¹ Iyi'a nyon ake shindo imbi ne uteni ne ekya-kya avojire kata,ihwe de idi ke abyi Ukechen. E'shindo ne ede de myi de agbu imbe mingye wa, hin e'shindo ne a'de la vobjire wa ke uten uhwe. ² Ke efu shindo na ete kiben nyon ela bwe'i atukpo ne idi-uhwe ke ela we Emo. ³ E'chon iyina ke ikyi ne,imbe bwe kata,ede la hwe de ebyun wa ni, ⁴ Ke ne itn ne ehwe etu utsukpo na e'nyon ihwe ji'ekan. e'de chon nyo efkun mo'i atukpo wa.Hin ihwe chon nyon eki tsuni atukpo, ke,iyi ne ala vo-byi ala mbe meke ungun. ⁵ Ingye na a'kii hwe vo iyi be tu'u ni Ukenchen,ne akii ivunvun n yi'a iyi na a'la bo na. ⁶ Ane'ni mini e'hwe de kiben na kye-kye e'hwe yi'a nyon, itan ne ihwe uten ke ikpe'i ni, ihwe zhan de Ato. ⁷ Ihwe vo atsovo ni eke gankya,de eke ikpe'e wa. ⁸ Ni ikye kiben ibuzu ke ikpeyi ke engore bo hwe de Ato. ⁹ Ke ne'e abi iyi ne, imbe kiben te emo, ena'a ihwe idi na de'a ide hwe idi wa,ivo yi na ala ska'a. ¹⁰ Ila bunte ke efyen abyi na fkan ehwen imbe krisiti, ke mingye e'la pye agbu atsuvo we ke ikpe'i ni-isi de ni-ibyi. ¹¹ Aneni ekyen imbe Ato ihwe ige mingye, iyi ne ihwe vo ni e te ubo ke abyi Ukenchen wa. M'hwe tku nyon, iyi ni a'avun ke kiben imbo'o. ¹² I'de hwe kya'a, hwe de iyina ke atsun nyon e'gankya wa.Hin, ihwe ke mini ikyide aken ne mini e'la chon aken imbii, ke ula du itan ke iki be ehwe tken ikpeyi hwe kyun, hin a'de te kiben we wa na. ¹³ Hin ake ide hwe e'kiben imbii wa kata, e'ke ikyi imbe Ukenchen. Ake ihwe ke kiben imbii kata,na imbii. ¹⁴ Hin echon imbe krisiti kii hwe vo iyi ne ihwe ni ke ne ikyame iyi-nini. Nyon ingye dungye fule ke ikyi mingye kyame,ane-ni,mingye kyame fule. ¹⁵ A' fule ke ikyi mingye kyame de be ehwe de ungun na eka hwe ke iskun'we wa,hin,ehwe ke ikyi ingye ne a fule ke ikyi imbii a'kya'a nyitsen na ¹⁶ Ke, ane-ni,yuse dadini so efyen i de yi ingye dunye iya ke ikpe'i wa e'gankya iyi'a krisiti ke ikpei. Hin dadini i de yi'a uffiwa. ¹⁷ Aneni, a'ke ingye a hwe krisiti kata a' hwe ingye ni-ifi. iyi be ikpi na vonzu de e'ngha mingye bi if. ¹⁸ Iyi etu'u kyame zu abyi, ukenchen A'mbe'i nghare bo abyimo ke Krisiti ne a'ki aatsuvo imbe na mbe mingye nghare de udo. ¹⁹ Ke Krisiti, Ukenchen mbe uten nghare bo abyimo.A'de kpen a'li ne ibyi we wa. A'hwe kii aken na nyon-nyo n mbe mingyenghare bo abyi Ato. ²⁰ E'mbe bunhwe ikyi Krisiti inyon Ukenchen hwe gbu-igbu ke ikyi imbii. Ihwe gbu mini, ke ikyi Krisiti."Nghare bo abyi Ukenchen" A'ke ingye ne a de yi'a iyi ni ibyi wa nghan iyi ni ibyi ke ikyi imbii,ke ihwe mingye be vo gankya ke abyi Ukenchen ke abyimo.