¹ Aneni,mtku ke'ungun nyon, mkale bo abyi mini ke efu ki ben na pyipyi de ka'ayi ufi wa. ² Akena mke mini e'kiben na pyipyi, abe la kin kiben na nyishun'u, akina ala be igye na mke kiben na pyipyi na wa? ³ Mba'a we ke mini tete'enyon mba'a ikyi i nyon akena mbo abyi mini mkale du mini de kiben na pyipyi ke abyi be eki kin kiben na nyishun. Mhwe de kiben na kye-kye ke abyi mini nyon kiben na tenten na mhwe ni,emini hin ehwe de'a kyame. ⁴ Ikyi nyon, mba'a we ke mini ke efu eken de kiben na phyipyi, de wu'nto ke a zin hwose. m'de ihon mke mini e kiben na pyipyi ufiwa, hin m chon nyon mini eyiya echon na mhwe de'a ke ikyi mini. ⁵ Akena igye niyen abode kiben na pyipyi de eke abyim bikya wa, hin ekale ke mini e ka'ayi wa kyame. ⁶ No-uno imbe igye na ke abyi bingye hwose ate'ane. ⁷ Aneni, na tkan e'no-uno, mini eto ekpo de na kiben na nyishun.Mini evo ane, ke igye akale hwe de kiben na pyipyi hwose wa. ⁸ A neni,mbe cho mini ke m'yiya e chon mini ke abyimo. ⁹ Ikyi na mba'a afka ni ke na m'ma de mini, ke myiya nyon mini we ba iyi kyame. ¹⁰ Igye na mini eto ekpo ino ke'a amyi mto ekpo mo,Akena mto ekpo iyi niyen, mto ekpo na ke ikyi mini ke eswen krisiti. ¹¹ Anani ke shitan akale du uvon ke ikyi wa.Le te'enyon ile yiya iyi na awe vo na wa. ¹² Ato ukentsen fkuto Troas na fke aken krisiti ke na. ¹³ Mde du kiben na a'avun ke angun wa ke na mde du imba yon. Titus kena wa.Aneni, m'to we se a so ke Macedonia. ¹⁴ Hin m'kpu' ukentsen ke abyi krisiti na a hwe ya ile ni.Ke abyi mo, imbe ekpan aken na skeske ni so abyi kyame. ¹⁵ Ke abyi ukentsen, ihwe ubu na ki ewen nisi imbe krisiti,ke abyi be evontsu de be ehwe ji-ise. ¹⁶ Ke abyi be ehwe ji'ise na, ewen na abyi efu'u bo ke efu'u. ke abyi be evontse na ewen na abyi ungun bo ungun.Ebe-ba na la du iyi nu? ¹⁷ Ile hwe te'enyon e'bingye be embe ekpan aken akentsen we kpe ke edu iyi kewu mo.Hin,e'ke nvon nisi ihwe fke aken krisiti, te'enyon etkui ke abyi ukentsen ke eswen ukentsen.