uchun 16

1 Yesu she eba hwa abgu aten mbo,enye asho eyen hwere enye na de a re itken mbo,e bi sha ken enye mbu ra tgoa are azwi tgo re itken mbo. 2 Eyen asho mbu tan mbe eyen na adgu kpu etken mbo ka te mba,akena nra fka etki mbu mba ekon? shem ambina ura vo re itken mbi ma,nkya dgu mbe itke mbi ra kumba. 3 Eyen de itken mu ko uchu; ambina nra vo ma ekonken imbi idi mbi nyo akya tgu mbe itken mbo ra kem mba? nhwe mba re eke na nra vo ivo'a nhwere igibi na nra bgu ambi. 4 Ngyi ambi na nra vo etena imbi idi mbe mba dgan torem eyen ba ugye ra kpem udi. 5 Eyen de itken hwen tan eba akpu ekpo mbe imbi idi mbo ke te mba, a kah ena ka iswen ekpo na hwe abgu mbu mba ifin? 6 Ucha ubwu uji itkun, asha, mbe ichi hwe iki u ba mbue mbue ine, uba uji ifan imba bwo. 7 A ka eyen na to ifan ekpo na mbu ifin?iba ifwun uji itku, asha bwu mbe ba uji ini. 8 Imbi idi mbu ta abgu ke uswi umbi hwen etkie aten engah na avo mba.Biski ba efu uten tere engah na era kyu re eyen mbe tka ebiski ba te ufu keke. 9 Na she dne ni do a sho ufuna hwa keke'a etena ata zwe re, eta pea mbu ena nhwen mbo ra hwa. 10 Eyen na ra vo uzwen azwi ambi chi ka , ara vo uzwen azwi ambi ngahgyi, eyen na hwa re uzwe azwi ambi chika'a ara vo'a uzwen azwi ambi ngah gyi'a 11 .Deke umba ra vo wa uzwen azwi asho na zi ufu sigyoa eyen na ra mbe asho uzwen ku uto bia ngah abgu mu mba a ban? 12 De ke umara chu wa uzwen azwi asho mbe eyen ba uyen'a eyen na ra ku asho etkie egyu mba aban? 13 Uswi uyen ra hwa re imbi idi ifan,ara chon ena uyen ara seh ena uyen ko ara che ena uyen ara kye etki re ena uyen. U kye etki ra ke wa ukenchan re asho'a.'' 14 E farisiyawa ba ra chon asho mba fkan aken mbu ma e jia iskan egyi. 15 Ashe ni kpe sira kpu egyen ne ra te egyi eyen,ukenchan gyi ikyu be mbi ne.Ambina enyen uhwe ra de'a re efo, hwa re efo azwi mbe ukenchan. 16 Udon re anebi fwu te nigi yohana yohana kin bo.Etena ibure e mbe aken sisi mbe idi u hwe mbe ukenchan nyo ra kyun aba aba chona ambe etkie gyo ra ka mbu.. 17 Azwi akpo re azwi igigi vo azi,aken ugyen nken mbe udon ra jia abi'a 18 Eyen na mba se to ungo aka mbe ena ugyen ara ba uni ntan,eyen na mbe imba indo na ujon seto ara ban uni ntan. 19 Eyen asho ugyen ra seh itken asho ara fka eska mbe ambi dju dju mbo re ukin ukin ine. 20 Eyen bgu ambi ugyen ra hwe nikigi idi mbo, igyi mbo re efkon efkon ine, eben mbo e liazarus.liazarus. 21 A ton ra swen ambi iji na ra sira ta iki azwi jiji ambi iji mbe eyen asho hwen mba,ibgu mbe eyen asho mu ra tgu efkon igyi mbe liazarus. 22 Ufon mbo mbu eyen bgu ambi mbu fu,e malaika bi mba ka so azwi mbe ibrahim.Eyen asho mbu seh fu emba ngi. 23 Eyen asho mu ka ufi ara vo ekan ara fkan re uswen,akpu tkozi anigyi ade ibrahimmbe liazarus ra hwe 24 Akpi indoh ambe uvun,atta ibrahim,den re igyi itoshi tkue liazarus ambe itki tka abgu mbo cho nken aniben ambe to ane eden,nra fkan re uswen azwi na nhwe mbu hwen; 25 Ibrahim sha, imba uko bwu ken abu ufu hwe eyen asho ufura fka eska ura dju ambi sisi,liazarus fura vo ekan,ndine hwen abu uvora fi ekan ibwu afka ra fi eska . 26 Ehwa tku ho hwe ufon mbi re du eyen ugyen ate, so ra ka azwina uhwe mbu ma,eyen ugyen azwi mbu boa aka a te'a; 27 Eyen asho nyon,nra bgu,atta ibranhim,na utkua aka so idi mbe atta mbi. 28 Ntere be fgini itkun aka vwe enyntkun,nra ken na era bo azwi na nhwe mu ra fka re uswen hwen. 29 Ibrahim sha,musa re anebi te mu;ke efkan aken mbe.' 30 Eyen asho nyon iye ,atta ibra him deke eyen ugyen nke mbe eba fure mba mba so,era so uzwen azwi aken mbo. 31 Ibrahim sha,de ke ema fka akembe musa re anebi bare te mba era fka enyen ugyena zi umue zibo'a.