1 Ibalabajol igara nti Jesu bebamal nbong nwawaa, ababong neba tontolorbe, 2 "Wun yeyi-wun-are ishegho-atu-abal-shaga, usheghe-shaga ikpibaga nji mon-nenom nboyebe tabakar nbor-komelaga-ite" 3 Anepkol uderm ne anebkol aneh ngho ibogor njor iba bemene-atem ngor itek nenkol udem, nyorbokogene Caiaphas. 4 Mbobalam na-nboba boboh Jesu ngor-uju fenghe yolen. 5 Nboyoba bong, itijol igra ikag, iyonji aberr itibajol ngho-igom-ane. 6 Ngho igara-nti Jesu reror- ngor, Bethany ngho itek Simon ne-abele, 7 nah-ameshebebe ngho ikpokoro, nenkal nweren batobeh ne nkpede atintighe akurr,abawure ngho-ishi. 8 Igara nti batuntonabe iyenor item-ibayambor nborbabong " ijogonan ngha nfelerongho nya." 9 Njah nboyolba tabagoro ngor agboro ayerr, tapka aneb-akanya". 10 Jesu bayi-ntember, abon-nebor, "Nan wun meka nenkal-nya ilam?" Webulem inonob-ijom kameh. 11 Wun yofun anebakanya ngho igom-jene fel-igara meh wun- yomfun-meh fei-igara. 12 Igara-nti abemeh wuro-akurr ngha ngobji yamah, aleme-na tebneh- ikutama. 13 Timbaga, nme nbong nenene, ide-ndegedege njobotor atenteghe alom ngha-nfamya, nti nenkal ya belemgha nborbangha babongho gum-ngoh nboroye. 14 Nweren ngho-igom ishi igolne-ibal, nyor nbokoge-ne Judas Iscariot, tum-jitop nenkol ngbege-nyal 15 ababong, "jenji wun meshep nogor wun kameh nogor ntabe kawun?" Mbobakia ikongho itel-ne-igol. 16 Gbeb-nghoigara ntor agbeb-nshebe-na ayebetaba-kabor. 17 Ngbo-mbarr ufunfu ulege-nsheghe, batuntonor ibatap Jesu fenghe bong, "ngan ameshep nogor ujilem ijomleli pass-over ka nogor wu-ali?" 18 Aba bong, shunwungor ibugor tepwun nenom yondege bong-wun neneh Nkpekpele bubong, igaratama ilomo ngha-ubor. Nmebabeme pass-over ne-batuntulor bama ngho-itek-ja. 19 Batuntulor be ibalem na-atagobor, nbobaji lam ijomlili usheghe shaga. 20 Igara-nti igorr ibegboh, ababemebemeh nogor ali ne-batontulor-beh ishi-igol-ne-abal. 21 Nji nmomeli ababong, timbaga mebuwuntag, nene neweren ngho-igomjene bameh goro. 22 Imug ibalembor, felne yor-bebeh meshagha ada? 23 Abafangha "wenji uber-beh-imetu-nenama ngha-ikpeghe, weyor bame-goro. 24 Mon-nenom batumo, na-inyonor-gumeh. Ndon rayka neyor tabor mon-nemon goro, iyolba noboka noyor, ken-nbeh nbobelem-meh". 25 Judas, nyoyebe-goro, bong, meyor nkpekpele? Aba bong nene "wofonor abu-bong". 26 Namomeli Jesu tab-ishege, yek-inya, afelebum. Atapka batontonobeh fenghe bong "ko-wun-li,ngha ngobji yama-yigha." 27 Atap igbagala aka igafor akaboh fenghe ba bong, "Worwun,wun-waa. 28 Ngha alon-mama-mah ukonoyeh mboba fagah ka-anafeb, ngor ubaga-abebaga. 29 Me-nbong nenener, meh-nemkpeba worgo mogote-ngho-ibubor tetete ufonfu nbi mebawogor nyi-nfenghe nenineh ngor itek nshuama." 30 Igara nti nobeba tom-ibem, nboba-joktum ngor igol olives. 31 Jesu babong nebor, "wun waa wunbagbogor ngha-ne-atu tapnenama, noyoh-iyonor. Meh-nba romo ngomo ujoror, ujoror mghor-igomjor ibarada.' 32 Igara-nti nbobemeh yebyoror, meh-nba gbogo-mbarr ka-wun tomgor Galilee." 33 Peter ba bong nene "jol anebago waa ibugbor tapnena, meh nemtegeba gbogor." 34 Jesu ba bong nene, "timbaga meh-nbubong taga ngha-atuma, nogor nkok-kog, wor abame-teneh igorl-ira." 35 Peter ba-bong nene, "Jol meh-nbakpogor nena, meh nimtege-tena." Batuntulor be-waa iba bong ninor. 36 Jesu batum-nebo jigor idinji mbokok ne Gethsemane, aba bong nebatuntulor-beh, "Bemewun ngha nogome ntum jigoh jijumdor." 37 Abatap Peter ne abon Zebedee abal toneh, abajol ngho-uyene-mug ne ukagilam. 38 Akumba bong-nebor, "Ufu bama-iregor igboro-uyene-imug, jol-ngor-iku. Jolwun-ngha nogor-wun jom-nenama." 39 Abajen tekeh shaga-bor, kugor-ushimerr fenghe jum-ndor. Abong: "nshuama, jolo-irerokpereng igbangala-njaisheng shagameh, itijol na-nshebor ijol na wor-ashebor." 