UCHUN 3

1 Inone, udim ba ukeh, nyi koto n-ntan akpo. skutu me Yesu de butsen de uhwa skuhome nyozu ambi fdi bi. 2 Ase-ufden afdi uketsa, na a vuma, hwezua Masu na se-ufden isun mu iketsa. 3 Ke Yesu ideyira hwede itzo naisi naskuho, skan Musa, ikena nyohwe na ama ta isun uhwede itzo skan isun de iskimu. 4 Ke na ata ambi bara katane Uketsa' 5 Ike Musa se-ufden ke Uketsa isun bara,adedu ambi bara na iha nyon aken mu akufte. 6 Ino, Krisiti seufden ahwe imba na ahwe-iski meisun mu Uketsa. 7 Inone, ahwe zua nvon ukeh anyo, na tene ke uma fka uvunmo. 8 Nyiku febon ma kumbe bene. afdi miskin Israila ivoitenna ibwodebe nke-abin na. 9 Nane hwe ufon na batiken beneba ibwodem ne de iyi Ihwe isunmu,ke ima tubon itsu bi de ike mu Uketsa. utze-ifan ide. 10 Ino ne, nfka mi iska, de ibe, nyo, ihwe de iten ka kpore kumbebe. iyibe ufin ma. 11 ahwe zua ndan-ifu uhwum. ira kabe afdi nahwema. 12 Ni kpeskun udim bara, kena nken ifu bene unye ahwe de kumbe na ifdi me ba-isemu ufde, kumbe naafkabungha afdi Uketsa. 13 Ino, nyi nyokende udi ko nukin, afdi iten natene, kenyohwe unye ifubene tsiken kumbe iskime ingha mi ambifdi. 14 Ke na ihwe isgo movo me Krisiti, ikene ima tunbu ikebi afdimu kaften de nhwen. 15 Iskime nane, "Natene uma fkare uvun mu, kutun kumbe wa, ike na vo ingha ne." 16 Aba hwe, na fka Uketsa i vo ingha? Avo manye ba izubo masar ufine Musa? 17 De nyohwe na asko uhwumu me iyi utze-ifan? Hwema ba ivo ambi ifdi bo ihwube akpu nke ambi ne? 18 Afdi ba ada-ifu ira kabe afdi skunyo, ke ama hwema ba isebe iskika? 19 Ide, ivo kabe ika afdi skunyo ikeme isebe-ufde.