E fkan na abi nban re hwe nken mene, Yere na ba kpa-iki kpu-kpe-ndo-mbo. A yen re-do re udgo Attah-mbo. 2 E'no mbi, ni ya nde-nkon sisi-ne. Vo ekube ne ke vo'azwi? Eyen na ma vo ebure hwen a si na ke mbezi nken mene. 3 E'no mbi, nrene hwe ma ma, n re ne hwe nken nvun. N kpen re hwan etke mbe yon na vo'eno, ntku nke hwe mu. 4 Nken ne ma funre, nken ben mbe Attah Yesu nde-ne hwe nvun. Ra ka figyi mbe Attah Yesu a re hwe. 5 Nvu e'no ken mbe eyen hwe kai shaitan ka vo-jii-Imba egyi-mu, ke nvun mbo asi ukin mbe Ukechan. 6 Egyi nde nene si-kye. Ne ke nna yisti na chika vo-zwire agma'a kata. 7 Sa ke mbe egyi mu nke yisti na ukpu, ke a hwe agma'a na efi, agma'a na hwere yisti. A vore e to tken mbe Krisiti, Imba mbe Ukechan. 8 E'no eten utsu mbe ukin - ho vore yisti nna ukpu, ke yisti na afgu aten sugyo re ambi zwi-zwi. Etke mbe e'no, re avo ukin-ho mbe agma'a uzwen. 9 N fu ba ufka ke nne ti kpe na edo ra ba ban eyen. 10 Vo'a ba ban yen na egyio a ten, ba chon ambi ko zari, ko ba kpe-iki, na ura hwe ma to-ufu ke egyi. 11 Amma, ndinine hwen, n ba ufka hwen ra ku ti fun hwa re yen ra tan ufginine amma, a hwe nken eyen ban, ko eyen chon ambi ko eyen kpa iki ko atkigyo ko eyen vo-nswen-swen, ko zari. Ti kpu re jii hwan ambi. 12 Na vovo ene na kpen a hwan mbe ba kpure fun etki? Nken mbe e'no ura kpen hwa ahwan mbe ba ikpi mbe Ukechan? 13 Amma, Attah kpen ahwan mbe ba te egyi. kpuzi a ba vo'ambi zwi-zwi nken mene.