1 Ngor iyegetulor ijolor ilom, alom fonor ijolor ne Ishor ilom alom ijolor alom fonor Ishor-ji. 2 Ntingha ijolor ngor iyegetulor ne Ishor. 3 Abaga-wa ijolor sheng ngor nji jom-jere ne belem shenghe na nji aber laim. 4 Ngho wer ikpen iyorbor, fefene, fefene ikpen fornor ijolor irana ka ane. 5 Irana fornor iyol yala gbol ngor ijenghe, fefene ijenghe iyom fornikor shanghe 6 Nenom weren joloh-ngor yor mbor ngor idi Ishor mbeng-ye yenneh ne John. 7 Abala na tenshe nogor aba toror gara irana, iyor ji wa iba itama shanghe ngor weh. 8 John shang jolor irana, abala nor gor aba torro gum irana fornor. 9 Irana itembada nti yalor ka ane war iyol ba la ngha nfam. 10 Ajolor ngha nfam fefene nfam jolor shange nyor weh, nfarm fornor yelem meh. 11 A yorr ba ngor abeh werfornor, abeh wer fornor ikolum mer. 12 Gara ngor ijom-ji ikoleh fenghe ntama ngor mbeng ye akalikor mber mbor jol aborn Ishor. 13 Mbor belem bor ngor alone afi ngho ntubor ngoji afi ngor ntubor nne shenghe ngor ntobor Ishor. 14 Ilome iba shere ngoji ba nene ne nere, worr be yeng nnobor ye, nnobor yena iraror wer nenteng yoror ngor idi nde. Rorr na nkaga ne itembaga. 15 John ba bong gare na, Ngha wer yor ngha wer mer mbongho wer nji mer ba tunnor mer fullorshanghe na mer reror ngha tep nanan wer kpolor mbarr ka mer. 16 Shange ngho annonob ye worr ufun nnobor bodo ngor nnobor. 17 Gara ngho mbene mbor ka la sheng ngor idi Jesu-Christy. 18 Nne nwereng ka nyen Ishor , Ishor ji njereng, wer nji reror ngor ugbanghe nde, abe laim Ishor ane iba yi 19 Ngha nta ti ijolor ntenshe John ngor igara ti anep Jesu itomor adem ne ba yaianyala torge, ngor ibugor Jeruselem nogor mbor ba bepber. Wor nyongho?. 20 A ba toror kpol, atenem, aforor, "mbe wor Christy shang". 21 Mbor ba bebor wor yornor ngha ntega? Wor Elijah yor? Afenghe mer sheng, mbor ikpe ba bong, War areror nyenanmerr?, Aba fangha ay-ay 22 Mbor ba bong nene war yonor jimalba ka nfangha ka ane ba i tomor worr, Ba jom abong gum ishorba? 23 Aba bong mer ilom nti imer rarr ngor ikankan ifu, Lame mberr Ishor jol kporr, na Isaiah nyen amerr bong. 24 Ngha tega mbandege mbor tomo bor ngor Pharisess. 25 Mbor ba beber ba bong na nene "nan iwerdor amer worror alep mjolor aka reror Christy, afi Elijah, afi nyema amerr." 26 John ba fangha bor ba bong, mer yor warror alep ne alep, ngho igom Jene ne yermmor nyor won ka yelle, 27 Wer yor raror nneyor ba baga tornor mer, Wer nji jol alege abodo akpada yer nkabor ti re iyor mer fenghe alege. 28 A baga nyangha mbor lame ngor Bethany ngor ugbagha Judan ngor idi John yolor worror alep. 29 Ntem funfo John ba yen Jesu mer ba ngor idi je aba bong, bree, ngha Mon njoror Ishor yor ngha wer tabor abebong nfarm tum. 30 Wer yor ngha, wer nyolor yor bong; mer ne wer me ba tunor mer fulor shanghe mer tep ner nan ator jolor gbor-marr ka mer. 31 Mer nyelem mer ijolor nor iyor ji aba reber lele tap Isreal ber mer bala yor worror ne alep 32 John fede nyen ba bong, mer nyenghe ufu imer bodor ngor iborr na idogo ngha, iba shaga yemer ngor ngoji, 33 Mer nrenghe mer, Wer nji tomor mer be ba worr ne alep ba bong ne nama, ngor ngoji nendegedege yor ayenor ufu ibe ba shaga yemar ngoji wer yor raror ne yor mer worror alep ne unonob ufu. 34 Mer ber nyeng fenghe yongho, mer ne ngha Mon-Ishor yor. 35 Ntem fonforna John yemor ne ba tuntulor ber ishi ibal, 36 Mbor ba yen Jesu mer jen shang ba bong, bree Mon- njoro Ishor. 37 Aba tuntulor ber ba ishi bal iba jok na abe bong ntia mbor ba tonor Jesu. 38 Jesu ba kebe yeng bor mer turnor, aba bong ne bor, Ba jom wun mer shep? Bor ba fangha Nkpekpele, Nganor anernor? 39 Aba bong kabor, ba won ba yeng. Mbor jol nene ngho ufonfu bor,ngho ijol igaranti iber ri ihour igol 40 Nwereng ngho igom ishi bengho ibal wer yogor John be bong fenghe tonor Jesu ijolor Andrew, ngbayen Simon Peter, 41 Akpolor mbarr yeng Ngbayen Simon, aba bong nene "Worr ba yeng nogaane" (Christy). 42 Akorye ba ka Jesu, Jesu ba bree fenghe ba bong, Wor yor areror Simon mon John, bor yor yaba kogo ne cephas (Peter) 43 Ntem-fonfo ji Jesu ber shep nogor atum ngor Galilee aba yen Philip ba bong nene, tunor mer. 44 Ngha Philip jogo ngor Bethsaida, ibugor Andrew ne Peter. 45 Philip ba yen Nathaniel aba bong nene, Wer nji tep ner nor Moses yonnor ngor ibene ne ba yenamerr, wor ube yen Jesu mon Joseph ngor Nazareth 46 Nathaniel ba bong nene, innonob ijom njendegedege iyima jok ngor Nazareth? Philip " ba bong nene, ba nyen" 47 Jesu nyen Nathaniel mer ba ngor idi je, aba bong gumer . Bree item baga nne Isrealite, wer ji ka kpelor nshomor tugor. 48 Nathaniel bong nene, na wor ayelor mer? Jesus fangha fenghe bong nene, nogor Philip kogo nji ayobor ngor alar ite nji iyemor, mer nyena-nyen 49 Nathaniel ba fanghe nkpekpele, wor yor areror Mon-Ishor, wor ntol Isreal! 50 Jesu ba fanghe fenghe " tep nenan mbu bong mener nyena ngor ala ite njiikaneghe, au tama?" aba yenghe akontol abaga nya fulor shanga nyangha. 51 Ngha aba bong " Ngho item baga mer bu wun tak, wun ba yeme ikun-iborr ibe reber, ba rogitom Ishor, yor ba yoror fengha yor bador ngor ngojo mon ntol ishor.