Uchun 2

1 Imbi-skuni mbe ba iyi ni ke mini,ke mini ekale vo iyi na byita wa.Hin ena dunye ke efu mini avo iyi na byita,ihwe de igyena a we efu de Ato, Yesu Krisiti ,ume na ahwe de gankya. 2 Ahwe igye na von mei ke iyi na byita, de imbii bikya wa hin,de uten yi kyame. 3 Aneni, iyiya nyon iya'aya akena iba u'ndon mo. 4 Ingye na anyon"m'yiya ukentsen" hin, ale we ba u-ndon wa ahwe igye acika, gankya le te abyi mo wa. 5 Hin igye na ahwe ba ekpan aken mo,ke abyi mo, echon imbe ukentsen hwe de'a sisi.Ke aneni iyiya nyon ihwe efu mo. 6 Igye na anyon ume hwe ke efu Ato ukentsen,a;kyun-ikyun te'enyon ume ane. 7 Be 'echon,mde wo ba u'ndon ni ibgi na mini ete'eswen hwe de'a deisise na u'ndon ni ibgi, ekpan aken na mini efken. 8 Hin,mbe ba u-ndon ne ifi ki mini, na abe na gankya ke abyi Krisiti de abyi mini ikyi inyon abyi na no-ukpo we vontsu, abyi na kye-kye na gankya te we a'avun. 9 Igye na nyon ume hwe abyi na alavun, aze imbayo mo,ahwe abyi na no-ukpo bo dadine. 10 Igye na achon imbayo mo,hwe abyi na kye-kye, uvon le te n ala bgu-ibgu wa. 11 Hin, igye na aze imbayomo,ahwe abyi na-ukpo, ahwe kyu-ikyu ke abyi na no-ukpo, ahwe kyu-ikyu ke abyi na no-ukpo; ale yiya abyi na a we soe wa ikyi inyon abyi na no-ukpo tsume ati. 12 mbe ba ki mini imbiskun, ikyi inyon eto'ekpo iyi na byita mini-ke ikyi emben mo. 13 Mbe ba ki mini Ato, ikyi inyon mini yiya igye na ahwe de isise. Mbe ba ki mini yiya igye na ahwe de isise. Mbe ba ki mini imbiskun bo-uzu, ikyi inyon mini tkan eka ke abyi ba vo iyi na byita.Mba ki mini imbiskun ikyi inyon mini yiya Ato. 14 Mba ki mini,Ato, ikyi inyon mini yiya igye na ahwe de isise. Mba ki mini imbiskun bo-uzun ikyi inyon mini hwe de ekye, ekpan aken ukentsen te de mini,mini tkan eka ke abyi ba vo iyi na byita. 5. Ekale chon utenni wa, de iyi be ete efu-utenn.Igye na achon uten ni, echon mbe Ato le hwe de'a wa. 16 Iyi kyame ke uten ni-echon mbe ikpe, de echon mbe azi, de ikpe na fki-fkin, le te abyi Ato wa, hin te ke utenni. 17 Uten ni de echon mo la bikya. Hin,igye na avo ke ufen ukentsen la du ungun ne ade la tsuse wa. 18 Imbiskun, itan na hwen-ehwen.Te'enyon ufken nyon ba a'abingye hwe bo, dadini ba a'abingye hwe. Aneni ila yiya nyon ihwe itan na hwen-ehwen. 19 E'butse iyi ke efui,hin ele hwe imbi wa. Eki hwe imbii, eki hwe di. Hin, ena ebutsu iyi, tsun nyon ele hwe imbi wa. 20 Hin emini hwe de ehwo ke abyi igye na kye-kye, mini yiya kyame. 21 Mle ba ki mini,ke ikyi nyon mini de yiya gankya wa,hin,ke ikyi nyon mini de yiya,acika le te ke abyina gankya wa. 22 A be hwe igye na ye-achika'a igye na asemo nyon Yesu de e Krisiti wa? Igye na hwe ba;abingye, ena asemo Ato de imba. 23 igye de hwe na semo imba a du Ato wa. igye na apyi'ido de imba hwe de Ato. 24 Aneni,iyi na mini efken de isise na a te de mini, akena iyi na mini efken de isise na te de mini, mini la hwe de imba de Ato. 25 Nanini, e yeye niswen na ambe ki ungun na vontsu. 26 Mba iyi ni ki mini, ke ikyi ba ela ke mini bgu-ibgu. 27 Aneni, ehwo na mini,epyeme ke ambyi mo a te de mini, mini ekale gafu igye niyen ahwen mini wa.Hin ena ivunvun mo ahwen mini iyi kyame egankya de achikawa, te'enyon ate'eswen hwen mini na ane, ihwe de'a. 28 Imbiskun, ihwe abyi mo, ke itan na ala na,ila hwe de kiben na kye-ekpo, i de la fge-azi ki ke na bobo mo wa. 29 Ena mini eyiya nyon ahwe de gankya, igye na avo gankya, emba ke abyi mo.