1 Yesu she eba whan abgu aten mbo nyina utofi temu na rake eba-ugye ravo ambi zwi zwi, ambi igibi etkimbe nyennra ke udi mbo ra vo ambi-zwi zwi ma. 2 Asia tkan na eki mbe nche ehwu kya azwi uji ambe kyare uchu ke e mba to ugyi, etki na ara ke udi mbo ra te utite ma. 3 De tke egyu.ke udi mbu ma vo ambi zwi zwi ve'a nyetku, ke ama degi ato are e chito aka. 4 Deke ama vozwi ikube bu afkan iti ifan ukin ugyen,abo abgu afkan iti ifan, toka ambi na a voma. 5 Anebi mbe Yesu abguka tke ke kya uzwen suso. 6 Yesu shei nyina deke nima hwere uzwen cika ine ze ini ishen, ni ra shei ihwen nyina, nyu azwi uhwe mu hwe uka si ugyi, ara hwe ino mbi. 7 Nkemine enyena shei aka uswi mbo na ra voare ivo ko ara de are itombo nyina bondinewe ubiji ambi ekena a zi aten bore ma aba nkemine? 8 Ara sha mba nyina bo' ubi voane ambiji re anuben na n ravo usu ehwe ke ambiji re ambi ivo na mbu? 9 A choa uswi hwen akpu chu amba ke aten mbo sire ma? 10 Ahwe re ino ma abine deke nima vo ambi na nshe ne ni voma, nira nyon abi ite uswi, ivoke ra ambina ara chon ma. 11 Ukin ugyen (Yesu) ra so urishelima abi zi uche mbe Samariya re Galili. 12 Azwi (Yesu) Kasi imba uten ugye ma, eba hwo abgu ebwo tama ngesi eseh te bembe ine. 13 Embe uvu Yesu biri mi idi ira abgu udei re nigyi shishi. 14 Azwi Yesu dema a she, niso nika tsun egyene azwi mbe uhwesi. Azwi uto fima edzu na fkazizi. 15 ugyen nkembe azwi ade adzu re ena fka zizima, anghan uchi bo ara vun ukechan re uvun keke ine. 16 Abi hwe iki swem bo Yesu ahwun a bgu raka, ibu mu imba Samaria. 17 Yesu ka ngyina vo abine enyen bwo na ni dzu na Fkazizia, eba dama te ano. 18 Enyena nghan uchi bo na ara ke ukechan efo hwo ba'abu ebakye hwe mba? 19 Yesu shai nyina nyu etan "ukyu ikyu uzwen susomu vogire ure." 20 farisawa ka Yesu, ukini idi mbe ukechan rabo, Yesu she Idi mbe ukechan rabore nakpe gigi mbine'a. 21 Ekpua shena ke dea nhwe, dea a huna, idi mbe ukechan re ne hwe igigye. 22 Yesu she eba hwan abgu aten mbo nyina ukin ra bo na nira don ukin ba fu vonzi ete mbe Imba mbe nyuhwe ma, nira dzu ukin bra ma re ufia. 23 Eba era shei ne, de ana, de ate niti che sona mua. 24 etanira de etki ra sho anigi ra kyuma, a hwere Ino enabubo mbe Imba mbe nyuhwe ra hwe Ino. 25 E ra vo ikan re ite itene nyuhwe te ra seh mbe re siseh. 26 Eta a fuvo etembe nuhu ma ino mbi a nguci ra vo ete mbe Imba nyuhwe. 27 Nyuhwe radi era vo era ba eburo tku ho ine, so eten a nuhu ka ungha, ukechan chumbe anuben tufana bo zweke katta mbe. 28 Afu vo re ino etembe Lutu enyenhwe fura kpen ambi kpen raji, era voivo, era ta ikpi. 29 Ukina Lutu to nke-uten Saduna ma, ufie kibiritu zi akpo sibo ambe jizwekata. 30 Ino mbi ambi te ravo etena Imba mbe nyuhwe ra chun abo egyoma. 31 Ukin mbe enyena hwe etki aban ati sibo ton ekpe tkemo ikpia, enyen na maka hwe ivo ati nghan uchi bo'a Idi'a. 32 Nikobun re ambi vo dzu ungo Lutuma. 33 Enyena chona ara tken uyun ara don ani , enyenara ken uhwefu arafu'a. 34 Na shei ne uchumu, enyen ifan do-ate a zwido e mbe azi ugyen era to ugyenre. 35 Ebro ifan tera swe ambi shin e mbezi ugyen erato ugyenre. 36 Enyen ifan bwen rate ivo, e mbezi ugyen erato ugyenre. 37 Eka si nyina ino mbi (biri mbidi) Yesu she nyina azwi hwo do hwe mba indu fu atemu.