UCHUN 2

1 Inone, ira ke kumbe ufkine afdi ami ba-ifka, kena iku nyenma iyi afdibe. 2 Ke aken banyo anu ften me maleka, tsuna ahwe ufde, de ambi isa, de iskina doma ikuwe, kpe idan. 3 Hwe ine,ira vanzuke ima tsube na fkazu na skuba/ Nane hwe na fkazu na nyonkaften afdi Emo, de iyiafdi bi de fka. 4 ufon unye, uketsa nyon de afdi koto mi ambi nvon na afdi me itsumu. 5 Ke ahwe ma afdi maleka na uketsa nyo, fdihwe mi afdikayi ara ba afdina iha nyo. 6 Ino, nyohwe nyo afdina nye nyo, "nyohwe hwe ango, na nyiha skutu iskimu? Ko imba me nyohwe na uha de?" 7 Uke nyohwe hwe tsika, ikuwe me maleka, ukpua de nvon de itzo. De u mbe te afdi muve me afgu. 8 U mbe ambi bara mbete utsi afkeu. ke ahwe afdimu na uketsa ambe te askimi. A suto ma ambi nanye, mbete afdimu. Ino ndine ita debea anbibera ambete afdimu. 9 . Ino ide,ibuna, ivo tsika iskime maleka, me ufon tsikane, yesu ikpu. na-isi de itzo mi ikan de ahwefu. ke na-isi mu uketsa ra mbode uhwefu mi nyohwe. 10 Ahwe ino mu uketsa, ikena ambibara zu afdin mu de ikenmu. Ke ambebo imba bara afdi na-isi. ahwe isi afdimuke avo iski mbe na fksnzube, azemgha afdi ikanbe. 11 Ahwe ami nyohwe unye na ambe nyo skemu ke, de ba imbe beke hwede ufin unye. Ino a bon me iyibi na atan be udi. 2 Anyo na mbe akenra she udim bara. Na to, uken afdi na nfon. 13 Ino, ufi. Nase ufden afdimu, ino ufi. "Ate nhwe, ino de miskin Uketsa ambe kum." 14 Inone, afdi miskin kato iyi de iken, iko ambi bara ufin unye, kena afdi uhwefu, are vofdi de unye na ahwe de ikefiyi me uhwefu. Ahwe-ibu shetan. 15 ambi hwe-ino, ara vonzu ba afdime fiken mu uhwefu, suto umyobe bara afdi ufti. 16 Ahwe ufden vo a maleka a voyi, ino ifti me Ibrahim. 17 Ino ahwere ikpo, na ara hwe ufin zua udimu bara. Kena, ara mbe aji shishi de se-ufden, uhwa skoho afdi ambi mu Uketsa. Kena ara mbebo na ara suto ambi ifdi me mayin. 18 Kena Yesu de nyo skenmu vo-ikan imbode be.