¹ Eyen egyen ebembo hananiya re ungo safaratu, embe ikyuhwe kpeji. ² Embe asho nkembe asho ikyuhwe mu ton kya{ungo gyi},ambe asho na dan mba bo ikiswen mbe abakagi ichun. ³ Bitrus nyon,ekon vo asi uke shetan kau ikyube usko eden ra ke nvun na keke, u gwo mbe asho ikyu hwe mu ton kya? ⁴ Etena uta mbe kpe ji wa ma,ikyuhwe mu enambu,etena umbe kpe ji ma,asho mu hwere abgu mbu!ambi na vo ke uko uchu ino mba ekon? u sko eden ke wa imba eyená, u sko kye ukenchan.'' ⁵ Azwié hananiya fka aken mu mba azi kpu iki re azwi kan afu,afuken bwu eba fkan ken mu ma. ⁶ Ebefken ugye bu mbe atukpo fken mba etken mba ka ngi. ⁷ Eten bo ugyen chika ine, ungo sibo nken agyi'a ambi na vo ma. ⁸ Bitrus sha nyo shen, ni mbe ikyuhwe mu kpeji ifi?anyo,anyo ihwu asho mbu. ⁹ Bitrus nyo she safaratu ambina vo ke umbe unu fun re udju mbu ni mbo nvun na keke mba ekon?de afkan mbe eyen ba mbe udju ka ngi mba te inikigyi,ebo tke mbu ra so.'' ¹⁰ Azi kpu kya iki re azwi kan afu, azwié ebe fken ten bibwu ma edeá afure etken kya mba ka zi emba ngi nya re udju mbo. ¹¹ Afuken bwu ebara ba ukenchan ma re eba fkan aken muma. ¹² Ambi kya nigi vo jue eba temuma abgu mbe eyen ichun.katambe efun azwi tke ugyon mbe solomo. ¹³ Eyen ugyen hwe kare eke na ara so nkembeá,eyen uhwe tku ho ine ke efo. ¹⁴ Ebaugyen so uzwen azwi imbidi mba bu dju ebidju re eburo ba fwun temba, ¹⁵ Embe eba fka eska ma so utofin ekpue dote azwi do re azwihwe deke e bitrus ma bura sore,nvun mbo acho eba fkan eska ma igyi. ¹⁶ Eyen uhwe tku ho ine zi efwu uten kagyi na nya re urishelima pku eba fkaá eska ma re eba ugyo zwizwi be te ma bo kata mbe edju ena fka zizi. ¹⁷ Uhwesi kagyi nyu etan,re eba tere do mba{sadusiyawa};e choto nfo. ¹⁸ Ebwu kpue eba ichun ten ka chu. ¹⁹ Azwie azwi no ma e malaika mbe ukenchan fkoto enikigyi mbe azwi chu enye a ke e buzi, ²⁰ So nika sehwe ikpi mbe emo ninshe eyen uhwe akenmbe ugyo na chuchu. ²¹ Azwié efka ino ma azwi kye zi eka so idi fun etki mbe emo ehwa ambi.Uhwesi kagyi bo re eba ra hwe ma atanfun eba kagy isra'ila atkue eka so azwi chu eyen eka kpu eba ichun mu bo. ²² Azwie eba kagyi ten so ma, edjue mba azwi chu eyen'a,enga uchi bo ebi sha, ²³ Idju nikigi mbe azwi chu eyen mu chuchu hwe eba ra dgen zwi mu ma tse temu,azwi ifkoto mba, idju iya eyen ugyen nken ikpi mua.'' ²⁴ Azwié eyen kagyi aten re uhwesi kagyi fkan aken muma,etkimbe sheto era ko ambi na era vo ma. ²⁵ Eyen ugyen bo abi shé''eyen ba ni kpu chuma etse te ikpi mbe ukenchan era hwa enyenuhwe ambi.'' ²⁶ Eyen kagyi aten re eba kagyi ba ugyen so eka kpue bo kya ere gyuá akeá ken era kyena eyen uhwe ba fun tema ra taé nchen. ²⁷ Azwié ekpue bo ma,ekpue ka so azwi na eba aten kagyi fwun te mu ma.Uhwesi kagyi kaé aken, ²⁸ I vedne enyen tku na niti nyona aken re eben hweá,ni kye etki ni mbe ebme ambi hwa o mbe urishelima nira chona nira mbe ekyen mbe enye etki mbi. ²⁹ Bitrus re eba ichun she,ira fka akembe ukenchan voa ambe eyen- uhweá. ³⁰ Attambi ukencha tan nyumbe yesu na abine ni bwu mba hwan ikan ka afu ma. ³¹ Ukenchan mba ka tko akpo ka ahwe imba uhwe re eynea fkazizi,ke ambe na chitito mbe ambi zwizwi ke isra'ila re na to ke mbe ambi izwi. ³² Ide ambi ten,ukenchan mbe nvun na keke ra ke ebara fkan aken mbo ma.'' ³³ Azwie ebakagyi ten fka ino ma,evozwi ikyube echona era bwan akpue eba ichun mu. ³⁴ E farisiyawa ugyen ebenmbo e Gamaliel eyen hwa ambi etkie udon,eyen uhwe tkoho ine ra ka efo anyun etan anyon eta kpu ebaten ka tesi igyi mbe ufon ba ugyen. ³⁵ Ashe bakagyi ten, ''abine isra'ila ni kpe ugyo re ambina ni chona nira vore ebaten. ³⁶ Eten ba fu vo zi ma,tudas fwu nyu etan ambe etki egyo na ahwe eyen ugyen,eynen uhwe bu uhwu ifan bwe a re, ebwamba abgu enyen mbo benye. ³⁷ Enyu fu mbo yahuda nken galili nyu kya etan etena era kpen ihwu enyen idi idi ma angah kpu eyen ba ugyen bwe á re ibu seh aji abin ebara bwe a re benye. ³⁸ Ni to ebaten re, deke aten mbe ten mba te ambe igyi,ara ji abin. ³⁹ Deke amba hwe ambe ukenchan, ni vora kan na ambi ugyen etkimboá,nibi ra gyi ken ni nara kpu eka re ukenchan ma.''akpekpu ufi tere igyi. ⁴⁰ Etan kpu eba ichun bo ebe nsama ,e she nyo etkya hwa ambi re ebembe yesu re ufia eke eka so. ⁴¹ Enyu azwi kan era ten ikyube etki na abe edju efo na kye igibi nke ebembe yesu ma. ⁴² Ukin re ukin ine era so azwi fwu etki era ka ubo idi era nyo hwan ambi era nyo yesu hwe asi krisiti