¹ Na hwen afkan ita na bo azwen mbeni. A ra ikpi-ndo mbe aken nu-swen mbe yen ifan ko eyen ita ba yon si bo. ² Nde yon tore aka-eswen mbe ba fu vo ambiizwi aka-eswen re ba chu-zo ufun na ufu bo na to ifan, nna yon ufi. Nken ma bore, nna to-mbare. ³ Nna shei nne na hwen etke nin chon ke de ambni Kiristi re yon nuswen-nmi. I bua a sku-esku azwi-mbi. Ke a hwere kafigyi egyi-mbu. ⁴ Emba hwan ikan nken usku, amma ahwere uyon nken kafigye mbe Ukechan. Abi sku-sku kata nken mbo, amma era hwe nken kufiggyi mbe Ukechan na re hwe ma. ⁵ Mbo-egyi, ku de ko hwe nken uzwen-mu. Ne fkigyi mene. Udegyi hwa ambi ten re gyimbo, na Yesu Krisiti hwe nken egyi-mu? se, e'no uma kpe-ndo re-do. ⁶ Na kpe-ndo, ni degyi ke ita kkpu-ya mbo. ⁷ Ndine hwen era fgu Ukechan ke neti vo-ambi-izi. N fgu ma ke mbo-azwe mbo za na ejire mbo. ⁸ Ke itah vo-fkan ya a mu ugyen na kpe-ndo re uzwen, amma uzwen mu mba. ⁹ E ra ten-utsu ufun na ema sku-sku abu hwere kafigyi. Era to - ufo ku hwe ayen mghma. ¹⁰ Nba ambi ten azwen na nhwe na aten re de ne, ken mma ka bore na hwe ma eyen kyu-aken. N chon mana vo-aten re kafigyi ne Ukechan mbe ke nhwe nhwen-gha-kpe nne, se n kya kpe nne etko ¹¹ N hwen mbo, be fginine, ni ten-utsu! Vo-aten na kpe bo akya, tke kafigyi, ni tku ugyen ni te sisi. Ukechan mbe chon re naisi re ne ahwe. ¹² Ni be fkan egyene re ndo be na nvun. ¹³ Eyen hwe mbe Ukechan na keke be ra fkan ne mu. ¹⁴ Negyi shi-shi mbe Attah Yesu Kiristi, re chon mbe Ukechan, re etki nfun mbe nvun ke-ke re ne hwe kata.