1 Ni ke echon udi asiso ikiswen. 2 Ti mutowa na ura kpe eken.Ufu nami hwen, eyen ba ugyen fun kpe malaika egi'a. 3 Ko bun re eba ekpue chute ehwu hwezi eme abu chuhwe re ede.Kobun re eba evora shie hwezi ena era vore abuma. 4 Ni ke i'ndo-fifi efo,azwido i'ndo-fifi ahwe kikye ine,Emo rabun eba uniasha re uni'ntan. 5 Ke ikibe mine ayun azwi echon mbe asho.Ambi ba utere do ka ufki'u, ukechan nyonre itki egyo nyon'a,"Nna to mina, nseki mu atama abin". 6 Ike ambi afkii, na ira dzu unu na ira nyon" Ukechan hwe eyen ra gyo ane ma,nna ken ma afikyen. Ambi eyenuhwe ra vore eden ma ekon?" 7 Ni hwe de itkimine,eba nyon aken mbe Emo raku, na ehwe ra de afkan ikyun mbe.Ni bin uzwen -iso mbe 8 Yesu krisiti hwere azwi afunhwe n'ndan,naten,ahwe chuchu. 9 Tike ambi nhwan be fifi eba gha'ure.Asi ena ikibe mu asenhwe azwi nigyi ishishi mbe ukechan,voa itki ambi-iji na kpu voragia eba kpu egye ka tema. 10 Itere bagadi na ebara voaten ikpi-Emo fun ma ra ji'a ambi-iji fun. 11 Eken mbe ibiambi na emera bwan itki edan mi ma, uhwesi na ghagyi mbe raso azwi kikye asi,ibi egyimo emezi to'aken egyi azwi efuntefun ma. 12 Inno Yesu vo ekan nyifun uten ke asakye kpu eyenhwe mo re eken mo. 13 Ahwere inoma, izi ka dzu'a enyifun uten ika kpegyi are igyibi. 14 Abi ihwe'a re uten ghagyi na hwe'a chuchu.Itki mbe ibu hwen, ihwe'a aba ena ta abo. 15 Etki mo,ihwe tken uffi mbe ukechan vunvun .Ena vunvun nahwezi ena avan na zi unumi ra ke ebenmo efo. 16 Iti mujito'a re ambisisi na vuvo re ena ivo-agyi egyimi re,ahwen uffi ntken ba ukechan rachon. 17 Imbe itki kyen ikihwe ke eba te ikiswen mi.Abe ete eba ra de afkan ikyunmu eta nyon aken itki mu.Ufkan aken mbe itki ke eta nyon naisi mu ke iti nyon sha mu na avo zwi 'amu. 18 Ni fo ufo ki,ira tkan ke ikibe mi aki hwe kikye, ke iki voambi ba te dede. 19 Nyon ke'nde eke-afu-egyi nivo tkan ine, ke ame nghanto abo azwi mine m'mwene. 20 Edinehwen,Emo mbe ikibe gyen shun, eyen tanshi mbe eyen dgan iton ten etki umyen zibo, imbi-idimi Yesu Krisiti re ekenna efun gye eke fun. 21 A voke nne ambisisi, ke ibine ni vo ambina ibu ara chon,Avo'aten iken egyimi ambina si ibu, azwi mbe Yesu Krisiti, na efomo hwe chuchu,amin. 22 Edinehwen,n'nyon kene eke afu egyi,ebevgini, nikpeme aken na n'nyon kene eke afu-egyi,na mba mbe chika ine ra ke'nde. 23 Ndine hwen na etore ufgini mi Timoti, ame se mbo'a de nde. 24 Ni be itki mine bura idno,re eyen mbe ukechan ba kikye. 25 Eba idimi ba Itiliya re be ndno.Naisi are n'nde hwe igye.