1 Paul, ntamitom Ishor ne ntontulor Jesu Christy nna ntama ane mba Ishor bebor yege ne ukun abaga ngho itembaga nleme bor jol njering ngho idi Ishor. 2 Ngor ukonu nterr ikpen igen-gen Ishor, we jom keme nkikeme. Ukono nyor be iru ngor imini-imini. 3 Ngor igara nti ilagor aribe mbongsheng ngor utoralom nji ijolo ka me ngor Ishor nji iyor norg wurr. 4 Ka Titus, mon itembaga nnenum ngor ntama yere waa. Igrasa Ishor ne terem iru ngor idi Ada ne Christy Jesu we ngho yor nog wurr. 5 Teb ne nor, ntumor wun shaga ngor Crete, nogor wun bre abodo nya ikabe tikon nogor wun yige anebkol ngor felibugor na ntebor wun. 6 Nenkol nyimba fonor ube, aba fonor nkal nwering ne anonob abon nba iyor kage. 7 Ililag nogor nenkol idi waa ngor itaba Ishor tifon ube. Nenkol laga ati gaba, ati yam item, ati wor amim, ati jol nlige nkuror. 8 Nenkol laga ajorl ntem ane waa, afon ukun abaga ne ubob item. 9 Aba fele ibong Ishor kpekpe, nyor nji amal ba kpele ane mbagor fenghe joro bor gbe ne anemba iyor tentuge. 10 Teb ne ikpe ane mba iyor nim ane tugor, temkpok mba ibe yabgha ibene. 11 Ililag abam mbor teb ne na mbor be kpele nkpele nyi ilagor ngho nshele bor fenghe yor rad akanteg ane. 12 Nne wring ngor igom bor, nyor yilor ibaga sheng, bong na, "Aneb ibugor Crete ba keme nkikeme ba, ashabshab ne abebe uyam, fenghe kele." 13 Ibong nta itembaga ji, joro bor gbe kpekpe nogor mbor fon itontonor ntama. 14 Kawun rag atong ngor mbong Ajews, ne mba ibene bor ibe bolo itembaga tugor. 15 Ka anemba ireror gbol, abaga bor ire gbol. Mba ikatama, mbor yomjol gbol, ntobor ne ntem bor ibu rungho. 16 Mbor yor ten Ishor ngor nleme bor, mbor kpem nkaga ka ne, inonob ifangha mbor nimalem.