1 Ndine wen, befginin bra, eni fo ire ufo, ke aken mbe Bami-idi a kyun re nmuin-ine a dzu efo, azwi a vo azwi mene ma. 2 Eni fo ke ekuzi abgumbe eba sigyo ba ambi zwizwi, kyen voa kata hwe reuzwen'a. 3 E bami-idi hwe enyen uzwen, na ara ake 'ene sen-ahwe ara dgen ene ke eni kanna abgu mbe enyen sigyo. 4 Ihwe re ikube nken mbe Bami-idi etki mene, nyon ke eni vo enifkan atkun mbe ena vovo mbe ambi ba ishe'ene ma. 5 Bami-idi ake utsu mene a so azwi echon mbe Ukachan re ikube nswen mbe Krisiti. 6 Ndinewen baidi mi bra, ira ke ene uvun, nken eben mbe Bami-idi mi Yesu Krisiti,nyona eni ti kpenna esi mbe ufgini na ra voa aten ugyen re na hwa nken mbe ambi ba ihwan ene ma. 7 Aene se eni gyi nyon asi na eni ra bin abi. ihwe iya nken mene ze'ana eba hwa re aten'a. 8 I ji iya ambi iji mbe enyen ugyen na ikpa iya. Hwe ino, I vo aten kpu-ukin-kye azwi nken mbe atenna hwere ekan re ekan ivo, ke iti hwe iya etken utsu mbe enyen ugyen nken mene. 9 I vo ino voa etki ena ihwe iya re ekie'a. I vo ibure wen ino etki ena ichon nyona ira hwe eba eni ra bin'i. 10 Azwi ifu rene hwe ma ifu ke'ene uvun," Ke enyen na ma chon'a aten'a ati jiambi ijia." 11 Kyen Ira fkan nyona eba gyen ra kyun nken mene era voa aten ugyen. Era voa aten'a ekin te eba ba iji ba. 12 Ndine wen ira keene uvun re na ikya ra kya ene nken mbe Bami-idi Yesu Krisiti, nyon uswi eba imiten evo aten re abgu mbe ke eji ambi iji etkiegye. 13 Abene, baidimi bra, eni ti ninna re ambi isi na vuvoa. 14 Ke enyen nama se a ba ambi na inyon hwe azwi ufka iba ke'ene wen, eni de zwen mba ke ambi ugyen ati tke-ene re doa, ke abun igyubi. 15 Eni ti mba hwenna enyen izea, eni to udon ze ufgini. 16 Bami=idi mbe gyenshun re etki-egyo ke ene egyengyen mbe ufon kata nkembe azwi kata. Ke bami-idi are ene hwe udidi kata mene. 17 Awen ino ibe mi, Bulus, nba re abgu etkiegyin, nahwe ekken nken ufka mi. Azwi nna ba ino. 8 Enasisi mbe Bami-idi mi Yesu Krisiti re ene hwe kata mene.