¹ Ena Bitrus de Yohana e'we nyon aken de bingyen ni, Ba'te'eswen de ikyi-ishido emo de ba ku-udon bo abyi we. ² Ka we iyyi ke ikina Bitrus de Yohana ehwe hwen bingye iyi ke na nyitse imbe Yesu ke ubmyen. ³ E' bu me hwe tatsu so de isken, ke na udgo avoni. ⁴ bingye hwose be efken ekpanken na kigankya, ihu bingye be kigankya e'dubu itken. ⁵ Abyi kyemo, Ba'ehwe, bi'ihwu, de ba Ba u-ndon fun-udi ke urishelima. ⁶ Annas ikyi-Ba te'swen hwe'emo, de ca'aphas, de Yohana de Alexander de ba eka-eswi de ikyi-Bate'swen. ⁷ Ena embe Bitrus de Yohana hwe efu-we amma ka'we aken E'ke ekye de emben abe mini hwe vo iyi batu-u? ⁸ Aneni, Bitrus bmyen de ivunvu, a che we nyon E'mini Ba-ehwe de Bi'ihwu. ⁹ Akina, e'hwe fken ehwen nu-nu ke iyi ni'isi na evo ke igye u'mma ni de ufen na igye ni a'du a'avun. ¹⁰ Aneni, mini de ba Isra'ila kyae eyiya nyon, igye na abunte ke eswen mini a'avun ni, e'ke emben Yesu Kirisiti na Nazareth, na mini embele bekan aswi-uti, na Ato-ukentse a'mbe nyitse ke efu. ¹¹ Yesu Kirisiti hwe akyen na ba-myen shin'ndo e'semoni, ngare hwe akyen na yuse ito-ishinindo. ¹² Abyi niyen lete na igye ala du na vontsu wa, embe niyen lete ke etsen naa embe ki na igye ala du na vontsu wa. ¹³ Aneni, ena' e'de itsu kiben na Bitrus de Yohana e'hwe de'a ni, eyiya nyon de ebingye ba-kpen afka mma za'we iye, amma yiya nyon Bitrus de Yohana hwe-fken de Yesu. ¹⁴ Ena e'de igye na a'du na nyishwi kew u'mma-mo de'ehwe bunte ni ela yiya aken na ela nyon wa. ^{18 15} Ena etkan-me ba'atken butsu ke efu-we ni, amma hwe tku-aken de-iskun we. ¹⁶ E'nyon, ila va'ane de igye-atu, ni? ena abegankya nyon iyi na zayi vo ke abyi we, bingye yiya kyame ke Urishelima, ide'la tken-wa. ¹⁷ Akina ichonyon ake n'ni akale so-eswen ke abyi bingye wa, ifge hwe atku, ekale nyon aken, de ekale che bingye aken ke emben nni wa. Aneni, enyon we i'ndo, a to-we udon ekale nyon aken, de na hwen-iyi ke embe Yesu wa. ¹⁹ Aneni, Bitrus de Yohana pyi'ido, a che we nyon, sidkan na ifken mini de na ila fken ukentse, mini e'de. ²⁰ Ilale diya na to'ose na nyon aken ke iyi na ide de iffken wa. ²¹ Ena e'ngare t'o Bitrus de Yohana afiken ni, ema to-we se ke eso hwe. Iki'inyon, ele du byi na ela-mbe agbu ba'a ke el fge-we atkun wa. Iki'inyon, bingye hwose we cho-embe ukentse ke ina avo-ni. ²² Igye na adu na nyishun ni, a'vontzu unen igi'ifan. ²³ Ena eto' we'ese ni, Bitrus de Yohana so abyi bi'idiwe, a che we iyi na ba'te eswen de bi'ihwu a che we na ane. ²⁴ Ena efken ni, etken'nde uvun ke itan dunyen so abyi ukentsen nyo, Ato o'u mo abyi etsen de abyi'ise de uzi de iyi be'ete kyame. ²⁵ Unyon-aken de ivunvon ke ni'iswen upyiu, Ato'i Dauda, inyon ke ba're yiya aken ukentsen wa, ngo-ango, de bngye hwe tku aken'na le siwa? ²⁶ Mini nyon, ahwe be'uten ni fu-udi de be'ehwo fu-udi ke ikyi Ato-ukentse de Kirisiti. ²⁷ Aneni, Irudus de Pontius Pilate de ba're yiyaa ukentsen wa de ba isra fun-udi ke efuka ke ikyi upyi'u Yesu na kyekye'e. Na uvume. ²⁸ E'fun-ude ke evo iyi na abgu'u akyam te nyon la be vo ke'eswen. ²⁹ Dadini, Ato-ukentsen, de tku-tku we ke uke upyi'u uvon na ala nyon aken de kiben na kyekye'e. ³⁰ Tken abgu ke'etsen, uki ba tko umma ena-nyi'ishun, ke uvo iyi na-zayi ke emben upyi'u Yesu na kyekye. ³¹ Ena evo adu'a na abyi na efun-ud ke'emo na mma hwe sun-sun, ehwe kyame bmyen de ivunvun na kyekye, emma hwe fke-aken-ukentse de kiben na kye-kye. ³² Bengye hwose ba eki-gankya, de kiben-we dunyen. igye le hwe na nyon iyi na m'hwede'a imma wa, aneni iyi na ehwe-de'a imbe re kyame. ³³ De ekye, ba'atku hwe fke-aken iyi na avode nyitsen Ato Yesu ke'efu, de ekye ni ihwu te ke ikyi kyame. ³⁴ Igye dunyen ke efu-we le don-ngi-iyi wa, be ehwe de iki de idi mbe kpen, a mbe asho bo. ³⁵ Ambe te ke'eswen ba'atkun, ekoto ke bingye ke kayi ne ehwe de'a. ³⁶ Yusufu, na ba'atkun eli nyon-nyon Barnabas (na tsu-nyon imba na dgu-aken ahwe levite ke cyprus), ³⁷ Ambe ikimo kpen, ambe asho bo eswen ba'atku.