1 Ufonfo nbor, Jesu bajok shagitaba ji bemeh nghor mkpa ayar. 2 Igboro igom ameh ibashibeh kag, noyor atumor ji bemor ngho aling ugbang, lgom ameh bangho wa eji bemek nghor mkpa anya 3 Jesu kemba bong abagah feb kabor nghor ngand. Ababong, ntager igbeh ba tumb yogor aji tah amogor te, 4 Nahamiah tah, Amogor Yandege iforor gbor mkpar mbarr, arong ita shod li waa, 5 amogor nyagor ifororgbor nghor ndege atal nyi ikakpelor ndege kpekpe. irunghum igara ibamerr Jok, tepne ndege fonor ifulum. 6 Igara nti njoll ijogor, ibatideh tebikpem arung dole. Iba teb wurugor 7 Amogor yagoh iforor yellgor mbellehajonghor. Mbeleh ajonghofonor ibamerr below bor felleh wodow. 8 Amogor yagor iforo gbor ngho itentenghe ndege fenghe tungho amogor, nyandegeh mkpel atle aron ngor nrorr, nyan degeh atle arah, nyandegeh itke neh igole. 9 Nnehyoh kpelor atong, yogor ayoke 10 Bat ontulubeh ibabong ner Jesu mbeh, nanor iwedor ayokor ngand bong ner igorm aneh? 11 Jesu bafangha mbeh, nbor baka mbaga yogor arenghe mystery nji iyobor ngor ikuniborr, mbanya ikafarn. 12 Nnendegedege nyor kpelor ayabe bodo abafonor shenfeth, Neyor kakpelor, mba tara jorl nji akpelor. 13 Neyor iwedor nyor ko ngand bong nebor. Jorl na mbor mehyen, mbor numbor yern, jorl na mbor meyoke, mnornumor yoke fenghe renghe. 14 Nbor mbeh prophesy Isaih ibu jorl, nji ibonghor mbeh, akpiyogoh anima renghe, akpi yenner, animtigema, fun iluteh. 15 Teb it item mkpet anemba ibu robor, ifenghe jeg bor yogor mbor yoke. mbarbor tem amerr yogor mboti yen ner amrr bor,afi yoke ner alongbor, afi renghe ner item bor, unjor mborba shebeh bar inyor mbabor lemuyum. 16 Ishor bu yigi amrr ya neratonya iya, noyor iwedor ameyen fenghe yoke. 17 Tembaga nkpilataga meneh a prophet fern ner amemba iyemodede feb ikpishebe yogor mbor yern abaganyer ameyen fenghe yoke nya ameyoke mbokamali yogoo 18 Rangha atone ngha ngand yi nneh igbeh tumor yogor aji ta amogorte, 19 nnendedege nyor yogor alome ikun ti fenghe renghe ibebe nneh yobar tara ugban ijomji mborbeh ta ngho item teh mogor yi ataler nger mkpa mbarr yingher 20 nji mbor talor ndegeh atal, irenah nnehyor yogor alome ne uyebitem, urungho igara ijolum, 21 afornum arug kaujibeh, anaranterr tekeh,igaranti nshumitugor ner nneghe ibalor, tebner alome fonor, ntenteg abugbor shagagogor. 22 Nyah mbor talor ngor igom ateh ajonghor, nnehyor yogor alome fonor nterr aedo mfarmya, nnimitugor inob iba foror yell ngor ating alome fonor, ifeghim lemifanya. 23 Mogor nyi mbortalor nyor inonob ndege, nneyor yogor alome fonor, fenghe renghe. A tunghor amogor dool, nyandegeh atle aron, nyandeeh atle arah, yandegeh nkpel itle ner igol nya mbortalor. 24 Jesu kpenar fenghe ner ngand yindege gbehbor mbeh, ikun iborr irena nnehnom nyor tabor amogoteh ji tar nger igbeh. 25 Igaranti aneh ibeh iall, nnen ujingwel nanghaji tar mbelleh ngor igom amoger nya abeh ta fenghe tum kuror. 26 Igaranti ibemerr fenghe joke amogor, mbelleh bangha joke. 27 Balemen ifangha ibatark nfonor ndege mbehi "ada, menegar utalla anonob amogoteh ngha ndege nya? nanor iwedor ibehfon mbelleh? 28 Ababong nnenbor,"nneujing yor beh lemntar" Barogor item beh ibabong nneneh mbeh, akpi she beh yogor uji korr? jogot? 