Uchun1

1 Iyi na ate ke itan na de isise-na ifken na,ide de azii, na ide,abgu hin,g'o ke hwumo-ke ekpan aken ungun. 2 Aneni, aken ungun, enyon, ide de a'zi ambe nyon. Ihwe fke we che mini aken-ungun na vontsu,na ate de Ato,na enyon ke mini eyiyani fun-fun ikyi'i e'de Ato de imba mo Yesu Krisiti. 3 Iyi na ide, ifken,ifke che mini, ke mini hin e'du fun-fun ikyi'i ide Ato de imba mo Yesu Krisiti. 4 Aneni, i we ba iyi ni ki mini ke acha imbi'i abmyen. 5 Nani ekpan ake na ifken ke abyi mo na enyon che mini ukentsen hwe a'avun, ke abyi mo abyi na no-ukpo le teke hwumo wa. 6 Ena inyon i we fun-ikyi de'a, ahwe kyu-ikyun ke abyi na no-ukpo, i we a'achi-ka, ide we voke hwumo wa. 7 Hin, ena ihwe kyu-ikyun ke abyi na a'avun te'enyon ahwe ke a'avun na ihwe fun-ikyi de iskuni,eken Yesu imba mo la samei ke iyi na byita. 8 E'na inyon ile hwe vo iyi na byita wa, ihwe a'a iskun le, gankya hin,le te diwa. 9 Hin, akena ifke iyi na byita imbei, ahwe de gankya de shishi, na a la to-kpo le, ala sake men ke iyi na byita kyame. 10 Akena inyon ile vo iyi na byita wa, imbe'a hwe igye achika, ekpan aken mo le te di wa.