Uchun2

1 Eten na ahgan uchi bo Akafanahun efumbe uken swinne, efkan na a bo hwe idi. 2 Refki-fki ne ebo fun mu ate azwi kya fki'a, enegyi se kya-hwe, Ukenfgenemon nyo aken re de. 3 Ate eyen ba ugyen bo azwi-mbo embe eyen fu'u afkan re abgu embe ra bo; eyen ini era koan asi. 4 eten na eta yan azwi re do'u ma etkina ena imba-eyen efkifkine, efko mbe zi aban na etki mbe Ukenfgenemon, azwe efkore azwi, esu mbezi azwido na ebakagi feu abgu re afkan do muma. 5 Ade uzwen suso mbe, ufgenemon she'e ebakagi feu abgu re afkan wen, "Imba, ambi-zwizwi etore are." 6 Atene eba ambi ba ugyen hwe mu, era tku nken ikube mbe, 7 " Vo'ekon ebakagi wen nyo etan wen? A nyo sha re! eyen na ra toke ambi zwizwi aban Uken-tchan reugyonre?" 8 Azwikan Ufgenemon gyi nken nviunmbo ambi na era tku re gye ma. A she nyona, voekon nira tkuetan nawen nken ikube mene? 9 Ekon hwe asi sua ne eshe ebakagi feu abgu re afkan, 'Ambizwizwimbu etoke ru' fenn e nyo 'yun-etan, u mbe uswe mbu, keu ukyun'ikyun'? 10 Ama enuswen na ukudegyi na Imba-eyenuhwe hwere ekefiugyi etki efu'uten na ara toke ambi-zwizwi," ashe eyen fu'abgu re afkan, 11 "Nnyona uyun, etan, umbe uswe-mbu uso idi." 12 Ayun etan mmuenne ambe uswe'mbo, aka so idi enegyi mbe eyen-uhwe kata, ate eyen kata de ambi-kya'egyi eke Uken-tchan efo, "ate abe e nyona ita de fkanya ambi ba ten." 13 Abiu kyazi ufyi ka so atkun akata, kata mbe Imbaeyen bo azwi-mbo, ahwan'e ambi. 14 Azwi akayen zi ma, a de Imba Levi mbe Alphaeus hwe afku mbe eba kpe-asho'uji a she nyona, "Bweane." Ayun etan abwe-re. 15 Ukenfgenemon ahwere ambi ara ji nken idi mbe Levi eba kpe asho'uji efki nere eba vo ambi-sigyo e ra ji ambi re eba hwan aten'mbo, ate efkire era bwe re. 16 Etan na eba ba iba, eba hwe fasiyawa, e de Ukenfgenemon ara jiambi ji re eba vo-ambi sigyo re eba kpe asho-uji, eshe eba hwan-aten'mbo, "Ekon vo-asi ara ji ambiji re eba kpe asho'uji re eyen'uhwe ba vo-ambi sigyo?" 17 Azwi'e Ukenfgenemon fkan re inoma ashe nyona, "Eyen'uhwe ba tere eke-afigi igyi ra don enye da uma'a; eba ra dgo uma ma mba ra don enye da uma. Nbo ma na Nna tan eba kikye'a, Nna tan eba aji." 18 Ebahwan-abgu aten mbe Yohanna re farisawa ra che unu. ebagyen bo esha nyona, " ambi ke eba-han abgu-aten mbe Yohanna re ena mbe farisawa bra ra che unuswen ena mbu ra chea ma ekon?" 19 Yesu she nyona, " eba bo ino-ifi ra che unuswen azwi etanhwan ino-ifi ta re hwe mbo nne? ufon na etahwan ino-ifi ta re hwenne era chea unuswen'a. 20 Ukin ra bo na e mbezi etanhwan ino-ifi azwi mbe, ningi ekin a che unuswen. 21 Enye ugyen na mbe atikpo ififi how anghon azwi ena ukpi hwa, kyen ena ififi gha ato ena ukpi re ena igha mu ra zwi zwan. 23 Ukin asabar Yesu zi kyun ra si azwi ivo ina-ambi, re eba hwan abguaten mbo eton etki ishenfa etwe abgu ra se unuswen. 24 Farisawa bra sha nyona, " de, ambi ke era vo ambi na udon kpe ino mboa ukin asabar ma ekon?" 26 ka so nken ikpi mbe Ukachan ufon na Abiyata fu hwe uhwesi ma, eka ji amghan na mbe ibwa etki, na udon ke enye ugyen ufuu yon ari jia nma vonzire uhwesi bra, aji ibu nba ake eba ra so ma ben ji.?" 28 Azwi ahwe ino, imba-enye-uhwe hwe Bami-idi, re ukin asabar nken kata