1Bulus,Silvanus, reTimotawus,so azwi Ikilisiya na Tassalonika nken mbe Attah mi Uckachan re Bami-idi mi Yesu Krisiti. 2 Ambi isi are ne hweudidi regyenshun azwiAttah mi Ukachan re Bami-idi Yesu Krisiti. 3 Iki hwe a hun abgu ake Ukachan etki mene, befgini bra. Kyen asi, etki enauzwenmene ra tketke ikiswen, eni ra chon udi mene. 4 Abi re etki-egyi ira nyon aken etki mene re kiefigi ra ke Ikilisiya ba chuto.Ira nyon ambi tke reikube zwenzwen re uzwen mene ufon mbe ena voshishi. Ira nyon aken mbe eni sente re kiefigi nken mbe ekan na eni ra vo ma. 5 Awen ekken mbe abgu ehwan isi mbe Ukachan. Ifi na ra bo nyona ebene era kpeakpu ene nkenmbe eba ra ka idi mbe Ukachan na eni vo ekan etki mbo ma. 6 Ambi isi ke Ukachan ma mbe ekan sibo etki mbe eba ke ene ekan ma, 7 ka a fkazi ene abene eba eni ri vo ekan wen. Ara vo ino azwi ena ibo mbe Bami-idi Yesu azi akpo re malaika mbobra re ekie. 8 Re iban uffi ara kpa eke eba gyia Ukachan'a re eba sembe na era kpe aken mbe Bami-idi Yesu. 9 Era vo ekan mbe ena jiji na tsutsu bankya ikiswen mbe Bami-idi re efombe ekie mbo. 10 Ara vo ino azwi ara bo ukin ise, ara dzu efo re abgu enyen mbo bra ba so uzwen ma ra kpu etkan mu. Etki eni so uzwen mbe aken mi ishe'ene ma. 11 Etki ambi wen ira foufo etki mene reukin ukin ine. Ira fo nyon Ukachan mi a de eni fki mbo re ino tan mene. Ira fo nyon avo ke'ene ambi isi naeni ra chon re aten mbe uzwen nken ekie. 12 Ifo ambi ten ke nken eben mbe Bami-idi mi Yesu Krisiti a dzu efo etki mene. Ifo nyon abene ben ake eni dzu efo, etki ena isi mbe Attah mi re Bami-idi mi Yesu Krisiti.