1 Ikun-Iborr iba jlor na abon anepkal mabikabor ti shep ane mbormab itabor atrekang bor nogor bor ji top anep ba kornybal. 2 Ishi iron ijolo adama ane mbor ba gor aron ifornor ulongho. 3 Igara ti mba adama anne ba ita bor atrekang abor, mbor tabem acru mandegedege fele. 4 Mbor ba ifornor ulongho itaba akponkpon kaka acru fele ne atrekang bor 5 Ngha igara ti ba kornibal mer rungho igara mbor wa amerr iba yebe bor mbor lal. 6 Igara ti atu ibe kol urer ba la ba jok, 'bree ba kornibal! shong wun ji tober. 7 Ngha aborn anepkal mba ishi igol mba ikabor ti shep ane wa iba yemer kak atrekang bor. 8 Mba adama ane iba bong ne ba ifornor ulongho, ka wun worr acur mene mandege, tep nenan atrekang yere iya nem. 9 Mba ifornor ulongho iba fangha bor bong na, na ti mal ba worr benghe fenghe re wun, lop shong wun ngor idi anep ba iyor goro nogor wun ji gono ka iji bebe. 10 Igara ti mbor ber ba tum nogor mbor ji gono, ba kornbal iba, mbor ba ilogor ngogi iba tum nene ji ngor ikak-bal fefene mbo iba bam. 11 Mon igara teke mbo ba gor aron ba fenghe ba bong Ada Ada reber kawur, 12 Aba fangha bor ba bong, tembaga mbu wun tak mene mer nyem wun. 13 Konowun nterr tep nenan wun yem ufu fu fornor afe igara fornor. 14 Ngho ire na nne ya gor tum ngor ibugor njendege ayor kok ba rogitum ber ba fenghe ne abodo ye wa kabor. 15 Nwereng aba ka italent iron, wergor aka ibal, errgor akpe ba ka italent njereng, fel ne kolor akobo gara ngor na ikor te, 16 Wer nji kolor italentiron ba tum degedege ji kak aye ngho ifangha, aba laim nshalay ngor italent iron bodo. 17 Ngho mbarr yor nyereng, mbe ji kolor italent ibal, ba laim nshaley ngor italent ibal bodo fefene. 18 Mbe ji kolor italent njerenyba tum jikpa ije kak ndege shaley akobo ada je 19 Ngha igara ti iber rap ikedeAda bor ba kok bor ba, fenghe bree na mbor ber jen ne akobo fonor. 20 Nrogitom nyor kolor italent iron yorr ba ne itakent iron bado ya abe laim nshaley, Aba bong, Ada akale mer italent iron, Bree mbu laim shaley italent iron bodo. 21 Ada je ba bong nene gafor wor nkonoterr nrogitum! A fun tama ka mon jom na teke, mba fenghe ne abodo feb ka ayor brer, yel ngor uyebitem ada ja. 22 Nrogitumnyor kolor italent ibal yorr ba bong ne ada, Ada akala me italent ibal, Bree mbe laim nshaley ngor italent ibal bodo. 23 Ada je ba bong nene, Gafor, innonb ne nfanor ntama nrogitum, Gbe fun ntama ka mon ijom, Nyaba kaga abodo feb abree. ba fun uyebitem ne ada ja. 24 Nrogitum nyor kolor italent jereng ba bong Ada, mer nyiyi mene wor ne akpele yor, ayor kpa ngor idi akatalor afenghe kpa ngor idi aka rador. 25 Mer nfonu ubol mba ba tum ji shaley italent ja ngor ndege, Bre ngha akpe nji iraror ka. 26 Ngha Ada je ba fanghe fenghe ba bong nene, wor ibebe ne ntanfa nrogotum, wor aye na mer yor kpa ngor idi ka talor, fenghe kpa gor idi ka bor ji rada. 27 Na arangho nor ajol fenghe ne akobo yama ji ka ba koro akobo ngor ita ikagara, ken na yorlor kru ngha njol ba kor ayama ne nshaley. 28 Ngha tara italent ji shage afenghe neji bodo ne yor kpelor italent igol. 29 Ka nnedegedege yor malor iwongho, feb ikpe yebe bodo fefene aba fonor kpoo. ka neyor ka malor won ijom jendegedege, jol ji atogor kpe iba tumor shage. 30 Raw nrogitum wer ka kpelor ifan ka gor nnom ijenghe, ngor de urarr ne ulegalol iba jolor. 31 Igara ti Mon-Ishor ba ibaga ngor ndege ye, ne ba rogitom nene ngha aba beme ngor innonob ite utol ber. 32 Ngho ushemerr ber aba korgor nfan wa ba konashi fefene aba fele ane yab yeme ijeje na ngomor uyam yor yabujoro shaga ubol, 33 Aba bomo ujoro ngor uboblom ber ba fenghe ne ubol ngor ubobkal ber 34 Ntol ba bong ne bagor uboblom ber ba wun, wun ba ber fun iya ngor idi nshewama, li wun ibon ikung ji iber joro bom wun kpep ngor iyege itulor nfarm. 35 Tep ne nan njal yam mer aka me ijom lili,irankot iyomer aka mer alepnwor, njolornjene atab mer kag ateng 36 Njolor atartar akak mer abodo, nyol yer yame akonor mer nterr, nyobor ngor ngbagorbor aba yeng mer. 37 Annonob ane iba fenghe fene bong,Ntol ba igara uyena njal ba yame ufenghe ka ali? afiirankote iyoma uka awor? 38 Ba igara uyena na njen ne, ukuma kor kak ateng, afi yena atartar kuma kak abodo? 39 Ba igara uyena amer yam afi ayorbor ngo ngbagobor nyorr ba torba? 40 Ngha Ntol ba fangha fengh ba bong na nebor ngor item-baga mbu bong nenegne, ijom ji alamor jol ishele nan ka ngbayeng jama ntor abe laim karmer 41 Ngha ana bong ne mbor ba ngor ubobkalbe,tum wun shaga mer won mber wun teem ka ngor ngone ikpe ti ika kpelor kumkpok mi ber joro bom ka nnem mbor ne ba rogitum ber. 42 Tep nenan njol yam mer akalem mer ijomlili,irenkoteiyomerakalem mer nwor. 43 Njolor njene, akolem kak ateng, njol atartar, akagem mer abodo, yam fenghe yorbor ngbagobor afornem igara kamer. 44 Ngho mbor ba fangha yor bong na, Ntol ngan uyena njal ba yama, afi alep iba korr, afi atartar, afi uyam, afi ngbagobor nji uka rorga? 45 Ngho aba bor fanghe fenghe bong na, Ngor item ba mer bu bong nenegne, ijom ji aka leiamor ka ngbayen jama, nor yor fefene aka laim kaimer. 46 Nta iba jene tum ngor akanyaikpeng ti ka kpelor ikukulor annonob ane ngor ikpen ti nor.