen efun eyenwhe ifkine bweare so atkun ugyi. 22 Eyen - kagyi ugyen, etan nyon'a Jairu, bo bwen' ikihwe 23 Abgu'a nyon'a imbami fkan eska'a, abwe'na so ame abgu zen'are, ke'a adju eke. 24 Awhe'inoma abweareso re eyen fkifki ine efa egye ra so 25 Edo'o ugyen zi iken' egyi kpu iten bo - tki - ifan. 26 Eba da'uma vonire, ambi abgu mbo zwere uma fkan achi'a. 27 Afkan e nyon Yesu kyun' aboma, afafaso teabuni mbe itken se'egye mbo. 28 A nyon'a ke mma te'ebun itken se'eggyi mbo iken ra dge. 29 iten a mbe abgu te'ebun mba ma iken ndge ino 30 Yesu azwi fun gyi nyon eyen vwe eke a fu egyi mbo. A binghanto nyon'a, " eyen te'ebunma aban". 31 Ebachenmba yon'a ude'eyen fkifkine rabe'ure, uka'aken ino. 32 Yesu binghanto ke'ade eyen te'ebun itken ma. 33 Edoo wen degire' ino abo bwen iki, a nyon avoasi. 34 Yesu nyon'a, imbami uzwen mbu fkaziru so sisi . 35 Ufon na a yun a soma, eyen ba'ase bo she Jairu nyon imba' edoomu vonzire. Chito eyen whan' ambiwen, imba edoomu vonsire 36 Yesu fkanre ambina ete yon, a nyon she etkuwho ikpifun'etki, "ti be wa emen, so uzwen". 37 A dganto eban danma kata, a chito Bitru, Yakubu, re Yohanna udi me Yakubu. 38 Ebaten bwe'are so idi mbe etkuwho azwi fun etki, ade eyenwhe ra chen' ayen ghagyi' ine. 39 Ibu'a kaso nken ikpi na imba' edoowen do whema, a nyon shee nyon'a imba edoo wen ta'a vonzia, ara do'edo. 40 Eji' aso, atan mbe attemba re ayomba, aka inken ikpi. 41 Atebun mbe abgu mbe edoo, a nyon'a, " Talitha koum!" tsun nyon'a imba edoo wen nyun itan. 42 Azwifun imba edoo wen nyun, itan. Ebatefun ma cha'ukpin. 43 Avwe atkunn nyon eti she'a eyen ugyen