¹ Bulusu igye atkun Yesu krisiti ke ufen mbe Ukentsen,de Timoti imbayoi,so abyi ba ba'ukentsen ke korit, de ke abyi bingye ukentsen ba kye-kye kyame be ehwe uten Achaia. ² Na a'avun ahwe de mini kyame de na nyishun ke abyi ukentsen Ato imbii de imbididi; Yesu krisiti. ³ Ukenten de Ato embe imbididi Yesu krisiti, e'cho embe mo. Ahwe Ato imbe shishi de ukentsen na ki kiben nanyishun. ⁴ Ukentsen kii kiben na nyishun ke ekan kyame, ke i'ike bingye be ehwe efu ekana e'kiben na nyishun, i'ike we kiben na nyishun tete'enyon Ukentsen aki a'ne. ⁵ Tete'nyon e'jiji ekan na krisiti aji ke ikyi ane, aneni kiben na nyishun imbi te eke abyi krisiti. ⁶ Hin,akena iyi avoi,e ke abyi kiben na nyishun de na fka tsu embe mini; ena i dzu kiben na nyishun,e ke kiben na nyishun embe.Kiben na nyishun embe mini hwe vo atsu hwo sisi ke kiben na kye-kye ke abyi ekan na i hin iji na'ane. ⁷ Kiben imbii na mbe te ke iki mini de la ngan nu-ufu-wa iyi ya nyon,tete'nyon mini ehwe vo koniyi di; ke efu-ekan na jiji ni, mini la vo koniyi dii ke efu kiben na nyishun. ⁸ Ile chon nyon,a ka le te'enyon ele che mini wa,imbayo,ke, ikyi ekan na iji ke Asia. Eki ekan vontsu ekye, iteme kiben nyitsen nyon ila we de ungun. ⁹ Aneni,i de'efu ke'azi, hin,tsu nyon ile we cho iskun wa hin, eke abyi ukentse ni. ¹⁰ A von mi ke abga efu na byita, aneni A li von mi.E ke abyi mo imbe kiben te'nyon ala vonmi. ¹¹ A la vo ane akena mini e we ya ile de ibgu na bgu na-bgu Aneni,bingye hwose la kpu-ikpu ke ikyi ke udi na hwa-hwa na idu ke abyi ibgu embe bingye hwose. ¹² I we fkin ikpe ke ikyi na kiben; we tsu nyon ihwe abyite ke-uten de sisi, de gankya,ivo ane de mini,de ke na yiya imbe ne uteni wa, hin e ke abyi sisi imbe Ato Ukentsen. ¹³ I le ba'a iyi ni ke ikyi na nyon mini dela diya na kpen ke a yiya wqq, hin imbe kiben te nyon mini la yiya sisi. ¹⁴ Ena mini e yiya cika'a ke efu aken na ibani, nyon ke mini efgin ikpe diike itan na bobo embe Ato Yesu,tetee'enyon i hin ila fgin ikpe ke ikyi mini-hin ane. ¹⁵ Aneni m'hwe de kiben na kye-kye ke ikyi iyi ni, ncho na bo abyi mini de isise, ke ni du udi ni hwu na to ifan. ¹⁶ Mbe dgu ke mbo abyi mini, ke itan na ila tsu we so Macedonia. Aneni mcho na bo abyi mini ufii, ke ikyu iman ke Macedonia.Ke mini e la tsu ku ufen na so Yahudiya. ¹⁷ Ena mbe tku a neni, mhwe de kiben ifun? Mdeli vo iyi ke imbi ikpe wa, ikyi ni la nyon, mpyido, impyido,msemo, msemo-ke itan dunyen. ¹⁸ Tete'nyon Ukentsen a hwe de gankya ni, ekpan aken imbii ke abyi mini le te "mpyido de "msemo" hin keni itan A hwe "mpyido ¹⁹ imba ukentsen, Yesu krisiti na,Silvanus,Timoti de a'm ifken ke efu mini, le te m"mpyido" de "m'semo."hin ume, itan kyame e "m'pyido". ²⁰ Yeye niswen ukentsen kyame e"mpyido" ke abyimo. Aneni, ke abyimo ili nyon "Ate ane" ke ekye mbe ukentsen. Dadini, Ukentsen mbii de mini hwe dunyen ke efu krisiti,Ambi te. ²¹ Ambe numba mo baile, a ki ivunvun ke kiben na tsu iyi naale bo. ²³ Aneni, m'nyon ido ke abyi ukentsen a hwe igye na tko ihwen nyon ikyi na mle bo korinti wa, ke ila mbe mini butse. ²⁴ De eke nkyi na nyon, icho na hwe itken ke abyi gankya mini na kiki wa. Hin i we vo atsuwo de udi ke akyi kiben na ten-ten embe mini ke na mini ela bunte ke gankya.