Ikpak 2

1 Wor, bong jom nji ikpelor intuntunor ntama. 2 Kpele anebkol aneblom abaga ntama ka ikorr ne ubob item. 3 Fufene, kpele anebkol anebkal mbor fon inonob ibene, mbor ti ba rungha ne fenghe jol ajoh ka amum dol. Mbor kpele ane anonob abaga. 4 Nogor mbor kpele abonshe anebkal na mbor ba fonor ikorr ka alom bor ne abon bor. 5 Nogor mbor jol anonob anebkal ngor itek, fenghe fon nkaga ka alom bor, nyor nji ibong ishor itige ba gborgor ndon. 6 Ngor mbarr nyo nyring, ka abonshe aneblom nyam item nogor mbor fon inonob ntobor. 7 Ngor abarr waa, teb na nfonor anonob nfangha. Ngho nkpele ya, jol gbol nogor afon nkaga. 8 Toro itom nti ikonor, nyor nji, nne nyor yagor faba, ba gbogor ndon, mbor kpem ishashab nji mbor ba bongho gum wurr. 9 Kpele ajoe nogor mbor fon nkaga ka ada bor ngor abaga waa nogor mbor ti faba nfaba neba ada bor. 10 Ka yu ngor idi bor, lob tab ionob ntama nyor nji amalba kogor anonob nkpele gum Ishor nji reror nnornorgor wurr. 11 Igrasa Ishor iba fon nnorgor ka ane waa. 12 Ikpele wurr na uba tene abaga nfam fenghe jol dede ka abaga Ishor. 13 Ngho nji ube kono nterr ngor inya, ntol Ishor ne Jesu Christy norgor ane mba ibalor batob wurr. 14 Jesu tab ikpen te ka, norgor ujok shaga akanya, ujol-gbol nogor ulem inonob ifangha. 15 Bong jok fengh teb abaga nya. Tag ane ne ikor abaga nya ibabor joro gbe. Fel ne fon nkaga ya.