1 Ane'ni ihwe de atuvo ni, i'nyon, ipyeme shishi na ane, ide hwe de kayi wa. 2 Ni Emo se mo iyi na ate ubo de imbe asiki e'tuwa i de kyun ke i a-wa,e'ngla de bume aken ukenchen ke ihwan wa.Na nyon gaikya,e'mbe isku nwe so kiben mingye ke e'swen Ukenchen 3 Hin,ake'e aken ukechen imbii a'be iyi na du ugyi ata, a'be iyi na de u'vgi ke abyi be e'hwe furefufu. 4 Ke ikyi imbewe,Ukenchen ne utn'ni chiken ewe kiben na yia aken.Ke na aneni e'de di'a na de a'avun imbe krisiti wa,ne a'hwe ke hwe-hwe imbe Ukenchen na 5 I de nyon aken iskun i wa, shin, Krisiti Yesu nyon Ato de i'i inyon e'be atsuvo imbe mini ke ikyi Yesu. 6 Wani Ukenchen hwe ingye na a'nyon, "A'avun la tsun ke efu abyi na no'ukpo Atsun ke kiben imbii,naki a'avu imbe aken na yi'a imbe na-isi imbe ukenchen ke efyen imbe Yesu Krisiti. 7 Hin I'hwe de iyi ni isi ni ke eko imbe ikyi, kea'la hwe tsun nyon,akwaki e'hwo te e'ke abyi Ukenchen de e'ke abyi wa. 8 E'mbe ka'so ke uvon kyame hin ika te'en kiben tkan e'tsen wa.I'hwe de afikyen hin i'de m. 9 Iji-ekan hin e'de moji dii wa, e'be-mi to hin i'de jise wa; 10 Ili hwe mbere ke ikpe'yi imbii kon de itan etu imbe Yesu,ke ungun imbe Yesu a'la tsun ke ikpe'i imbii. 11 Ke ii be ihwe de ungun ni, eli mbe'i ki ke efu,ke ikyi imbe Yesuke ungun imbe Yesu na a'la tsun ke ikpe'i imbii. 12 Aneni efu hwe vo atsuvo ke ikpe'i imbii, hin ungun hwe de atsuvo ke ungun imbo'au. 13 Hin i'hwe de utson ivun vun imbe gaikya,ke ene eba na anen,"m'ki gaikya ane ni mnyo" e'hin,iki gaikya,ane e'hin e'nyon aken, 14 Ke ne iyi'a nyon, inyene a'be shime Ato Yesu na l be shime'i de Yesu ambe'i de Yesu so efyen mo. 15 Ene iyi-kyame e a'te ke ikyi imba'au,ke ne na-isi na a'hwe du mingye ba ki ikpu la hwose ke echon imbe Ukenchen. 16 Ane-ni e'de mbe kiben ngan nufun wa, te enyon ke iyi kata i'hwe jise, shi ke ken kata i;hw sisi uken de uken. 17 Ke itan na ni-ni ekan imbe a'avu mbe'i hwe so ezo na isi imbe Ato ne a;vonzu iyi kyame na . 18 Ke e'de hwe de iyi ne eli de na wa, hin, ke iyi be ede li de wa na.Iyi be ila de iyi ne vonzu, hin iyi be e'de lide wa de li tsu wa.u