1 Ahere ino hwen, ifi mbe na itere eba dzu hwo kpu'i ete ra bun ehwan itkimi hwen, ikpu ambi ba te itken ba vwe kpu'i ira dan-edan te banfen ishin-ugyen. Iche ugyen na ihwen mu hwen re ikibe nzwen. 2 Ikpeatkun so azwi Yesu, eyen mo,a kyasime uzwen mi, itki mbe utsu nten na hwere ma, azwen ikibe ake emba ken ikan, akpe igyibi, nhwen mo ahwe abgu iji mbe Emon. 3 Ni ko utsu so azwimo, eyen zwen ikibe ke eba se-aken mbo,re eba voambi zwizwi, ke abu ura nin, uta mbwe utsu. 4 Nita zina,ko ni vwe aken re edan na ka bu azwi eken mine. 5 Ni mujitore aken ba nfun nyon ra kenne eke fun zi ena imbami bura;"Ti de mbe nyen tkun ivwe mbe imbi-idi ahwe dan ine,ko ugyen egyi ke ama kyakaure. 6 Imbi-idi ra vwe eyen echon nyentkun. Imbara akpemura ara hwan ambisi. 7 Uzwen ikibe ke era hwan'u ambisi, Ukechan ra vore dzu zi ena imbamo. Imba ra hwe ine ke attamo hwan'amba ambi. 8 Ke ema hwan umba ambi, zi ena eba ufi ra tema, abu hwe Imba-uni-asha, uhwe wa imbamo. 9 Shenfen, i hwere atta na efu-uten ate rahwan ambi ino ira ke efo, ambi ke ikyen itki ake'a attah na nvun na hwe'a chuchu ma ekon? 10 Attami ra vwe atkun mbe ufon kpiti ine na ede hwezina sitkan.Ibu Emo ara vwe atkun itki ambi na siabi,ke idzu ena kikye mo. 11 Atkun ivwe hwen hwezi ena asigyo'a, ara nswen.Nhwenmo ara vanvan sisi me'ena kikye so azwi mbe eba ehwan re ma. 12 Uhwe ke abgu ba sitehikihwe ma eke-afu-egyi, re ikedzun na nyenre n'nyen. 13 Kya dno kpu ufu ba afkanmu rakyun fun,ke ambi ba funfwe afkan kya te'a ino eda kpue. 14 Don gyengyen re eyen uhwe kata, re ena kikye, ama voino nigyi na ra de emo hwe'a. 15 Ni kpe egyo ke eyen ugyen a don ni itoshi mbe Emo.Ni ke ambi ni na ati tan akpo azwine na ake atko avwe nchan abo, ke eyen uhwe ifkineh evo zwi ikibe. 16 Ni kpe egyo ke eyen ra ban uni-asha ko eyen hwe'a sisine zina isuwa, na etki ambi-ji afkan ugyen ame tku hwo mo kpenji. 17 Ni gyi aken nyifun mbe nani hwen,etenna e chonnaaki dzuambisisi,etsu ma tazi, efu mbe na adzu'a ufu na aki binghanto ikibemo. Abo don re egyen-nigyi. 18 Ne ta bo nna ihwen na era cho'a abgumu, ihwan nara ji uffi,ichefu,evuu re ugyo. 19 Ni ta bo nna azwi eyen vwen aswi ambi,ko azwi uvun na ra bgu nyon'a ato aken na wonna a nyon ana ufi. 20 Ezwen ka'a ikibe mbe udon na eto'ema "ko ibi-ambi yan ehwen wunu'a ara ta uchen, ko ita bwan mba re uvgi. 21 Itki afikyen Musa fun nyon'a "Nwoegyi na ke egyimi ra be eme" 22 Azwi na ubore ihwen Zion, re iken uten Emo na ta hwere nwuni, azwi akpo Urishelima, re Malaika ifkine te rachaukpin. 23 Ubore azwifun tki mbe imba aka ubore azwi emo,eyen kpenhwan mbe eyenuhwe, re azwi nvun eyen kikye na kyara siami. 24 Ubore azwi Yesu eyen nyon kyakasi udon na fifi, eyen eken mo bwo ka nyon aken tkan eken mbe Habila. 25 Ti de se towa eyen ra nyon akenhwen. ke efun che yun kawa etenna eyen ra vwe atkun efu'uten ata, ira vovo ine uche yun azwi eyen hwe akpo ara to'i udon. 26 Iten base uvun mo ra ki'e efu'uten egyi. Edine hwen egye unu nyon'a"Dan afkan ugyen nki'a ngema efu'uten mba, nna ki azwi akpo ben fun". 27 Aken ten,"n'nyon kya afkan ugyen"tsun ma ekpu azi ebe-uhwe ba eki'a ka'embe egyi n'nde, tsun ma ambi emo kambe egyi eteh. 28 Ahwere ino hwen, ke idzu idi akpo na eki'aka'amba, i hwon abgu ke Emon ivun ebenmo re afikyen. 9 Ukecha mi hwe eyen kpu' uffi.