1 A wen hwesi ena ka'iswen mbe ashe-isi mbe ukenfgen-emo, Imba mbe uken-tchan. 2 Etan ebahwe nken Ishaya eyen-nyo aken mbe Emo, "De, nnatkun eyen ichun mi ara ka-iswenmbu, eyen na ra bo kyaru ufu'u. 3 Uvun na ra tan idno nken abin, 'kya-ufuu mbe Ebarmi-di; uke ufuu mbo adnoto."' 4 Yohana bo, ra se eyenuhwe enuben etki nken abin ara nyo aken mbe se enuben-etki mbe enachenhwen mbe na chito ke ambi zwizwibara. 5 kata efu'uten mbe Yahudiya re eba urushelima ezubo igi azwi-mbo. A se re enuben'etki nken ugi Jordan, efke abin zwizwi mbe. 6 Yohana tsu ikpo ikyan uyon re ujiteushin-ikpo ushinmbo, ate ara hwo ikputa ara voa nuben-igyu. 7 Ara to udon, "eyen-ugyen rabo eyen fun mi eyen hwere ekye tkan ame, mfkima ikpoka'afkanmbo. 8 Ame nna se enuben, ama Ibu se ake ne Eviun na kyikye." 9 Azwe efura vo ambi baten ukpi ma EYesu zi ENazarety bo nken Galili, abo se enuben-etki azwi mbe Yohana nken ugi Judan. 10 Azwi Yesu biuzibo nken enuben, ade enegyi akpo fkoto Nviun-kyikye sirabo etki ahweze eboakye. 11 Uviun zibo akpo, "Abu uhwe'e Imba echonmi. Nna dne-igi re abu." 12 Ate nviun mbea so nken abin. 13 A hwe nken abin uken uji-ifan, ashaitan mbude'a. Ahwe re Ibi'bunbra igigye, ate nviun-uswiaten fen'efen ke. 14 Azwi ebun mbe Yohana, Ukenfgen'Emon bo nken Galili atou udon mbe ashe'isi mbe Uken-tchan, 15 a nyona, "Eten mou re, Idi-uhwe mbe Uken-tchan yan re azwi. Uche-hwen ke uso uzwen nken ashe'isi." 16 Eten na ara kyun-ikyun atkun ugi -tkuho mbe Galili, ade Simia re Andurus uffgini mbe Simia era se ake nken ugi-tkuho, abe ete ba bun igyiu. 17 Ukenfgen'emon she nyona, "Bo, bwe-ane, Mna mbe'u hwe eyen bun Imba-eyen'uhwe." 18 Re azwikan eto ake mbe re ebwe'are. 19 Azwe Uken'fgenemon kyun shenfen ade Yakubu ufgen Zabadi re Yohana ufgenimbo; ete nken ugha'a ere kya akehbra. 20 A tan idno etosi atto-mba'mbe E Zabadi nken ughaa re ebeuswi, ebwe'are. 21 Ate ebo nken Ekafanahun, uken Asabari, Yesu so ikpi fun'etki a hwan ambi. 22 E kpuetkan etki ambi hwuhwanmbo, etkina ara hwan abe ambo zie ucho-eyen na hwere eke'afuigi voa ze eba ba ambi. 23 Atene ebakagi nken ikpi funetki mbe eyen na hwere nvunsigyo kpi-idno, 24 A nyona ekon ira vo re du, Ukenfgenemon mbe Nazerety? u bo na ubo voajiato abi? Ame ngyi eyen na u-hwe. Abu u-hwe eyen kyikye mbe Uken-tchan!" 25 Ukenfgenemon dne aken re nviunsigyo anyo, "Takea ahwe ubiuzi nken igi-mbo!" 26 Nviun-sigyo ambe ta iki abiuzi igi-mbo ara kpi-idno re uvun-kakagi. 27 Kata mbe eyen-uhwe ekpuetkan, era ka'egye nyona ena wen hwe-ekon? A dne aken re nvun-sigyo e kentki ke'a!" 28 Ashemu kyun hwo-si azwi uten mbe Galili. 29 Azwi abiu zire ikpi funetki, ebo nken ikpi mbe Simia re Andurus, udidi re Yakubu re Yuhana. 30 Mdin wen ukgi-na'edo mbe Simia ara dgo-uma'idzun, ate e shai Ukanfgenemon akenmbo. 31 Ate abo, ave-mbe re abgu, yun-etan; Uma-idzun mu atore, ate akyu fen-efen kea. 32 Re udgo-dgo, azwi uken kpurema, embea bo azwi mbe eyen na fu ra dgo uma ugyo-zwizwi. 33 Kata mbe efu'uten efun udidi enegigyi. 34 A dake eyen fkifkine ba efu ra dgo ambi re udgo ite-ite adgan ugyo-sigyo fkifkine biuzi, ama ake'a e nyo aken etkina abe egyi Ibu. 35 Akan-yun re itan'azwi, aka biuzi nken azwi-tuton emu akara to ufo. 36 Simia re eba ugyen ba rete era doan. 37 Edzu'a eshe nyona, "aban-ban ra doun abu." 38 A nyona, "Ene kyiso azwi ugyen, ekpansko uten ba yanzwi, na nka kpen aken ke kata. Ambi na vo ke nbo ate ma." 39 Abiuzi igi kata mbe Galili, ara nyo aken mbe Uken-tchan nken ikpi funetki ara dgan nvunsigyobra. 40 Eyen uma-uhwe bo azwi'mbo. Ara bgu'a; aken-iki ashe nyona, "M kena amasi'u ura sa keame." 41 A yun re ikube-echon, Ukenfgenemon adno to abgu mbo acho-igi, ashe nyona, "Ame nchonre. U kea." 42 Azwitkan uma-uhwembo, atore ahwe kyikye. 43 Ukenfgenemon dne aken atkun to yun. 44 Ashe nyona, atu she eyen-ugyen ambi-ugyen, ama ka so, tsun etkigyu azwi mbe uhwesi, ke uke ambi-sa kyikye na Musa fu nyoma, ahwe zie enukpi azwimbe." 45 Abiuzi agyu nyo aken mu ke eyen uhwe kata ashe-ashe mu tkuhone Ukenfgenemon kakka nken uten ugyen ufia. Ate aba hwe banfen azwi ba-ugyen ate eyen-uhwe ra bo azwimbo anoano.