1 A hwen azwe eyen hwe kpi te man, uswi mbe Krisiti re ba'a te bun mbe u'don azwen mbe Ukechan. 2 Ndinine hwe ambi re chon hwe asi, uswi hwe ba ra vo'azwen. 3 Amma, azwi-mi a hwe ambi chika na a'me abinme n'a hwan ko azwe kpe hwan egyi de. Nkpu ra kpen egyen a hwan. 4 Nkpu egyi ma ko mbe nejyi ten etke, amma, a chun na nhwe ma re e dan. Yesu hwe si eyen kpen hwan mi 5 Etki mi e'no, ne ti kona hwan ke aten mu tu vo, fkanzi Ukechan re bo. i bua mbe zu abo etan-gha ambi ba ndon te ma nken eche-fu ke ede-gyi ambi tku utsu mbe ukechan nken e'no a ban-ba ra dzu na nvun mbe Ukechan. 6 Ndinine hwe, ufginine, nna vo-aten re udon mu re Afollos etkimini, nken mbe e'no etke mbi kenni hwan etke aken na yon ni ti von zi na ambi na e ba hwe. A hwe e'no ke eyen ugyen ti nde nkon na ibua ra chun na so-so ike-swen etke mbe eyen na gyen. 7 Eyen de-dzu ambi na hwe abu re de? Ambi na uhwere do ke dzu hwa reswen nma akon? Nke reswen e dzu, akon vo'a si era nde nkonmu za na ekpe ya ma? 8 Ne dzu rqa ambi na ne ya don ma! Ne dzu tora-ambi! Ne amere etke ambi ta kata mu! E'no echon mi hwesi ni mbe etke ke abi seh re ne mbe etke. Nna tku ukechan kpu e'te bachen mbo na kpe chun za ana ba te nhwen, nken na Ekpere-ndo mbe te za na eyen mba a kpu-bun-bun. E'teh ambi de-negyi azwe egyi, azwe mbe bachen, re azwe mbe eyen-u hwe. 10 E'te eyen - swin mbe Krisiti, amma egha azwe mbe Krisiti. E sku-sku, amma ne hwere kafigye. A re de ba tere afo, amma ehwere afo. 11 Abo bu u fun hwen e'te ba ugma'a re ba uhwan-nu re ba etken seh egyi naisi fke-mba E'fkan re ambi e'be', ekpe hwere idi. 12 E'vo kan sisi ne, e re vo-aten re afgu mbe. E'tere ba eze, era yon naisi re ke kai ma seh, e ra zwen ekube. 13 Nke ma gyo adge, e ra yon a ken re utsu sisi. E'te, re'e n ndinine hwen a kpu te zana etken azwi egyo egyi aten re ambi ba sugyo kata. 14 N ba ma ken nku egyi-bi, amma ken kya-kya nere biski echonmi. 15 Ko nema hwere ba tken uten u'hu ujii-ifan Imba bwo nken Krisiti, a bene hwe ra ebe Attah. Nghan fi Attah mene nken Krisiti Yesu mbe aken mbo Ukechan. 16 Nna tan nde-edo, ne te ba ra hwan ambi azwe-mi. 17 Ambi ke ntkun to Timoti azwe mbu, eyen chonmi re Imba uzwen-mi nke Attah. Ibua ko bun nere ufu-mi nke Krisiti azwe hwan ne ma azwe kata, re ikpi mbe Ukechan a no-no. 18 Ndinin hwen eyen ba ugyen mene a te ba nde-nkon era vo azwe na nka bo ma ufi'a. 19 Amma, na bo azwe mene a re mbe-ufun nke ukechan ma kpe-ndo. Nken e'no na egyi etken re aken mbe ba nde-nkon, amma, nna de a ke mbe. 20 Idi mbe Attah vo'aken unu mba ahwe, amma, adere ake. 21 Ambi ni ra chonm'a akon? Ndo azwe mene re uchun ko re chon re nvun na utku egyi?