Uchun 5

1 Igye na akigankya nyon Yesu hwe Krisiti emba ke abyi Ukentsen, igye na achon Ato, chon imba na emba ke abyimo hin. 2 Nanini e tete'enyon ila yiya nyon ichon e we imba Ukentsen : Ena ichon Ukentsen ahwe ba undon mo. 3 Nanini echon imbe Ukentsen: Nyon iba undonmo .Undonmo de itke wa. 4 Igye na emba ke abyi Ukentsen atkan eka ke uten ni.Nanini e jiji eka na atkan uten iyi, de gankya i. 5 Igye na na tkan uten niu? Igye na aki gankya nyon Yesu hwe imba Ukentsen. 6 Nanini igye na a bo ke limben de eken: Yesu Krisiti le bo ke limben bikya wa, hin e ke limben de eken. 7 Iyi ita nyon aken ke ikyi de eken. 8 Ivunvun, de limben de eken.Nani iyi ita be epyido de iskun we. 9 Akena ipyeme ekpan aken ni, imbe bingye, ekpan aken imbe Ukentsen tkan ane.Nanini ekpan aken imbe Ukentsen nyon. a nyon aken ke ikyi imba mo-a hin. 10 Igye na aki gankya ke abyi imba Ukentsen ahwe de ekpan aken na ke abyimo. Igye na ale ki gankya wa, Ukentsen mble'a hwe igye achika. Ikyi nyon a le ki gankya de ekpan aken na Ukentsen ambe ki ke ikyi imbamowa. 11 Ekpan aken na nyon:Ukentsen ki ungun na vontsu, ungun ni e ke abyi imbamo. 12 Igye na ahwe de imbamo,hwe du ungun igye na ale hwe de imbamo wa ungun le te abyi mo wa. 13 Mba iyi ni ke mini ke mini eyiya nyon mini hwe de ungun na vontsu-ke abyi be eki gankya ke embe imba Ukentsen. 14 Aneni, ekiben na kye-ekpo na hwe dey ke abyimo, nyon ena i ka iyi ke ufen, qal fken'i. 15 Aneni, ena iyiya nyon A we fkeni iyi na ika ke abyimo, iyiya nyon i du iyi na ika ke abyimo na. 16 Igye na a de imbayomo hwe vo iyi na byita na ale a'a pyi efu wa.Igye na abgu-ibgu, Ukentsen la ke ungun. Mbe nyon ke ikyi be iyi na byita ale a'a efu wa, Ihwe de iyi na byita na a'a efu, mle we nyon abgu-ibgu ke ikyi na na wa. 17 Na le vo sisi wa kyame iyi na byita,hin iyi na byita te na ale a'a efu wa. 18 Iyiya nyon igye na emba ke efu Ukentsen a le vo iyi na byi Ukentsen li embe hwe sisi, igye na byita de li go'a wa. Iyiya nyon hwe embe ukenchan iyiya nyon uten ni kyame te ke egye abyi igye ba vo iyi na byita na.