¹ Ana nde-okon, ko nkpa dzu ma ambi mu amm, nna sore uda eka re nigyi hwo azwen mbe ukechan. ² Ngyi ugyen nken Kiristi egyi bwo ma inni ba vonzi ko nnken egyi ko vo nken egyi ngyi ma, ngyima, ukechan ggyi asi-a-mbezi so akpo to itah. ³ E'no, ngyi ugyen hwen-ko nken egyi, ko vo nken egyi, ngyima, ukechan gyi a si. ⁴ A' mbezi so azwe hwe chu-chu a fkan aken ba ugyen ba ukpu yon zwe-hwa. ⁵ E ski mbo na nde ukon. Amma, eski na mi na nde nkon, se nken usku-sku mi. ⁶ Nken ma chon na nde-ukon, nna voma egyen-swin ke uzwen nna hwe yon. Amma, che-tore nkon ndere, ke ugye ti-tku me tkan ambina a'de re na afkan azwe-mi. ⁷ A mbezin nken nkon-nde etke mbe azwe sugyo, e'no, ken ti-hwe ma yen nde gyi, a'ken etken mbe gyi, ba ten tkun ma shaitan ken a'kan, e'no, ken nti nde ma egyi na kan-etke. ⁸ Nfgu ukechan afkan ita etke mbe a'mbezi nna azwi mi. ⁹ Amma, a' re-yun, nigye etoshi mi fkire azwe mbu, e'no "ambi-isimi ru hwe, nken usku mbu nhwere kafigyi." Nken e'no, asi etkan na nde nkon etke mbe usku-mi, ke kafigyi mbe Kiristi a ne hwe. ¹⁰ Etke mbe Emo, n kpe ndo re Kiristi nba nken usku-mi, nken etkyo, nzina ma, a se akenmi, re azwi hwe zwi-zwi. Ufun na ma sku-sku nku hwere kafigyi. ¹¹ Nka eyyen-swin! Ni ve-mi so nken. Asi na nika vun, ke nimama nken mbe a ba re tan baka-gyi bachen ikpo. ¹² Uzwen chun mbe bachen ikpo n-vo nken mbe ni re ekube zwen, e'ken chun, ambi kya-nigyi req ambi-ucho-api. ¹³ A kon vo'asi ne te a re ambi kagyi etke mbe ikpi mbe Ukechan ba chu-to, nhwe-ma, nvoma etken azwi ne? Nitoken nke edan hwen. ¹⁴ Debo! Nhwesire na bo azwe mene na to ita. Na voma etken azwe-mene, ke na don ma amene. ¹⁵ Na ten - utsu nvokene ambi ba ni ya don ko a ka bwu na mbe ukyunmi ke. Nke ma ra chon, ne, sisi-ine, mbe yen ba si. ¹⁶ Amma, azwe hwema, nvona etken. Amma, azwe hwe eyen egha, nhwesi egyiona bun-kpe-ne nke egha. ¹⁷ Ko, njire ne na nchu-mbe eyen ka ke ne? ¹⁸ N fgu Titus a ka so azwe-mu, nka so ibuare ufginine ugyen. Ko, Titus jire-nne? Ko ekyun ufu mbe nvun ugyen? Ko ekyun nken azwe hwe ugyen? ¹⁹ Ni ra tku ambi ten kata ufun hwen era etken egyi mbe azwe mbu? Azwe mbe Ukechan nken Kiristi era yon kata ken ne dzu kafigye. ²⁰ Nna ken a fiken nken nma bore nna dzu nna azwe na chon. Nna ken a fiken ni dzu mba zi na chon. Nna ken a fiken aken igui, ukube nban, u'hun chun, na-chon ugyi tken, ashei-den, yen chon agyo, ambi te-sisi ne. ²¹ Nna ken a fiken, nken ma bo kyare, Ukechan mi tebu mbe etki swen mene. Nna ken afiken, nke ma bore na ghun-hun etke mbe eyen hwe kagyine ba vo ambi zwi-zwi bo bwu hwen, eyen ba ta to ambi zwi-zwi re ntan re ambi nban nken chon mbe ambi ba ivu-te.