Uchun 4

1 Be echon,ekale ki ivunvun kyame e gankya wa. Aneni, mode ivuvnvun ku dey, eke abyi ukentsen tsu bou, ikyi inyon ehwe de ba a'a-bingye le butse ke efu-uten ni hwose. 2 Aneni, mini la yiya ivunvun na abyi ukentsen, ivunvun na apyido nyon yesu Krisiti bo ke ikpe ena abyi ukentsen. 3 Ivunvun na ale pyido nyon Yesu le tsu abyi ukentsen bo wa. ivunvun na abyi ba a'a bingye, na mini efken nyon ahwe bo, dadini ahwe ke uten'ni. 4 Mini hwe imbe ukentsen, e we imba, mini ji we ekan, ikyi nyon igye na ahwe efu-uten ni. 5 Ehwe imbe be efu-uten, aneni aken na eli nyon tsu ke efu-uten. 6 ihwe imbe ukentsen.igye ayiya ukentsen li fken i.igye na ale imbe me ukentsen wa, de li fken a wa. Aneni iyiya ivunvun na gankya de na a'a ckika. 7 Be echon, ichon iskun, echon e ke abyi ukentsen, igye na a chon-echon emba ke abyi ukentsen,ayiya ukentsen. 8 Igye na ale chon echon wa le yiya ukentsen wa, ukentsen echon 9 Ke ikyi aneni, echon imbe Ukentsen embe ki ke abyi, nyon ukentsen tkan imba mo dunyen bo efu-uten ke i du ungun ke abyi mo. 10 Aneni,echon, le te'enyon ichon ukentsen wa, hin te'enyon Achon, atkun imba mo bo a von me ke efu iyi na byita. 11 Be' echon, ena ukentsen achoni, i hin ichon iskun. 12 Igye le de fken ukentsen wa. Ena ichon iskun, Ukentsen hwe hwe di, echonmo te ke abyii. 13 Aneni ila yiya nyon ihwe de'a, ume hin hwe di, ikye nyon. A ki ivunvun mo. 14 Aneni, i de'a, a tsu nyon Ato tkun imbamo ke a hwe igye na vonme uten iyi. 15 Igye na apyido nyon Yesu hwe imba ukentsen, ukentsen hwe de'a ume hin hwe de ukentsen. 16 Aneni, iya'aya. iki-gankya ke echon na ukentsen achon ni. Ukentsen echon, igye na apyeme echonni, pyeme ukentsen,ukentsen hin pyeme'a 17 Ikyi aneni, echon ni hwe di sisi, aneni, ihwe de kiben na kye-ekpo ke itan uken ehwen'na, ikyi nyon te'enyon.Ahwe na, i hin ihwe ane ke uten ni. 18 Afiken le te ke echon wa, Aneni, echon na gankya mbe afiken se'aben, ikyi nyon afiken li bo de abgu ehwen. Hin igyena akye afiken echon le te abyimo wa. 19 I chon echon ke ikyi nyon ukentsen te'eswen choni. 20 Igye na nyon, "ume chon Ukentsen" hin, aze imbayomo, ahwe igye achika. Igye na a le chon imbayomo na a we de'a,la de chon ukentsen na a le de'a na wa. 21 Aneni, nani undon na Ambe ki: igye na achon ukentsen, a la chon imbayomo.