1 Ngho igara nti , Herod ne Tetrach yok ikikala gum Jesu. 2 Aba bong ne abon ine-ne mbrr, ngha John nwuro alabi abu-yeme shaga iku. tap nenor akor ya ngho ige-idi 3 Herod ba bob John kager ijinge fenghe kage ngor ngbagobor tap-ne Heroias, nkal ngbayel Philip. 4 John bong nene "mber ikbem ibeane nogor atikon nenkal" 5 Herod jolle yol aba ber anne,tap-nenan mbor yen-ne na nyen-abrr 7 8 nji nyin rekge aba bong "kak meh ngha ikoriya ishi John wuro alab. 9 Ntol iba shaber na abep-bor, tap-ne ukone-yor ber ne ane ba iyobor ngor ating nene, aba ran mber lem-wunor. 10 Aba tum mbor ji kimber ishi-ngor ngbagorber. 11 Mbor ba kor ishi je ngor ikoriya baka mon-nekal yor tapbor kar nyen. 12 Ba tongtule barru ba, tap nkune, fenghe gi-kpa-kag. Mbor ba tum ji toro ka Jesu. 13 Igara ati Jesu yok nor, aba jok shaga ugbang tumgor idi iyok ika reror. Igara nti igom-ane yok gum. Mbor ba tonner ngho akpada jigorr ibugor. 14 Jesu baru bar yen iboro igom ane aba fon uyen-imak ka bor fenghe lem anep ayam. 15 Igara nti igorol ibalor, batontule iba-ru tor mer fenghe bong " ngha idi ate kareror jii, fufor iket ibu-jan-fehe yaga igom-ne iyorji mbor ba shongor ngor abugor ji gonna ajem-lili ka uji-nor" 16 Jesu ba-bong nebir mber ikpem lay nogor mbor tum ka-iyaga. Wun kabor abodo nya mbor balekge. 17 Mbor bong tak-geh, "woro-kpe agba-shegeh iron ne akober abal " 18 Jesu bong" kor mbor bakame" 19 Jesu gbana ne igom nogor mbor bemmeh ngor ndege ngho mbele. aba tap agba-nshegeh iron ne akobor abal. Ujor brr ngor ikun-iborr, aba-yege iya fenghe wa agba-nshegeh fenghe ka mbor ba-tontulor, futor batontulor iba ka igom-ane. 20 Mbor waa ili fenghe yron. Mbor-bakpo arurogor nya isha-gor iba-ron intitere igol-ne-ibal 21 mbor mba ililor ijolor aneblom atitle kpel igol ne-ibal ne ane atile igol anebkal ne abon she ishomom, 22 Ngho idolidoor alim ba tontulo ber yel ngor ugbang fengha gbor mbrr kar ngo mkpa-yegor, nogor aba tom igom ane-itum. 23 Nji aber tom igom ane tum, aba tum ngor igol ne-teng ji jiom ndor. 24 Igara nti igoro ibalor ajolor ne-leng ken ngor ugbang ijolor fer ngor iteng teng alab shaga indege tape ne-ufre, nah nfing yolor fulor ne-alem. 25 Igara atu kpaa Jesu kulor bor, yor jen ngho iborr agboro alab. 26 Igara nti ba tontulor ber ibe yen amer jen ngho agboro alab, iba-kabor ilam fenghe bong, "ngha ufu-beh fufor mbor ba rail ngor ubol. 27 Jesu ba bong nebor dededeh mber "fon utun-akup mme yor" ka fon ubol. 28 Peter fanghe ferghe bong "Ada jolor wor yor, gbana nenamar nogor njen ngho iborr ibon alab" 29 Jesus bong "bar" ngha Peter jok shaga ugbang fenghe jor jen ngho iborr alab jilop Jesu. 30 Igara nti peter yen-nor ituntunor afing, aba fon-ubol. Nah abebor nimer, arail jok fenghe bong "Ada nok mme. 31 Jesu ngho idoloidilor iyekge ubor ber fele Peter fenghe bong ka-ber "wor ne mon intama, nan amer fabar?" 32 ngho igara nti Jesu ne Peter itumor yel ngor ugbang nfing bar-yak abor nfukgor. 33 Ba tontulor ber ngho ating ugbang iteg Jesu fenghe bong "itembaga item baga wor mon ishor 34 Igara nti mbor ber sheng ji ngor mkpa nyigor. Mbor bar ngor Ndege Gennesarat. 35 Igara nti aneblom ngho idi injinho irenghor Jesu mbor bar tum-itum ji gor adi-waa ngho iyanging he mbor fenghe kor nedegde yor mber yam ba kahe. 36 Mbor gorre mber mbor-shoro klor ayor iwuru je, na mbor roro-re fenghe kule mbor nob.