¹ azwi ito rema,eka ugha so uten kos, azwi ke ma iso uten Rodusa nken na so uten Batara. ² Azwi adzu ugha na ra so Fonisiya ma eka. ³ Azwi ede Kuburu etore afgu-swe eka so Suriya,eka sizi uten Taya azwi hwen ugha Sirazi etken mba. ⁴ Edzu bachen mbo ere hwe mbe ukin tifan.Nvun sisi she Bulus ati so Urushelima. ⁵ Azwi ihwu ukin mbi mbo-ma, e yun i ka so-ambi,abe re ndgo mbe re biski mbe edguto'e buzi nken uten mu.Azwi-kan a bwensi iki afgu ukechan. ⁶ Eka kya ugha nuben,abe ka so-kya idi. ⁷ A ze ezwe ikyun Taya ma ika sizi Talamayas.I be fkanre be-fgini,ehwe mbe ukin ugyen rede. ⁸ Ze azwi ke'ma eka so Kaisariya,eka idi mbe Filibu eyen vo-aten bishara,ugyen nken mbe etifan,e ra hwe. ⁹ Eyenhwe imba-edo inni,ba ta gyi ba-edon era vo-annabci. ¹⁰ Azwi kan ehwe-mu mbe ehwu-ukin bo-gyen annabi zi Yahudiya eben-mbo Agabus. ¹¹ A bo azwi mbi a'mbe ekpo teh-keto ushi mbe Bulus ambu teh a fkan re afgu mbo a'yon,nvun sisi nyon,ino ambi ba yahudawa ra vo re tan-hwan etken hwen e'mba ke. ¹² A zi fkan aken hwen ino ma ifgu Bulus ka ti so Urushelima. ¹³ A Bulus kpe-ndo a'yon ambi ne itku-ma ekon ne ya kpi'e ke ekube mi agye-to? To,va na teh mba ma re na efu Urushelima etki mbe attah Yesu. ¹⁴ Bulus kpe-ndo echoto e'ndo kpi'e e'yon echon mbe Ukechan a vo. ¹⁵ Nken ehwu ukin ten,e-kpuzi uhwo ambi i ka so Urushelima. ¹⁶ Bachen nken Kaisariya bwe-ire, re-eyen ugyen eben mbo Manason,eyen uhwe Kuburus,ba Ukechan ba ka-eswn yenna ara hwe ma. ¹⁷ Ze ibore Urushelima, be ufgnin kpe-kpi re utsu nten. ¹⁸ Azwi ke nma Bulus ka ri so azwimbe Yakubu,katta mbe bachen e teh-eki. ¹⁹ A zi ebeto i'ndo ma a she mbe Ukechan vore eyen-hwe mbo afgu mbo. ²⁰ Azi efkan i'no ma e vun Ukechan e'yon de be afgnini, eyen-uhwe kagyi ne Yahudawa ba so-uzwen. ²¹ E'yon na abu ura hwan Yahudawa ba teh nken eyen-hwe,ti kpe-ndo re Musa.Ura she ti vo imba mbe kaciya, a ti ba ambi-ukpi'a. ²² Ambi era voma ekon? ino mbi era gyi ku ubo hwe. ²³ Nken mbe ino vo-ambi na era she-uma ndini-hwen.Itere imba-idun inni ba ke'eke. ²⁴ Kpe re-tso uka sa'ke mbe egyu rede. Voke ambi na era don re-etki mbe.Nken ino eyen-uhwe ra agyi ambi ra yon etkimue'den.A re egyi abu-hwe e;yen dgan udon. ²⁶ A Bulus kpe imba-edun ten,azwe kezi-mbo a sa'ke mbe egyo rede,a ka ikpi mbe Ukechan.Kei she ukin mu na sa'keke, ukin ke sadaka etki mbe aban-ban. ²⁷ Ze ukin itifan ten vo'ma,Yahudawa ba-gyen zi Asiya bo deBulus ikpi mbe Ukechan, a fento'e eyen-ten a vozwi. ²⁸ Ba-ten ra be'evun, ba Isra'ila ne-vogyire. A hwen eyen na ra hwan eyen-hwe ambi katta ano-no ambi fen-udi, udon re a ten.Ebure ban-fen,a kpu Helenawa ka-bo ikpi mbe Ukechan e bo vozwi azwe ke-ke. ²⁹ A be efun de Tarofimas eyen Afisa re Bulus nken uten .E ra tku ko a'mba ka nken ikpi mbe Ukechan. ³⁰ Nken uten mu shin-shen,eyen-hwe yun ka bum mbe Bulus.A vwe mba nken ikpi mbe Ukechan, re azwe-kan achiken-to kene-gyi. ³¹ Era tkan ke bwan mba,a she-mu ka bwu azwe mbe soja n'yon na e'yen-hwe Urushelima shin-ri-shen. ³² Ra azwe-kan soja re centurions kabo azwe-mu. ³³ A etki mbe soja ke bum mbe Bulus e de-mba e re ujii-asho ifan.E ka ibua mu-hwen e dan mbo ekon. ³⁴ Nken eyen-egye,ba ugyen ra n'yon ine,bo ugyen ra n'yon na hwen.Azwe uhwe soja fkan-gyi ambi na ra n'yon ma,etke nchen-mbe, e ke mbe Bulus ka nken azwe mbe soja. ³⁵ Azwe soja mbere Bulus ka si etke nchen mbe. ³⁶ Eyen-egye ra bwere re-evun nchan mbe ka so. ³⁷ Azwe e yan ra azwe ma Bulus yon na ura kpi-ndo nru n'yon mbe aken? etke soja n'yon na,n'yon Helenanci? ³⁸ Abu uvo'a Bamasaren na ukpi ufike e'yen hwe ra ke-etke,eyen hwe uhwu ujii ugyen ba ke-etke buzi so nken abin? ³⁹ Bulus n'yon,ame nhwe Ba'ibrane ame zi uten Tarsus e kilikiya.A'me hwe e'yen kasar uten ka-gye,na-fgu ken nde e'yen-ten n'yon aken. ⁴⁰ E etki mbe soja kpi-ndo,Bulus yun atan akpu afgu atan,a takei a'hwe, A re n'yon eden Ibraniyanci. A n'yon,