2 Eni zwin nna ikube a'u ehwa-wuwa, a'u envun, azwi ichun, au ibuba na zi azwi mi naratsun nyona ukin mbe Bami-idi bo to re. 3 Eni ti ke enyen ugyen agha ene re kyen ukin mu ra bo fkanzi ukin na kpukpu ma bo re, re ena ma tsun re imba na ra dgen udon'a wen, imba ji ambin wen. 4 Awen enyen na nyon ra sha Ukachan, ambe etki-egyo hwe attan tkan ambi na hwe ena mbe Ukachan kata au na era ken etki ra kamu. Etki ino a mbeichi hwe nken ikpi mbe Ukachan ara tsun etki-egyo ze'na Ukachan ma. 5 Eni ko bunna nyonufonnfu hwere denne ma nfu nyon aken etki ambi ten'a? 6 Ndine wen enigyi ambi na tebun mba hwe ma, ke era mba tsun azwi ufon kpua mbo fum. 7 abgu aten mbe eba ra dgen udon'a ma gyure aten vuvo, Ambi vo ma enyen ugyen mba ra toa iswen ka bu ufon na etsu mba ta azi. 8 Iningi imba dgen'a udon'a wen biuzi abo, ena Bami-idi Yesu bwan amba re ugyo unuswen mbo. E mba ra nghan ambi ji abin ukin na era tsun ena bubo mbo ma. 9 Enabubo mbe imba dgen'a-udon'a wen abgu aten mbe shetan ara bo re ekie, ekken, re ambi ucho-api ba voa uzwen, 0 re ambi gha-egha ba voa ambi ba kikye'a.Ambi ten ra hwe ena mbe eba ra ji abinma, etki ena ekpe'a echon uzwen na ke era fka'azi'a. 11 Etki ambi na ibure wen Ukachan tkun mbe aten edan ra ke keeso uzwen mbe eden. 12 Ambi na era dzu muma nyon kata mbe ara kpen ere ehwan, eba kpe-ino mbe uzwen'a e mbe eska mbe igyi nken ambi sigyo. 13 Ira hun-abgu rake Ukachan etki mene, Ba idi imi ba e Bami-idi ra chon. Ukachan hwo-kpu'ene ke eni te nken mbe eba kaiswen mbe ena fkazizi nke ena sakikye mbe Nvun re ino kpukpe nken uzwen. 14 Awen ambi na atan kpue'ne azwi ashe isi imbe bu she'ene ma ke eni dzu efo mbe Bami-idi mi Yesu Krisiti, 15 Eni sente re ekiefigi befgini mi bura. Eni te bun mbe ambi na ehwan ene ma, au azwi aken, au azwi ambi iba mi. 16 Ndine wen Bami-idi mi Yesu Krisiti re etki-egyo, re Attah mi Ukachan na ra chon'i a ki etki natsutsu, re ikube dow iki re ikube tite naisi mbe ukin-ikpi azwi ena sisi, 17 Mbe ikube mene dow iki nken mbe aten isi re aken isi kata.