Ikpak 1

1 James, nrogitom Ishor ne ada Jesu Christy, ka anip igol ne ibal ngho ngara nyor: mbuwun kak nyor. 2 Tap wun ngor uyebe item , ba ngbayen jama, ngara ti alam feb iye jol nenine. 3 Wun nyinyi na uyongho ntama nya iyokor unara nterr ba. 4 Negor unara nterr imal ifangha te nyor wor afenghe tunor fenghe kon, ijomjom inima kerr. 5 Nne nyor ye shep ulongho, abub ngor idi Ishor, nne nyor joka ane waa, ajom terr ajor ka ane mba iyebube wa a. 6 Nne nyor ye bub, afon ntama, tifaba ijom-jom. Ne nyor ye faba rena akpah ngor agboro alip mma iyor fab fenghe, fab fenghe. 7 Ne yor titobor mbe we bakogor ijom njin ndegendege ngor ubub ada. 8 Ne nyor kpelor ntem ibal ngor abaga ye wa yor. 9 Nnogor ngbayen jere nyor ka kpelor ijom jom yib ile yere nna areror. 10 Nne afan na reror teke, ngornan aba shenghe na ishapshap mon ite nyor shumor ngor mbele. 11 Nna njol yor jok ne ifobo fele mbele yol. Aflower fonor fororgbor, anor ye itan. Nnoyor fufor, nne afan ba jolor ngho iteng tenghe ijente. 12 Inop nop ijol ne neyor ba jolo tere ngor nyongho. Ngara nyi ayesheng nyongho fonor, aba fonor iwown ikpen, nji mbo be kono nyor ka ane mba ikpelor ikorr ka ishor. 13 Nne ndege ndege ti bong ngor ngara nyongho, "Ishor bume yongho" ngonan ishor jom yongho nne ngor ishapshap, afi we fonr jor yongho nne we nji ndegendege. 14 Nne nji ndegendege jor fon nyongho ngo abodo nya ijo korr e. 15 Ngara nyi abod nya ibe korr, ibel ibe bak, ngara nyi ibe bak funor ibe fu mal, ibel iku. 16 Nne nne ti wun nime, anep ikorr bama. 17 Inop nop nkagar nyindege jor wurr ngor iborr, idi nshuwure nyor kpelor irana. Ngho idi je nyangha re-em. 18 Ikorro Ishor nogor abel wurr ngo alom itembaga ye, nyor nji uba joli na agbogo mbarr amogor ite nya mbo gbolombarr leme. 19 Wun nyiyinor ba ngbayenjama: Nnedege ndege yok baba, atigoli bongho, item itie yam baba. 20 Ngonan uyamtem ne ijom fon nnobor ishor. 21 Tep ne nor yene won gum ashashap abaga wa a nya ijogor ishap shap ntobor ba, ngor tere wun ba fonor alom, nya imalba nogor afu yinne. 22 Leme won nna alom imebongho ka wun jol ba yok yogor nenting, jor nime wonatem. 23 Nnedege ndege nyor jor yok alom aka yor leme, rena nne nyor jobre ushimerr be gor iyene. 24 Abre ile jok tum yene ijom nji na afongho. 25 Nne yorjor bre kpekpe ngor inop nop mbene nshoroh, fenghe jor leme nnor iti jol nyok nyogo nyor jor yene, inop nop iba jolor ka e ngho nteme ye. 26 Nne nyor ye tobor mbe we nji Ishor tima bom ulege be, ajor nimi item te, utama tuge Ishor be ikpem ifan. 27 Utama tuge ishor mbi ireror gbol ikabotirenghe ngor Ishor ne nshuwure, irenor nogor ikor kak ane mba ika kpelor bab nde ne mba alom bor ibe kpor ubor ngor abaga nya ibe jol nebor, nogor ati fon ishapshap idime ngor idi nfam.