¹ Azwi aken igyu zwe re ma, Bulus tkun etan mbe ba hwan agbu aten a kekya kafigyi. Bulus be-efkan aka so makidoniya. ² Azwi ka uten ba ugyen ma Bulus kekya eke nke aken mbe ukechan aka so Halenawa. ³ Azwi a hwe bu uswan ita ma,Yahudawa fu'unu sugyo etki mbo azwi ara chona ayen ka so Suriya,Bulus bi nghan kya ka so na Makidoniya. ⁴ Eba dgu Bulus ka so uche mbe Asiya ma Sobatarus mba mbe Bulus a Biriya hwenmu;Gayus eyen Derbe;Timoti re Aristakus re Sakundus, kata mbe ebara ba Ukechan e Tasalonika;re Tikikus re Trafimus e Asiya. ⁵ Nyen ba-ugyen ka iswen mbi kaso eka hwe ba ire Tarawasa. ⁶ Eyun fun agma na hwere yisti'a ika ungha efilibi ukin itkun ba vonzima ade a Taruwasa.Azwi kan ivo ukin itifan azwikan. ⁷ Ukin ugha mbe atko,ifun ira jii agma.Bulus re nyon aken mbe Ukechan ke ara chon na ara nyun azwike zwi-mbo a re nyon aken ka bu uko-uchu. ⁸ Eba kpu uffi te ma kpu te ikpi na efun tema. ⁹ Be-fken ugyen eben mbo Aftikos mbe ichi hwe u'wa cika mbe ikpimu.edoo-mbe ka so dzu ine azwi Bulus mbe kya ufon ara nyon aken nyon aken ma,Befken mu zi ikpi akpo sibi ta afu. ¹⁰ Bulus ndo-udo etkimo akpohu mba ashe niti dgena utsu ata fu'a ahwere ugyon. ¹¹ Bulus ka tkokya ikpi akpo mu ambe agma ajii.Achokya aken nyon rede azwi itan hwu tan ma ato-ere. ¹² Embe imba befken mu nghan chi-bo ara to ugyon eten ekube ¹³ Abi ba ika swen mbe Bulus so ughama ika so asos,ichona ikime Bulus re-ira so,Bulus chon tkanna a kyun re-ikyo. ¹⁴ Azwi edzu egye Asos ma,etken mba ugha ka so Militus. ¹⁵ Azwi nyun ana ma,azwike ma ika so tsibrin kiyos.Azwi na ka kekya ma ikaso militus. ¹⁶ Bulus ka vonzire ugha ka so Afisa, achona ara mbe ufon Asiya atkan ke hwe ukin Fentekos adzu Urishelima. ¹⁷ Azwi Militus ke ekata kpu eyen abakagyi ikpi mbe Ukechan Afisa. ¹⁸ Azwi bibu azwimoma, ashe nyonna nigyi eten na mbo Afisa,re azwihwe na iteregyi. ¹⁹ Na ba Ukechan re tkidudo iki ne negyi re ekana mvo tki mbe ambi sugyo na Yahudawa ko etkimima. ²⁰ Nigyi eta mbe mu ugyen ton dere nna she nne ambina sisi nna hwan nne igigi re idi idi. ²¹ Nshe Yahudawa re Halenawa eto ambi zwizwi neso uzwen ze yesu ²² Ndine hwen nka so Urishelima nvun na keke chum itan-gha nso ngyima ambi na ravo rede ana. ²³ Nvun na keke chum uji asho te-eyen re ekan-vuvo hwe raba-uru. ²⁴ Mbe tke eyen hwe ambi ugyen azwi mi'a.Deke vo-azwe aten mbe ukechanmi na Yesu mbe ke nma. ²⁵ Ndine hwen abine eba nshene aken mbe idi mbe Ukechanma nikya de nma re-uffi. ²⁶ A hwe ino ma nna shene en te hwen eken mbe ugyen wa etkimi'a. ²⁷ Ken nkenma afiken nshene utsu kuko mbe ukechan azwimine. ²⁸ A hwe ino ma nitebu mbe etki-egyenne re ba ra ba Ukechan na nvun keke kpu'ene te bakagyi,ni kpe-ugyo,nitebu eba ra ban ukechanma,ba a kpen-kpu re eken-mbo. ³⁰ Ngyi nmaka sore ekonkon bura ka'abo nkenmine era tonera. ³¹ Niti do na edo'a,ni ko bunm nken egyi itta hwe nra she nde aken ino-eyen enigyimi,uchu re ukin. ³² Ndine hwen nkpu-ene ra ke Ukechan re aken na-sisi mbo na hwe akena na ara vo -ragyi nere ara ke nde etki'e efen kata mine re ba Ukechan kpu te ma ³³ mbe ma ifkan soma azwi azurfa re zinari re itke se egyi mbe eyen ugyen nne. ³⁴ Abine re egyene ni gyi ke nvo aten re abgu mi,nvo ambi ke etkegyi re ba re te ma. ³⁵ Nira hwan ambi azwi mi ufu ten katta eta nivogyi ba vo'akama azwe aten rena niko'bu aken mbi-idim,mbe yesu,akenna ibure etki-egyo nyon."Asi- tken na uke re na ukpe-mbe." ³⁶ Azwi a'nyon-zwe aken muma akpu ekejun se iki a fo-ufo rede katta mbe. ³⁷ Abe mu katta ekpi-ido,ekpohwu mba emoa-kizi'a. ³⁸ Ezwi ekube etki mbe ambi na ashe ma ekya da mba ufi'a, katta mbe edgu mba ka to ugha nuben