29 Nfonor igbe bafangha,"I ya" teb, nar ameh yub mbelleh fonor amalba yubor amogor formor tonor. 30 Yaga mborwa ifu ji lomo nghor igara mkpaga. Igara mkpaga mba bongho nerbar kpakpaga, gbornbarr yub mbelleh fornor agba ngor ngbar yogor atep. Afenghe log amogor ye jikake ngor ikune Jonah. 31 Jesu kpeba toab igand nyindegeh mbeh, ikun iborr irena moger ifor, nji nneh ta lor ngor igbeh 32 mugor teh nyayi ishellor sheng amoger teh waa. igaranti ibafu ijorfu sheng abodo nyah mbor talor waa ijor fu shereh igboro ite inyor arog iba lerm atek unghor abubor yea. 33 Jesu kpeba tobbor igannd yindege mbeh, ikun iborr irenna, ijomji ne nkal josliumu ngor arogo ifugorifugor yogor itorr. 34 Abodo yangha waa ya Jesu kolor bong nerbor ngor ngand; 35 inyor abaganya aprophet ibonghor ibajolor nor nji mbeh" mba rebeh nyor ngor ngand. Mbabongho abaga nya ishelowshel gbel ngor iyibitulor nfarm. 36 Na Jesu tumor shaga igomaneh ji yell itaba, ba tontuluber ibatobeh mbeh, tarkwurr na ngand mbelli igbeh ijogor 37 Jesu ba fangha mbeh "Nneh nyor talor inonob mogoteh, mon ishoryor, 38 imerr, mfarm ya ye, inonob mogor, abone ikuniborr. Abone nnim ba ireror mbelleh. 39 nneh ujirg nyor tallor bor nnim yor. igaranti nfarm ba kulor yi irreror igara nkpaga. Bakpakpaga ba ireror adengirie ishori 40 Na nbor gbalor mbelle fonor fenghe teb noyor ibajolor nghor ikukulor nfarm. 41 Mon ishor ba tomor adengiri beh, mbor ba fenghe neh abodo wa ngor idingirin, nyah iyor lerm abebe neh mba ikaukor nleger. 42 Mbor babor rogor kag ngor ngone, mbor ba rere fenghe lomalole. 43 Igarantor anemba imenedodedeh iba gbebe nyagah nna njole nghor ikun iborr ndehbor. Nneh yor kpelor atone ayoke. 44 Ikuniborr ishor irenna itentenghe ijomji ishelor ngor ndege nji nneh yenor shelleh ji goroh abodo waa nya akpelor jigonno ndege fonor. 45 Kpebodo nghor ikun iborr irena njenareh nyor mehjang itentenghe abodo, 46 afenghe yern njirin afenghetum ji goroh abodo yeh waa ji gonnoh. 47 Kpebodo ngho, ikun iborr irrena ntumfoh nji nneh yorow kag ngor ayah bub abodo ferb 48 iganti ibeh rorr afenghe trr baa ngor igbongbong. Afenghe bimeh, rangha anonob kag ngor ibam, ror ashashab gor. 49 Nayor ibajolor ngor ikukulor mfarmya. Adengiri ishor, ibabagah ba yab ashab aneh shager amonob 50 mborbabor rogor kag ngor igborow ilolow ngone inarerr neh ulomallol iba shen iji. 51 Abu renghe abodo fonor waa? ba tontularbeh, ibatama, ey Jesu babong neh nor imbeh. 52 Nyon yonor yindengedege nyor sherow ntontulor ngho ikun iborr areh na nfonor itaba nyor yor trr nkokolor neh nya nfemfeh kag ngor anonob nya akpelor. 53 Agranti abeh mal ngand fonor waa, abatun shaga idifonor. 54 Jesu ba yell ngor iyaga ibugor Jer ji kpele aneh ngor ikobashi. Ikor itan bor ngor ikukulor, mbor babong mbeh" ngor baidi nenomya fonor wongho neh ikor utani kon mba? 55 Mon nkomatey shangha? Nyen shang nbor yor kugeh neh Maryeh? James, Joseph,SImon, neh Judas shang ireror agbayen mbah aneblomer? 56 agbayen mbah anebkal shang ngha ne nirieh? ngor baidi akolor abaga nya waa? 57 Item ibayambor neneh. Jesu babong nerbor mber "iprophet Jorfufu nge amrr aneh, shegim ngor ibugor Jer ner ngor igorm nibyer. 58 Alemun utanikor dool nghor, teb nbor fornim ntamah