40 Afenghe batop batuntulor-beh bayenbo nbomelal, ababong ne Peter, "wowun nemalba beme nenamahngor igara ntereng? 41 Brewun nogowun jorm-ndon wun tibaba gboyel-ngor abebag. ufu ikpishebe, ngobji bukerr." 42 Aba tum ngho igol-ibal jijum-ndor. Abong-na, "nshuama jolor-iyitimal bameh dheghe shaga, isheghen mebuwor, ntoboya lem-ifangha." 43 Akpe-fenghe bayen-bor momelal, amerbor ilop. 44 Akpeba tumbo-shaga ngor igol-ira ji jom-ndor yo-bong-ato-gobong. 45 Jesu fenghe batop batuntulorbe ba-bong nebo, "wor-wun-kpekpi lala yor-reg-asheh? Bre-igara ibulomo nji monemon nboyebe goro kag ngho ubob-beleme-abegaga. 46 Tum-wun-yeme nogor utum, brewun neyor-beme goro bulomo ikpedikped." 47 Ngho igara nti amebongho, Judas, nweren ngho igom-igol-ne-ibal babah. Igboro igom-ane ibanene gbeb ngho atol udem nyal ne anebkol-ane mbobala-ne ageh, ne agboro nteteh. 48 Ngha nemom yomegoro Jesu ukpulokpuloh tap-iyonor babong, neyo-meyerod weyor, bobewun 49 Atutu-atutu abajentop Jesu ba-bong, "nbakag-nyor nkpekpele" aba-rodeh. 50 Jesu bong nene, "mbae,lem-na abalo-nogor-abalem nborba konoh Jesu abor fenghe bobeh. 51 Neweren nyor jolor ne Jesu tap-ubobe, torr-ugeh-beh yege fug-kem utong ntotolor atol udem. 52 Ngha Jesu babong nene fenghe nene ugeh-bakag, ane-nbah iyoyol ne-ugeh iyo-kpo ne-ugeh. 53 Wun kpetobor wun-are me-nemalba kogo nshuama nyomalbame tomo sheghe igol ne-ibal barog-itom-beh?. 54 Nanor ibene imalbabaga-bajel, itegebaleme 55 Ngho igara-ntor Jesu babong ne-igom-ane, "worwun beba nne-ageh ne-ntiteh nogowun babob-meh na-nju? fel ufunfu nyobemeh kpele ngor itaba-ikobashi, ngho wunbobum-meh. 56 Nya waa ibulem iyor-ibagara ngho nyonor bayene-amerr" Ngha batuntulor beh-waa ibateneh radeshaga. 57 Aneba ibobor Jesu tuge-tume-ngor idi Caiaphas nenkol udem idi ascribe ne anebkol ibekonashi. 58 Peter yoba-toneh-ngho-njem gbeb-ngho mon-iyagah ngor idi Ntol udem Abatumji beme ngoh ating idi-bagoma-adi nogor ayen na -ibajolor ne nor. 59 Ngha, Ntol udem neh balamalam waa iyor-sheb nkekeme nyi nboba kemelaga, Jesu iyor-nbor yebe yolo. 60 Nboyenem nyendegedege, jol nkemelaga nyendegedege jolem, Igara tekehishi-ibal ibabah. 61 Ba-bong "nenomwa yobongbor nbeh, meh malba rongho itabakobashi Ishor ngor atu-ara kpeh joro-nyor." 62 Ntol udem betumyemeh babong nene, " Akpeme- nfangha? Nyanya nbobe torogumagho?" 63 Jesu belekpedokpede, Ntol udem bong-nene, "mebatay ngoh nbeng isho ikpen, tagwurr jolor wogor arero Christy Mon-Ishor." 64 Jesu bafanghe wefunor-yor-abebong meh nbu-wun-tag, gbeb-nghatiga wunbayene mon-nemon bemo ngho uboblom ikoh, fenghe yoba-ngor-agbugbodo ikun-iborr, 65 Ngha Ntol udem befele abomoye-jag, babong, abubong-ashashap nanor umekeshep atensheh? Breh, wun buyok akekmye . 66 Ba-ijom wun metibor? Nbofangha fenghe bong, alaga-nogor-Akpoh 67 Nboyoba-shor atel wure ngho ushimerr fenghe dueh rome-ne-amang nonor-nonoh. 68 Nbobong, Yenwurr-amerr, wor Christy, nyonor romah? 69 Ngha Peter beme-ngho idigbol ngor nkpa-ishup mon-nenkal batobeh bong nene, wor-fefene ajolor ne Jesu ngor Galilee. 70 Abaten ngho ishimerr bowaa ba bong, "meh nyen ijomji wun-mebong". 71 Igara-nti ajogor tumgho idi-shishanga-yel, mon rogor-itom nenkal nweren yeneh abatag anembak ijologho, "Nenomwa jolone Jesu nji Nazareth". 72 Akpeba-faba ne-ntereh "Nmeh-nyim-nenom yor. 73 Mon igara tekeh, anemba iyemoghor iba-babong ne Peter, "timbaga wor-ayobogho igom bor, tapne na-ame-bong itap-nborr" 74 Ngha Peter bagbeb ntogo-yor-teech "meh-nyem nenomwa" Ngho igara ntor nkorg-bakok. 75 Peter ba-borrow nbong yi Jesu bongho 'Nogor nkog nkog-kog ibametene igol-ira. Abajok tum-idigbol abarerr-nakang.